وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

ئۆباما نامەی پێزانین ئاراستەی پزیشكێكی كورد دەكات

لەلایەن حەکیم داود 3/5/2016
باراك ئۆباما
باراك ئۆباما

رووداو - هەولێر

رۆژی 28ی نیسانی 2016 وەك هەموو رۆژە ئاساییەكانی دیكەی د. هەڤاڵ دەچێتەوە ماڵەكەی، بەڵام جیاواز لە هەموو رۆژەكانی 33 ساڵی رابردووی تەمەنی، نامەیەكی لە سەرۆكی زلهێزترین وڵاتی جیهانەوە بەدەست دەگات؛ باراك ئۆباما. 

نامەكە لەسەرى نووسراوە لە باراك ئۆباما، چلوچوارەمین سەرۆكی ئەمریكاوە بۆ هەڤاڵ كلی، پزیشك لە شاری ئەتڵانتای پایتەختی ویلایەتی جۆرجیا. 

كۆبانێ‌، كە ئێستا لە جیهاندا بەهۆی بەرخودانەكانی بەرامبەر داعش شارێكی ناسراوە، شاری ئەو پزیشكەیە كوردەیە كە ئۆباما نامەكەی ئاراستەكردووە، بەڵام ئۆباما نازانێت د. هەڤاڵ خەڵكی كۆبانێیە و تەنها وەك كۆچبەرێكی سووریی نامەكەی ئاراستە كردووە.

نامەكە، كە واژۆی باراك ئۆباماى لەسەرە، رۆژی 18-4-2016 ئاراستەی د. هەڤاڵ محەممەد كلی كراوە و نامەیەكی پێزانین و دەستخۆشییە.



نامەكەی ئۆباما لە كۆشكی سپییەوە رەوانەی ویلایەتی جۆرجیا كراوە، كە شوێنی نیشتەجێبوونی خێزانی پزیشكە كوردەكەیە. 

د. هەڤاڵ كلی لە لێدوانێكی تایبەتدا بۆ تۆڕی میدیایی رووداو باسی لە چیرۆكی ژیانی خۆی و نامەكەی باراك ئۆباما دەكات.

لە نامەكەدا باراك ئۆباما دەستخۆشی لە د. هەڤاڵ دەكات كە توانیویەتی بە خەونەكانی بگات و هاوكاری دەورووبەرەكەشی بكات. 

د. هەڤاڵ گوتی "كە نامەكە بینی تووشی شۆك بووم. بەڕاستی هەستێكی سەیرە كە سەرۆكی ئەمریكا نامەیەك بۆ بنێرێت".

د. هەڤاڵ كلی لە بنەڕەتدا خەڵكی رۆژئاوای كوردستانە، دایكی خەڵكی قامشلۆ و باوكی خەڵكی كۆبانێ-یە، بەڵام كە لە سووریا بوون، لە شاری حەلەب ژیاون.



دوای ئەوەی شەوێك هێزەكانی سەر بە حكومەتی سووریا محەممەد كلی دەستگیر دەكەن، بۆ ماوەی سێ‌ مانگ لە زیندان دەبێت و ئازاری دەدەن، ئەوەش دەبێتە هۆی ئەوەی خێزانەكە ناچاربن بەڕێگەی قاچاخ رێگەی ژیانێكی باشتر بگرنەبەر.

باوكی هەڤاڵ پارێزەرە و دەیەوێت داهاتوویەكی باشتر بۆ خۆی و منداڵەكانی دەستەبەر بكات. لە ساڵی 1996 خێزانەكەی هەڤاڵ، كە باوك و دایك و برایەكی لەخۆی بچووكترە، روودەكەنە ئەڵمانیا. 

لە ئەڵمانیا مافی پەنابەری بەو خێزانە كوردە نادرێت، بۆیە ناچار دەچنە ئەمریكا و لە شاری ئەتڵانتا لە ویلایەتی جۆرجیا نیشتەجێ‌ دەبن.

