Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Aborî

DÊRIK - Berhemhênerên zeytûnan kiryaran peyda nakin

Ji aliyê RÛDAW 31-10-2018
Li Dêrikê dema komkirina zeytûnan destpê kiriye

Hewlêr (Rûdaw) – Li Dêrika Çiyayê Mazî ya ser bi Mêrdînê li Bakurê Kurdistanê berhemhênerên zeytûnan nikarin bi nirxek baş berhemên xwe bifiroş in.

 

Li Dêrika Çiyayê Mazî bi dirêjahiya rêze çiyayan li ser rûberê 50 hezar donim zevî nêzîkî milyonek û 750 hezar darên zeytûnan hene û çavkaniya dahata xelkê navçeyê e.

 

Dema komkirina zeytûnan destpê kir. Îsal li Dêrikê 10 roj zêdetir dest bi komkirina berhemê zeytûnan hat kirin. Herçiqas baranan çend rojên derbasbûyî dilê berhemhênerên zeytûnan xweş kiriye, lê nebûna kiryaran bûye pirsgirêk bo berhemhêneran.

 

Derbarê vş mijarê de berhemhênera zeytûnan Mihrîban Azlag wiha axifî: “Ligel barîna baranê zeytûn xweşiktir bûne, xweşiktir jî dixuyên. Dibêjin bi dused lîre, wîjdan û merhamet heye, çima ma zeytûn bi du lîre hene? Nînin. Tu diçî wan zeytûnên reş dikirî qotî bi 20 lîre. Li vê derê ev zeytûnên kesk hene ku bereket û tendirûst in û dizanî ka te çi zeytûnek kiriye. Lê bê fêde ye, ji ber nebûna kiryaran zeytûnên me li ser erdê mane. Em daxwaz dikin çareseriyek ji zeytûnên me re were dîtin."

 

Berhemhênerên zeytûnan dibêjin salên derbasbûyî, kiryar ji navçeyên rojavayê Tirkiyê dihatin Dêrikê û ji vê derê zeytûn dibirin, lê îsal wek pêwîst kiryarên berhemên wan nînin û daxwaz dikin kargeheke zeytûnan li navçeya wan were vekirin daku bikaribin baştir berhemên xwe bixin bazarê.

 

Berhemhênerê zeytûnan Riza Temel  jî got: “Mixabin zeytûn dibin xisar, kiryar bi dest me nakevin. Karê me bi avê de diçe, barîna baranê gelekî baş bû, lê kiryar bi dest me nakevin, kilo bi du lîre, sê lîreyan difroşin, hê jî em nikarin bifroşin."

 

Ligel ku kiryar kêm in, lê ew kiryarên ku bo kirîna zeytûnan hatine jî dibêjin, zêytûnên Dêrikê yên herî baş in lewra wan ew hilbijartine.

 

Kiryarek jî dibêje: “Zeytûnên vê derê behadartirîn corên zeytûna ne li cîhanê. Bi rûn in û rune wan xwezayî ye, bi başî tîrêjên rojê li wan didin. Em hatine bikirin. Hatina baranê gelekî baş bû bo zeytûnan û bibe xêr û bereket ji xwediyên wan re, bi hêviya xwedê."

 

Li Dêrika Çiyayê Mazî bi dirêjahiya rêze çiyayan li ser rûberê 50 hezar donim zevî nêzîka milyonek û 750 hezar darên zeytûnan hene û çavkaniya dahata xelkê navçeyê e. Zeytûnên Dêrikê li ser asta Tirkiye û Bakurê Kurdistanê bi wê yekê tên naskirin ku rêjeya rûn di wan de gelekî zêde ye û zedeyî 10 corên cuda lê tên berhemanîn.

 

Tê çaverêkirin ku berhemê zeytûnên îsal li wî bajarokê Mêrdînê 2 hezar ton be. Sala borî baştirîn corê zeytûnên Dêrikê kilo bi 12-13 lîre li bazarê dihatin firotin û îsal kilo bi 15 lîreyan tê firotin.


Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Koçer | 2019-03-06 6:41:32 PM
Xelata we pîrozbe. Bi hêviya xelatên mezintir ji Ragihandinên Kurdî re
Medyaya civakî ya Rûdawê bû fînalîsta xelateke navdewletî
| 6-3-2019 | (1)
b.ay | 2019-03-06 12:26:24 PM
Slaw ü rez keke Selaheddin.Bedengiya HDP ya ji bo Demirtas ez ji fem nakim tu rast dibeji Zexmbüna HDP´de Selaheddin Demirtas Sembolek mezine Dinya...
Cemal Aslan | 2019-03-06 12:36:28 PM
Kurdistans BDP ne HDP neke tircik.
Hilbijartinên bi bendewariyên mezin
| 6-3-2019 | (2)
kurdo | 2019-03-05 11:08:55 PM
ENKsse çi dibêje. vana tinê Kuçikên Tirkane, ligor berjewendiyên Tirkan tevdigerin. Ji Efrînê jî şerimnakin Opozisyanakerdogan re bûne yek
Lavrov: Divê pirsa Kurd bê çareserkirin
| 5-3-2019 | (1)
Gundî | 2019-03-05 3:24:40 PM
Ji hemû partiyên Kurdanre serkeftinê dixwazim. Hima nederzek li yekitiya Kurdan bikeve, bila Kurd pir partîbin.
Ozçelik: Me ji niha ve derzek li zextên dewlet û HDPê daye
| 5-3-2019 | (1)
0.516 seconds