Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Mesihî qedexekirina firokxaneyan weke biryareke nemirovane didin zanîn

Ji aliyê Rengîn Şero 4-10-2017
Rûdaw

Hewlêr (Rûdaw) - Pêkhateyên Kurdistanê û bi taybetî mesihiyan, qedexeya geştên asmanî bo Hewlêr û Silêmaniyê bi biryareke ne dirûst û ne mirovane didin zanîn. Piraniya mesihiyên Îraqê yên Bexda û navçeyên din, neçar bûne li Başûrê Kurdistanê bicih bibin.

 

Beşek ji wan çûne derveyî welat, û hatinûçûna wan tenê bi riya balafirxaneyan e. Ew dibêjin, biryara Bexdayê ya rawestandina geştên ezmanî, hatinûçûn û pêwendiyên wan yên civakî jî, têk dane.

 

Nimêj, lava û daxwaz dilê mirovan aram dikin. Iraq jî welatekî pir ayîn û mezhebî ye, lê di salên dawî de mirov gelek caran ji ber bîr û baweriyên xwe dihatin kuştin û revendin.

 

Li Bexdayê beriya 2003an hejmara mesihiyan nêzîkî milyonek û nîvê bû, lê piştî 2013an hejmara wan li Iraqê pir kêm bû.

 

Beşek ji mesihiyên ku ji ber kotekî û çewsandina mezhebî ji Bexda û çend bajarên din ê Iraqê derketin berê xwe dan Başûrê Kurdistanê û herwiha beşek ji wan jî çûne Ewropayê.

 

Îmad Hedad yek ji wan kesan e ku ev 12 sal in ji Bexdayê derketiye û li bajarê Hewlêrê dijî. Azadiya ku wî li herêmê dîtî bû sedem ku ew di giştpirsiya serxwebûna Kurdistanê de dengê bi belê bide. Îmad dibêje ku biryara qedexkirina asmanî li ser Herêma Kurdistanê karekî xirab û nemirovî ye.

 

Îmad Hedad ji Rûdawê re wiha got: “'Eger her welatiyekî Kurdistanê ji biçûktirîn kes heta bi serok hest bi ewlekariyeke rasteqîn û girêdana xwe ji bo Iraqê kiriba daxwaza serxwebûnê nedikir. Ji bo girtina firokexaneyan ez yek ji xelkê me ku birayê min li derve ye û dayika min li vir nexweş e, ka dê çawa were û wê bibîne. Çi tiştekî mezintir heye ku dayikeke nexweş nikaribe kurê xwe bibîne.''

 

Weke hemû ayînên asmanî, mesihiyet ayinekî aştîxwaz e, lê ew dibêjin ku li Iraqê ew ne tenê ji aştiyê bê par mane,  bi ser de wan aramî jî nedîtiye û li Kurdistanê hem aştî û hem xweşî peyda kirine. Ebdilmesih Hena xelkê Başûrê Kurdistanê ye û di wê baweriyê de ye ku dewleta Kurdistanê dê mafên wan biparêze.

 

Li seranserê cîhanê û her ji mêj ve giyandarî û ruhaniyat fakterekî sereke ne ku mirov bi xweşî û bawerî bijî û hest bi aramiya derûnî bike.

 

Avakirina çend grûpên tundrew piştî 2003an li ser binemayên mezhebî li Iraqê mafê mesîhiyan û taîfeyên din di pêkanîna merasîmên olî de xiste bin gef û metirsiyê û berovajî tevehiya Iraqê, Herêma Kurdistanê bi pêkvejiyana aştiyane tê naskirin, lewma bi nerîna mesîhiyên Iraq û Başûrê Kurdistanê ev pêkvejiyan wê di dewleta Kurdistanê de bihêztir bibe.

816 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)
0.438 seconds