Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Hevpeyvîn

Stranbêja Kurd: Yekem car min bi vê şêweyê stran got

Ji aliyê RÛDAW 14-11-2017
Berîvan Caferî
Berîvan Caferî

Hewlêr (Rûdaw) – Stranbêja xelka Efrînê Berîvan Caferî (27) ji ber şerê li Sûrî û Rojavayê Kurdistanê neçar bûye koçberî Mîrnişînên Erebî yên Yekbûyî bibe û ew niha 3 sal in li wî welatî xebatên muzikê dike.

 

Stranbêja Kurd Berîvan Caferî dibêje wê li Mîrnişînên Erebî yên Yekbûyî (Îmarat) di heyameke kurt de nav daye û ew yekem stranbêja Kurd e ku bi şêweyeke rast a erebiya welatên Kendavê kariye stranan bibêje.

 

Bi gotina Berivan Caferî li Mîrnişînên Erebî yên Yekbûyî stranbêjên kurd têne guhdarkirin û got jî: “Di çalakiyan de ji min tê xwestin ku ez stranê kurdî jî bisterim.”

 

Stranbêja Rojvayê Kurdistanê Berîvan Caferî pirsên Rûdawê bersivandin.

 

Te yekem strana xwe bi erebiyê şêweya welatên Kendavê got. Sedema vê yekê çi bû?

 

Dema ez gihîştim Dubaiyê min yekser dest bi gotina stranan kir. Ji bo ez zêdetir li Mîrnişînên Erebî yên Yekbûyî bên nasindan min strana bi navê “Bid Qelbî” ya Yûsîf Umaniye got. Ew hunermend li nav welatên Kendavê ligel gelek hunermend û stranbêjan karî hûnerî kiriye. Ev strana min gotî jî gelek hat ecibandin. Strana duyem a ez bibêjim ku niha li ser dixbetim,  Kurdiya bi şêweya Kurmancî ye. Di demeke nêzîk de emê belav bikin.

 

Stranên te li Îmaratê çawa hatin pêşwazîkirin?

 

Civaka Mîrnişînên Erebî yên Yekbûyî civake vekiriye û bi hêsanî pêşwaziya çandên cuda dike. Welatek pêş ketiye û civaka wê rûyê xwe daye cîhanê. Li vî welatî cih didin çand, reng û dengên cuda. Herwiha li vî welatî çandên cuda têkelî hev dibin. Ew strana min gotî bi xwe re dengvedaneke mezin anî. Di şahî û konserê ez beşdar dibim de her car beşdarî ji min dixwazin ez wê stranê dubare bikim. Di heman demê de li ser Youtubeyê jî gelek hatiye temaşekirin.


Li Mîrnişînên Erebî yên Yekbûyî xelk çand û stranên Kurdî nas dike, li ser wan agahdar in?

 

Bi rastî ji stranên Kurdî hez dikin bi taybetî jî stranên govendê. Di konseran de daxwaza stranên govendê ji min dikin. Lê belê gelek caran ahengên jin û mêr ji hev cuda lidar dixin. Ez jî diçim aliyê jin beşdar bûne. Her car di destpêka konseran de ez 3 stranên kurdî pêşkêşî wan dikim. Derbarê çanda kurdî de xwedî zanyarî ne.




Kurd li Mîrnişînên Erebî yên Yekbûyî gelek hene? Çalakiyên hunerî yên Kurdî têne lidarxistin?


Belê hejmareke zêde ya Kurdan heye. Kurdên li her çar perçeyên Kurdistanê li vê derê dijîn. Di hemû Newroz û cejnên din de aheng û konseran saz dikin. Xelkê Îmaratê jî peywendiyeke baş ligel Kurdan heye. Li hemberî kurdan miletike dilsoz in.


Îmarat zêdetir bi pêşkeftinên bazirganî û avahiyên bilind nav daye. Gelo ji aliê hunerê ve jî pêş ketine?

 

Ew niha zêdetir ji bazirganiyê girîngiyê bi hunerê didin. Niha Dubaî bûye navendeke mezin a hunerê. Lewma jî gelek hunermedên cîhanî niha li Dubaî dijîn. Li gorî welatên din ên erebî xelk zêdetir beşdarî çalakiyên hunerî û konseran dibin. Herî zêde albumên muzikê li vê derê têne firotin. Herwiha herî zêde li vê derê xelk diçin salonên sinemayan. Sedema vê yekê jî ew e ku li vê derê çandên cuda têkelî hev bûne.


Peywendiyên te ligel hunermendên Îmarat û ereb çawaye? Tu fikir dike ku ligel kesekî ereb dûetekê bikî?


Peywendiyeke baş û bihêz min ligel hunermendên Îmarat û welatên din ên erebî re heye. Li wê derê gelek hunermendên Iraq, Lubnan û Sûriyê hene. Vê heyamekê ez ligel hunermendên ereb karên hevbeş dikim. Lê ez niha naxwazim navên wan eşkere bikim. Di destpêka sala bê de ezê strana xwe ya kurdî û erebî belav bikim. Ez dibêjim dê bibe surprizeke baş. 

Şîrove

 
Şîrove bike
Wekî mêvan şîrove bike yan bi Têkeve
Nîşankirin :
283 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

gt | 2017-11-20 4:25:25 PM
mezi surete vi fasisti bike, her tist beliye ci dixwaze. dibe pesmermerge xwe hilsinin ne pesmergeye ynk ne ji pesmergeye pdk , pesmerge bibe atesa...
Ebadî li ser biryara Dadgeha Federal daxuyanî da
| 20-11-2017 | (1)
ku | 2017-11-20 4:04:12 PM
Ebadi fasiste ,digot ci digot smale irake ,yani bakure irake ,ke wa digot sedam . Dibe hemu xort u ciwanen u kece kurd raben ser xwe ceke hilden wan...
Kurdistanê bang li cîhanê kir: Demildest bikevin tevgerê
| 20-11-2017 | (1)
lolozano | 2017-11-20 11:01:53 AM
Hêjmara xayînên Kurd bi behana ku ne dema Serxwebûna Kurdistanê ye ji hêjmara Dagîrkerên Kurdistanê,bi Fermanê Dadgeha Îraqê,li dijî Giştpirsîya...
Dadgeha Federal a Iraqê li ser referandumê biryar da
| 20-11-2017 | (1)
Kurdo | 2017-11-20 6:29:22 AM
Bexdad û Heşda xwe ya mezhebî,li ser Hêza Kurdistanê,ji Şengalê û ji Zemarê, venakşîne, Bexdad,Turkyê dixapîne.Rêya li dijî,Herêmê bi hevkarîya...
Heşda Şeibî hêzên xwe vedikişe
| 19-11-2017 | (1)
0.312 seconds