Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Nêçîrvan Barzanî: Rola Talebanî nayê jibîrkirin

Ji aliyê RÛDAW 3-10-2017
Nêçîrvan Barzanî
Nêçîrvan Barzanî

Hewlêr (Rûdaw) – Serokwezîrê Herêma Kurdistanê Nêçîrvan Barzanî peyameke sersaxiyê bi boneya koça dawî ya Celal Talebanî belav kir û tê de ragihand: ''Mam Celal roleke giring û ji bîr nekirî hebû di şoreşa Kurdistanê û têkoşîna demokrasiyê li Iraqê de û xwediyê navbangeke cîhanî bû.''

 

Îro sêşemî 3ê Cotmeha 2017ê Serokomarê berê yê Iraqê û Sekreterê Giştî yê Yekîtiya Niştimaniya Kurdistanê Celal Talebanî li nexweşxaneyekê li Almanyayê koça dawî kir.

 

Serokwezîr Nêçîrvan Barzanî di peyama xwe de dibêje: ''Îro gelê Kurdistanê û Iraqê, azadîxwaz û têkoşrekî mezinê azadiya Kurdistanê û demokrasiya Iraqê ji dest da ku ew jî cenabê Mam Celal e. Bi vê boneyê ez pirse û serxweşiyên xw eû Hikûmeta Herêma Kurdistanê digihînim hemû gelê Kurdistanê, gelê Iraqê, Hêro Xan û kek Qubad Talebanî û kek Bavil Talebanî û hemû malbata cenabê Mam Celal Talebanî û polîtboru û serkirdatiya Yekîtiya Niştimaniya Kurdistanê.''

 

Nêçîrvan Barzanî herwiha daye xuyakirin: ''Cenabê mam Celal roleke mezin di şoreşa Kurdistanê de hebû, her ji temeneke zû ya lawîtiya xwe de tevli tevgera rewşenbîrî û siyasî ya Kurdistanê bû, weke serkirdeyekî rola wî di xebata Partiya Demokrata Kurdistanê de hebûye û damezrênerê Yekîtiya Niştimaniya Kurdistanê bû ku hevşan li gel Partiya Demokrata Kurdistanê roeke giring di sores, diristkirina Eniya Kurdistanî, Raperîn û parastina dezgehên demokratîk û rewa yên Kurdistanê de dît.''

 

Serokwezîr Barzanî behsa xebata Talebanî di têkoşîna li dijî dîltatoriyê û xebata hevbeş a wî û Serokê Herêma Kurdistanê Mesûd Barzanî di avakirrina iraqa nû ya li ser bingehê demokrasiyê dike û dibêje:

 

''Rola Mam Celal di xebata li dijî dîktatoriyê û berqerarkirina demokrasiyê de li Iraqê, roleke giring û ji bîr nekirî ye, Xwedê jê razî Serok Mam Celal li gel Serok Barzanî û serkirdeyên din ên demokrasîxwaz, rola herî berçav hebûn, di karkirin û mikurbûna li ser avakirina Iraqê de û li ser bingeha sîstemeke demokrasî û medenî di Iraqê de û yeksaniya netewên Kurd û Ereb û parastîbûna mafên Tirkmen, Krîstiyan û hemû netew û şûnketiyên ol û mezheban de, bi cîbicîkirina bingeha lihevkirinê ku li gorî Destûra Iraqê weke xîmê biryardan û rêvebirinê hat danî.''

 

Nêçîrvan Barzanî amaje bi rola Celal Talebanî li Bexdayê û herwiha pêwendiyên navbera xwe û wî dike û wiha dibêje:

 

''Mam Celal weke Serokomarê Iraqê li Bexdayê di hewl û rikeberiyeke zehmet û berdewam de bû bo cîbicîkirin û parastina destûr. Ji ber pêgeha taybetî ya wî li cem hemû hêzên iraqî û ji ber jêhatîbûna wî bi xwe, heta rêjeyeke zêde rêgirî li binpêkirina bingeha lihevkirinê û piştguhxistina destûrê dikir, her ji ber wê jî em dibînin ku piştî nexweşketina Mam Celal û dûrketina wî ji posta Serokomariyê li Bexdayê, binpêkirina destûr û bingeha lihevkirinê li Iraqê gelek zêdetir bû. Encma wê jî ji kar kevtina proseya siyasiya Iraqê û karesat û malwêraniyeke zêde bû bo hemû Iraqê. Mam Celal bi vê şêweya karkirina xwe di serokatiya komar de, bibû xwediyê navbangeke cîhanî.

 


Pêwendiya min û Mam Celal, pêwendiyeke gelek baş û rêzgirtin û ji hev têgihîştina berdewam bû. Piraniya wan pirsgirêkên ku dihatin pêş û dibûne beşek ji gotûbêj û pêwendiyên berdewam ên navbera me, encama wan herdem çareserkirin bûye. Li gel min herdem xwedî mejiyekî vekirî bû ji bo çareserkirina arîşeyan.

 


Ji dest dana serkirde û siyaseyekî weke Mam Celal, zirareke mezin e bo Kurdistanê û Iraqê û deverê. Ez dubare serxweşiyê li hemû wan (kesan) dikim ku hez ji Mam Celal dikin û em hêvîdarin ku hemû alî li Iraqê hizir ji şêweyê karkirina Mam Celal di rêvebirina karûbaran de bi lihevkirinê bikin.

 


Bîranîna wî herdem bi xêr û cihê wî beheşt be.''


Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

alias | 2018-09-17 8:00:14 AM
Hemû Propaganda ne, hemû derewîne
Ebadî biryar da hêz li ser sînorê Iraq û Tirkiyê were belavkirin
| 16-9-2018 | (1)
mahmoud | 2018-09-15 6:51:54 PM
Dest xwesh Amerika dest Xwesh...
Amerîka hêzên xwe li Sûriyê xurttir dike
| 15-9-2018 | (1)
Renas | 2018-09-15 6:51:08 AM
Careseriya mesela Kurd bi ser lê a Idlibê siyasi? Hahaha.
Tirkiye: Çareseriya Idlibê bi rêya siyasetê ye
| 14-9-2018 | (1)
Ayyob | 2018-09-06 10:29:08 AM
Dest zosh!
Kurdek | 2018-09-14 6:37:55 AM
Çıma hinek dar na çikkînin..... Xuwzaya wir bı çend Kewan va nayé parastin... Gello sedema Van Kewan formalita çiye? Salé careki Van kewan ...
Li Çiyayê Agiriyê hezar kew hatin berdan
| 6-9-2018 | (2)

Li beşên din ên Rûdawê

0.656 seconds