Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Aborî

Karsaz ji nediyariya siberoja peywendiyên Enqere û Hewlêrê bifikar in

Ji aliyê SERKAN İNCE 3-10-2017
Rûdaw

Amed (Rûdaw) – Bi encambûna giştpirsiya serxwebûna Başûrê Kurdistanê re peywendiyên Hewlêr û Enqerê ket nav qeyranekê. Qeyran û nediyariya siberoja peywendiyan ji niha ve dest û piyên karsazan girê daye.

  

Bi giştpirsiya serxwebûna Başûrê Kurdistanê re peywendiyên Hewlêr û Enqerê ket nav qeyranekê. Lê têkilî bi temamî qut nebûne. Tenê egera bi temamî qutbûna peywendiyan jî ji niha ve rê li ber kizbûn û kêmbûna hilberîna kargehan vekiriye. Bi taybetî ew kargehên ku berhemên xwe hinardeyên Başûrê Kurdistanê dikin.

 

Daxuyaniyên tûj ên rêveberên Tirkiyê hinek sist bibin jî nediyariya siberoja peywendiyên aborî berdewam dike. Kargehên li Bakurê Kurdistanê salane derdora bi qasî 2 mîlyar dolarî berhemên xwe hinardeyî Başûrê Kurdistanê dike. Ji vê hinardeyê bi qasî 350 mîlyon dolarî Amed pêk tîne.

 

Egera girtina deriyên sînor ji niha per û baskên navendên veberhênan û pîşesazî yên Bakurê Kurdistan û Tirkiyê şikandiye.

 

 

Li Navenda Pîşesazî ya Amedê Kargeha Yeşîl karton û ambalajan hildiberîne. Rêjeyeke girîng a berhemên xwe hinardeyî Başûrê Kurdistan û Iraqê dike. Lê niha hilberîn jî hinardekirin jî hema bigire nîva nîv kêm bûye.

 

Endamê Desteya Rêveber a Kargehê Beraat Yeşîl ji Rûdawê re wiha got: “Em dixwazin ku di navbera Hewlêr û Enqerê de diyalog pêk were û peywendî berdewam bikin. Daxwaziya me ew e ku têkiliya aborî ya Herêma Kurdistan û Tirkiyê berdewam bike. Em naxwazin têkilî xirab bibin. Em naxwazin deriyê sînor were girtin.”

 

Li Bakurê Kurdistanê aborî û veberhênan jixwe lawaz e. Aboriya ku van salana li bajarên Bakur geş bûye jî bi kêmanî ji sedan sî bi saya bazirganiya bi Başûrê Kurdistanê re ye.

 

Gerînendeyê Kargehê Îlker  Taydaş jî diyar kir ku ew mehane hezar û 750 ton karton û ambalajî hildeberînin û wiha domand: “Ji vana ji sedan 35ê berhemên xwe bi qasî 500 hezar dolarî hinardeyê Herêma Kurdistanê dikin. Me dixwast ku heta sersalê hinardekirinê ji 450 tonî derbixin hezar tonî, lê ji ber nediyariyê niha me ev plana xwe rawestandî. Hilberîna me kêm bûye, ji ber ku sibe çi dibe ne diyar e. Sîparîş kêm bûne. Ger sîparîş û bazara Herêma Kurdistanê nebûyana dibe ku kargeha ku wiha nehata avakirin.”

 

Li Kargeha Yeşîl a ku di sala 2016an de bi dozdeh mîlyon dolarî hatiye avakirin 163 karker dixebitin. Qutbûna peywendiyên aborî yên Başûrê Kurdistan û Tirkiyê dikare wan bêkar jî bihêle.

 

Karkerê bi navê Serdar Eroglû jî got: “Ger li vir ev kargeh û kar nebûya, diviyabû ez biçim Enqere, Îzmîr û Sitenbolê.”

 

Karker Mûrat Dûman jî anî ziman: “Ger deriyê Başûrê Kurdistanê bê girtin, hingê li Bakur yekser kar û veberhênan kêm dibe.”

 

Kargehên Amedê nêzîkî 350 mîlyonî, tevahiya kargehên Bakurê Kurdistanê jî salane bi qasî 2 mîlyar dolarî berhemên xwe hinardeyî Başûrê Kurdistanê dikin. Tevahiya Tirkiyê salane derdora 12 mîlyar dolarî hinardeyê Başûrê Kurdistan û Iraqê dike.

1453 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)
0.609 seconds