Hewlêr (Rûdaw) – Li gundê Kanî Qirjale ya li nêzîkî paytext Hewlêrê li embarekî çek û teqemeniyan teqîn pêk hat.
Çavkaniyekê ji Rûdawê re ragihand, ku demjimêr 11:00ê îşev (05-08-2018), li gundê Kanî Qirjale depoyekî çek û teqemeniyan teqiye.
Rêveberê Berevaniya Şaristanî ya Hewlêrê Şivan Ebdulqadir ji Rûdawê re ragihand, ku piştî teqînê agir derketiye û agir jî ji aliyê tîmên wan ve hatiye kontrolkirin.
Şivan Ebc,dulqadir da zanîn, ku di bûyerê de ti ziyaneke canî nebûye û herwiha got ku heta niha jî sedema teqînê nehatiye zanîn.
Li gorî zanyariyên Rûdawê ew embar a Hêzên Pîştevanî ya Yek a Pêşmerge ye.
Gundê Kanî Qirjale 10 kîlometre li rojavayê bajarê Hewlêrê ye.
