Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Çand û Huner

Yekem roja Festîvala Fîlman a Silêmaniyê bû cihê matmayîna beşdaran

Ji aliyê RÛDAW 11-10-2018
Beşdareke festîvalê: Ji Hollywoodê kêmtir nebû

Silêmanî (Rûdaw) – Roja çarşemê li hola hunerê ya bajarê Silêmaniyê, Sêyemîn Festîvala Navdewletî ya Fîlman a Silêmaniyê bi amadebûna hejmarek ji sînemakarên Kurdistanê û welatên herêm û cîhanê dest pê kir.

 

Destpêkê sînemakarên mêvan di ser mehfûra sor re derbas bûn û piştre serokê festîvalê û Rêveberê Rewşenbîriya Silêmaniyê gotarên xwe pêşkêş kirin. Muzîk û stran beşeke festîvalê bûn û piştre xelatên rêzgirtinê ji hejmareke beşdaran re hatin dayîn.

 

Rêvebera Bernameya Çalakiyên Festîvala Fîlman a Silêmaniyê Lîna Reza ji Rûdawê re ragihand: “Evê ku hûn dibînin, di nav 7 rojan de bi hewleke mezin û şerekî mezin hat çêkirin. Ez kêfxweş im, ji ber ku dibînim li gor salên par û pêrar, her çiqas par gelek mêvan hebûn, lê îsal ciyawaziyeke mezin heye û xelk bi coş û xiroşeke mezin beşdarî festîvalê bûne.”

 

Roja yekem a festîvalê, tenê ji bo rêkxerên çalakiyê cihê balkêşiyê nebû, hunermendên biyanî jî kêfxweş û matmayî bûn, ji ber ku berevajî wê penda Kurdî bû, ku dibêjin sal bi sal xwezî bi par.

 

Senarîst û derhenerê Îranî Kambuzya Pertowî ku mêvanê festîvalê bû, ji Rûdawê re ragihand: “Destpêkeke baş hebû, ji ber ku bi fîlma Keçên Rojê dest pê kir. Ev fîlm fîlmeke bihêz bû û temaşevan xistin bin bandora xwe. Ez hêvî dikim bi vî awayî berdewam bibe, lê belê êdî em fîlmên şer nebînin, fîlmên baş bibînin û dûrî şer be.”

 

Beşdareke bi navê Juwan Mihemed jî ji Rûdawê re diyar kir: “Bi nêrîna min di asteke gelek gelek bilind de bû û tiştekî ji Hollywoodê kêmtir nebû. Derbarê fîlma Keçên Rojê jî, divê bibêjim ku derbarê şiyana jinan de bû ku dikarin mil bi mil li gel zilaman şer bikin û tiştekî wan ji zilaman kêmtir nîne. Gelek bandor li min kir.”

 

Herwiha beşdarekî bi navê Pêşewa Rizgar jî destnîşan kir: “Ji festîvalên derve ti kêmasiya wê tine ye. Ez hêvî dikim ku li hemû bajar û bajarokên Kurdistanê û li her çar parçeyên Kurdistanê were kirin. Hêvî dikim ku çêkerên fîlmên Kurdî jî zêde bibin.”

 

Aktorê Kurd Wezîr Xalid ku beşdarî festîvalê bû, ji Rûdawê re eşkere kir: “Li gor du xulên derbasbûyî ciyawaztir, vê carê gelek profesyonel û serkeftî bû. Him ji aliyê kalîteya fîlman û him jî ji aliyê temaşevanan ku li holê amade bûn.”

 

Di Sêyemîn Festîvala Navdewletî ya Fîlman a Silêmaniyê de 142 fîlm têne nîşandan û 114 fîlm ji bo wergirtina xelatê rikeberiyê dikin. Ji 52 welatên cîhanê fîlmên cur bi cur pêşkêşî festîvalê hatine kirin û 250 mêvanên biyanî beşdarî temaşekirina fîlman û çalakiyan dibin.

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kasî | 2018-09-27 5:05:23 PM
Xwedê te ji mere bihêlê û temenekî dirêj bidê te,û tu her 48 milyon kurd di yek dewleta kurdîde birêve bibê .dilê te her xweşbê,çavên te tişe...
Serok Barzanî: Serweta min piştevaniya 48 milyon Kurd e
| 27-9-2018 | (1)
alias | 2018-09-17 8:00:14 AM
Hemû Propaganda ne, hemû derewîne
Ebadî biryar da hêz li ser sînorê Iraq û Tirkiyê were belavkirin
| 16-9-2018 | (1)

Li beşên din ên Rûdawê

Pêşkêşkarê Rûdawê Omer Kalo hate berdan 4-10-2018 |

Pêşkêşkarê Rûdawê Omer Kalo hate berdan

Omer Kalo roja 25ê Tebaxa îsal li Helebê ji aliyê Zêdetir
ZINDÎ: Li seranserê Kurdistanê proseya dengdanê bi dawî hat 30-9-2018 |

ZINDÎ: Li seranserê Kurdistanê proseya dengdanê bi dawî hat

Roja 30ê Îlonê gera pêncem a hilbijartinên Zêdetir
0.328 seconds