لە 25ی سێپتەمبەر 2001 و رێك دوو هەفتە دوای رووداوەكانی 11ی سێپتەمبەر، كە هەڤڵل تەمەنی 18 ساڵ دەبێت، لەگەڵ خێزانەكەی دەگەنە ئەمریكا، بەڵام لێبڕاوانە دەست بەكار و خوێندن دەكات.



هەڤاڵ كلی بەشی پزیشكیی تەواو دەكات و دواتریش بەهۆی لێهاتوویی لە زانكۆی ئیمۆری بۆ خوێندنی باڵا وەردەگیرێت. بەڵام هەرگیز ئەو رۆژەی بیرناچێت لە پایزی 2001 كاتێك لە رێستۆرانتێكی بچووكی نزیك زانكۆكە دەست بە كاری قاپشۆردن دەكات و بۆ هەر كاژێرێك پێنج دۆلار وەردەگرێت.

لە 2001 كە دەگەنە ئەمریكا، باوكی هەڤاڵ توانای كاركردنی لە ئەمریكا نابێت، دایكیشی هەرگیز كارینەكردووە، برا بچووكەكەشی تەمەنی 14 ساڵە و ناتوانێت كار بكات، بۆیە هەڤاڵی تەمەن 18 ساڵ دەست بە كاری قاپشۆردن بۆ بژێوی ژیانی خێزانەكەی دەكات.

د. هەڤاڵ كلی، كە وەك ئاژانسی ئەسیۆشیەتد پرێس نووسیویەتی "كۆچبەرێك لە قاپشۆرییەوە بۆ پزیشك" لەگەڵ ئەوەی لە قۆناخی ئامادەیی بۆ هاوكاری ماددی خێزانەكەی، كاری قاپشۆری دەكات. بەڵام بە نمرەیەكی بەرزەوە دەتوانێت بگاتە خوێندنی پزیشكی، كە ئەوەش خاڵی دەستپێكی خەونەكانی بووە.





نامەی دەستخۆشی ئۆباما بۆ ئەوە دەگەڕێتەوە د. هەڤاڵ، كە خۆشی كۆچبەرێكی سووریی بووە، دەستدەكات بە هاوكاری ئەو كۆچبەرە سووریانە لە ئەمریكان، بەتایبەت چاودێرییكردنی پزیشكیی منداڵانی كۆچبەری سووریی.

دۆناڵد ترەمپ، كاندیدی بەهێزی سەرۆكایەتی ئەمریكا، كە ئێستا یەكێكە لە بەنێوبانگترین ناوەكانی جیهان ومیدیاكان زۆرترین گرینگی پێدەدەن، بەگوتە سەیرەكانی تەنها خۆی بەنێوبانگ نەكرد، بەڵكو چیرۆكی دەیان كۆچبەری وەك د. هەڤاڵی بەبیر كۆمەڵگەی ئەمریكیی هێنایەوە.

دۆناڵد ترەمپ، كە بەهێزترین كاندیدی كۆمارییەكانە بۆ گەیشتن بە كۆشكی سپی، لە گوتەیەكیدا رایگەیاند "ئەگەر ببمە سەرۆك رێگەنادەم موسوڵمانەكان بێنە ئەمریكا"، ئەوەش ئەو پرسیارەی لەلای میدیا و كۆمەڵگەی ئەمریكی دروستكرد، كە موسوڵمانە ئەمریكییەكان كێن؟ 



ئاژانسی ئەسیۆشیەتد پرێس لە راپۆرتێكدا چیرۆكی چەند كۆچبەرێكی موسڵمانی خاوەن رەگەزنامەی ئەمریكیی باسكردووە، كە یەكێكیان د. هەڤاڵ كلی، پزیشكی تەمەن 33 ساڵی كوردە و نووسیویەتی "لە قاپشۆرییەوە بۆ پزیشكی". راپۆرتەكەش پێش ئەو كاتە كراوە كە باراك ئۆباما نامەكەی ئاراستەی پزیشكە كوردەكە كردووە. 

