Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Çand û Huner

Leyal Ebûd: Ji bo min şanazî ye ku stranên kurdî bibêjim

Ji aliyê RÛDAW 25-7-2017
Leyal Ebûd
Leyal Ebûd

Beyrûd (Rûdaw) – Stranbêja libnanî Leyal Ebûd diyar kir, ji bo wê şanazî ye ku stranên kurdî bibêje.

 

Leyal Ebûd beriya 16 salan di bernameyekê de kete jiyana hunerê û di nav çend salan de li Libnanê bû navdar.

 

Herwiha Leyal Ebûd ji ber ku bi zaravayên cuda yên zimanê erebî stranan dibêje, li seranserê cîhana erebî stranbêjeke naskirî ye.

 

Leyal Ebûd ji Rûdawê re diyar kir: “Hunermend mal û milkê her kesî ye. Divê bi her zimanî û her zaravayî stranan bibêje. Ji ber ku dengê min nêzîkî zaravayên Iraq û Misirê ye, bi rehetî dikarim bi wan zaravayan stranan bibêjim. Niha armanca min ew e ku bi zaravayê Mexrîbê (Fas) jî stranekê bêjim.”

 

Li ser pirsa "gelo hûn dixwazin bi zimanê kurdî jî stranekê bêjin" Leyal Ebûd got: "Ev ji bo min şanazî ye. Lê ez ti kesî nas nakim ku ji min re gotin û awazên kurdî bide. Eger straneke ku li gor dengê min hebe, ezê çima nebêjim? Li ber min ti asteng tune ye ku ez bi zimanê kurdî stranan bibêjim."

 

 

Stranbêja ereb amaje bi wê yekê kir, ku di albuma xwe ya nû de cih daye 16 stranan û bi zaravayên Iraq, Misir, Mexrîb û Libnanê gotine û diyar kir ku dê hewl bide bi zimanê kurdî jî stranek bixwîne.

 

Ebûd aşkere kir, hewl dide ku bedewiya xwe biparêze û diyar kir, ku ji bo vê yekê jî her roj werzişê dike.

 

Leyal Ebûd li ser neştergeriya bedewiyê jî got: “Min tenê ji bo pozê xwe neştergerî daye kirin. Lê ew jî ji ber sedemên tendirustiyê bû. Gelek kes îdia dikin ku min laşê xwe bi neştergeriyan xistiye vî şiklî, lê ev ne rast e. Bi saya werzişê wisa me.”

 

 

Herwiha stranbêja navdar aşkere kir, ku li welatê Behreynê di daweta malbateke naskirî de stran gotine û 120 hezar dolar wergirtiye.

 

Li ser gotina "Dibêjin tu gelek oldar î” Leyal Ebûd destnîşan kir: “Ev heta mirinê dê li gel min be. Heta ser îsqan, keseke dîndar im. Heta ku erkên ku di navbera min û Xweda de ye neynim cih, ji malê dernakevim. Weke mînak; ez di meha Remezanê de naxebitim. Ez tevlî karên xêrxwaziyê dibim, beşdarî wan çalakiyan dibim ku ji bo zarok û nexweşan têne kirin. Di meha Remezanê de, xwe dinuxumînim. Gava derdikevim derve jî heman tiştî dikim. Serkevtina xwe ya li qada hunerê, weke keremeke ji Xwedê Teala dibînim. Ez wisa bawer dikim ku Xwedê Teala ez kirime miroveke bihêz.”

 


Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Koçer | 2019-03-06 6:41:32 PM
Xelata we pîrozbe. Bi hêviya xelatên mezintir ji Ragihandinên Kurdî re
Medyaya civakî ya Rûdawê bû fînalîsta xelateke navdewletî
| 6-3-2019 | (1)
b.ay | 2019-03-06 12:26:24 PM
Slaw ü rez keke Selaheddin.Bedengiya HDP ya ji bo Demirtas ez ji fem nakim tu rast dibeji Zexmbüna HDP´de Selaheddin Demirtas Sembolek mezine Dinya...
Cemal Aslan | 2019-03-06 12:36:28 PM
Kurdistans BDP ne HDP neke tircik.
Hilbijartinên bi bendewariyên mezin
| 6-3-2019 | (2)
kurdo | 2019-03-05 11:08:55 PM
ENKsse çi dibêje. vana tinê Kuçikên Tirkane, ligor berjewendiyên Tirkan tevdigerin. Ji Efrînê jî şerimnakin Opozisyanakerdogan re bûne yek
Lavrov: Divê pirsa Kurd bê çareserkirin
| 5-3-2019 | (1)
Gundî | 2019-03-05 3:24:40 PM
Ji hemû partiyên Kurdanre serkeftinê dixwazim. Hima nederzek li yekitiya Kurdan bikeve, bila Kurd pir partîbin.
Ozçelik: Me ji niha ve derzek li zextên dewlet û HDPê daye
| 5-3-2019 | (1)
0.562 seconds