Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Çand û Huner

Li Amedê 2 destbirayan hunerên def û nîgarkêşî kirine yek

Ji aliyê RÛDAW 11-9-2017
Rûdaw

Amed (Rûdaw) - Li Amedê 2 destebira, yek resam e û yek jî li defikê (erbaneyê) dixe. Wan herdu destebirayan hunera erbane û resamiyê kirin yek. Yek li erbaneyê dixe û yek jî bi performansa zindî resim çêdike. Cara yekemîn e ku li Bakurê Kurdistanê li ber erbaneyê resim tê çêkirin. 

 

Mustafa Dogan û Weysel Taştekîn destebirakên hev in. Herdu jî bi beşên cuda yên hunerê re eleqedar dibin. Lê wan hunera xwe kir yek û bi hev re şêwazeke nû afirandin. 

 

Mustafa Dogan resam e. Lê ew ji resamên din cudatir e. Ew li ber erbaneyê resim çêdike û bi vê şêwazê hunereke sûr realîst diafirîne. Rîtma defikê û firçeyên destê resamê Amedî, ahengeke bêhempa derdixe holê. 

 

Mustafa Dogan ji Rûdawê re axivî û derbarê karê xwe de got: “Ji ber ku ez bi erbaneyê diçim cîhaneke din, wê kêliyê xwe pir azad hîs dikim. Tu rastî bixwazî resam zêde dernakevin derveyî xetên xwe. Lê ez vê red dikim. Li gorî min hunermend divê tim xwe nû bike û tim tiştên nû biafirîne. Me jî bi erbaneyê şêwazeke nû ceriband.”

 

Li gelek cihên cîhanê li ber dengê muzîkê çêkirina wêneyan weke şêwazek heye. Lê li ber dengê erbaneyê xêzkirina resimê cara yekemîn e tê ceribandin. 

 

Defikvan ango Erbanevan Weysel Taştekîn ji Rûdawê re axivî û got: “Bêyî ku li resimê binêrim, hest pê dikim. Jixwe huner jî ew e. Dema tu hunerek çêkî, divê tu qîma xwe bi xetek tenê neynî. Huner weke rayên di bedena me de ne. Ji hev vediqetin û li cihekî digihijin hev. Me jî erbane û resimê gihand hev.”

 

Şêwaza herdu destbirakan di nava hevalên wan de jî bi kêfxweşî hatiye pêşwazîkirin. Lewre ew di wê baweriyê de ne ku ev şêwaz dê li Amedê û bajarên derdorê zêdetir eleqe bibîne. 

 

Hevalê Mustafa Dogan, Salih Gunduz  jî dibêje: “Def li aliyê Rojhilat derketiye. Ji ber vê yekê def ji bo me pir girîng e. Ji ber vê yekê hevalên def û hunera resimê kir yek. Ev ji bo çand û hunera me gelek girîng e.” 

 

Hunermendê resimê Mustafa Dogan niha li Navenda Çanda Cegerxwîn kursa resimê dide 20 şagirdan. Ew dixwaze têkiliya beşên hunerê di pratîkê de bi hev ve girê bide û ahengeke serkevtî derxe holê. 

 


Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)

Li beşên din ên Rûdawê

0.562 seconds