د. هەڤاڵ بۆ رووداو باسیلەوەكرد، یەكێك لە خەونەكانی بینینی ئۆبامایە، بەڵام بەهۆی ئەوەی ئۆباما ماوەی كەمتر لە ساڵێكی ماوە لە كۆشكی سپی، پێناچێت ئەو خەونەی هەڤاڵ بەدیبێت، ئەوەش دیارنییە ئەگەر دۆناڵد ترەمپ ببێتە سەرۆكی ئەمریكا، كۆچبەرێكی موسوڵمانی "سەركەوتووی" وەك د. هەڤاڵ بانگێهشتی كۆشكی سپی دەكات، یان لەسەر سیاسەتە دژە كۆچبەرەكانی بەردەوام دەبێت.

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

کاوە | 18/11/2018 02:17:58 ص
ئەو سمێل زلە جەمانە لەسەرە لەناو خوپیشاندانەکەدا دەرکەوت ناوی مام خدر بو لە کوردستان، نازانم چ ناویکی بوخی داناوە وەک دیارە ناوە نویەکەی کردووە بە ی...
حەوت هەزار کورد لە بەریتانیا گرفتی نوێکردنەوەی پاسپۆرتیان هەیە
| دوێنێ کاژێر 10:24 | (1)
Azad Azad | 17/11/2018 06:02:02 م
ترامپ ڕاست ناكات ترامپ كابراێكی زۆر مه‌كار ه‌ چاوه‌ڕێی ئابلۆقه‌ی ئێران ده‌كات به‌ته‌واو بونی ئێران ئۆردوغان له‌ حوكم نامێنێت.
ترەمپ ستایشی ئەردۆغان دەکات: پیاوێکی بەهێز و عاقڵە
| 17/11/2018 | (1)
ئالان عزیز | 17/11/2018 06:18:13 ص
دەست خۆشی لەو کەسانە ئەکەم کەئەو بیرۆکە جوانەیان بەمێشکدا هاتوە وە ئەوانەشی کە کاری تێدا دەکەن، ژنانی کورد ئیتر دەبێ پارێزگاری لەخۆیان بکەن لە جیاتی...
ئەمریكییەك كچانی كورد فێری بەرگری لەخۆكردن دەكات
| 17/11/2018 | (1)
Azad Azad | 16/11/2018 07:36:07 م
با شیعه‌ پاداشتی ئه‌مه‌ریكا بداته‌وه‌..!!! ئه‌مه‌ریكا باباش تێبگات له‌ شیعه‌ و عه‌رب نه‌ختێك قه‌دری گه‌لی كورد بزانێت.
لە بەغدا خۆپیشاندەران ئاڵای ئەمریکا و ئیسرائیلیان سووتاند
| 16/11/2018 | (1)

لە بەشەکانی دیکەی رووداوەوە

کاتی گەڕانەوەی خوێندکارانی بەشە ناوخۆییەکانی زانکۆی سلێمانی دیاریکرا 6 کاژێر لەمەو بەر |

کاتی گەڕانەوەی خوێندکارانی بەشە ناوخۆییەکانی زانکۆی سلێمانی دیاریکرا

"دەبێت كچان تاوەكو كاژێر 05:00 و كوڕانیش تاوەكو زۆرتر
پیاوێك لەبەر خۆشەویستەکەی بە فیلەر چووکی گەورە دەکات 23 کاژێر لەمەو بەر |

پیاوێك لەبەر خۆشەویستەکەی بە فیلەر چووکی گەورە دەکات

بیرۆکەکەی 100% سەرکەوتوو بووە زۆرتر
هەفتەی هۆشیارییە لەبارەی دەرمانە دژەزیندەکان دوێنێ کاژێر 10:23 |

هەفتەی هۆشیارییە لەبارەی دەرمانە دژەزیندەکان

بۆ دوورکەوتنەوەیە لە خراپبەکارهێنانی دەرمانەکان زۆرتر
0.25 seconds