Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Qubad Talebanî: Weke wefayekê bo Mam Celal divê Kurd yekîtiya xwe biparêzin

Ji aliyê RÛDAW 6-10-2017
Cîgirê Serokwezîrê Kurdistanê Qubad Talebanî

Silêmanî (Rûdaw) – Cîgirê Serokwezîrê Herêma Kurdistanê û kurê duyem ê Celal Talebanî, Qubad Talebanî di merasima bi ax spartina bavê xwe de li Debaşanê , li ser navê malbata xwe peyamek xwand û spasiya xelkê her çar parçeyên Kurdistanê kir, ku peyamên hevxemî û hevsoziyê gihandine wan.

 

Malbata Talebanî di vê peyamê de ragihand: “Li derveyî partayetî û rengên ciyawaz û nêrînên ciyawaz, weke wefayekê bo Mam (Celal), bila em vê yekrêziyê û tifaqê biparêzin. Em îro di rewşeke aloz de dijîn, pêwîstiya me bi yekrêziyê heye û me pêwîstî bi vê yekê heye, ku em sûdê ji waneyên Mam (Celal) werbigirin.”

 

Naveroka peyama Malbata Talebanî ku ji aliyê Qubad Talebanî ve hat xwandin:

 

“Bi navê malbat û tevahiya kesûkarên Mam Celal em spasiyeke bê dawî li we dikin, ji bo xemxoriya we û bo derbirîna dilgiraniya we û bo westiyana we. Ji Almanya ve peyamên we ji her çar parçeyên Kurdistanê ve gihîştin destê me. Lê belê ew peyamên ku bo me hatin peyamên sersaxiyê bûn, bi rastî ez dixwazim serxweşiyê li yek bi yekê we bikim, çimku rast e Mam Celal bavê kek Bavil ê birayê min û min bi xwe bû, lê belê mamê we hemûyan bû.

 

Mam Celal mamê hemû Kurdistanê bû. Xebat bo tevahiya komelên xelkê Kurdistanê kir. Bi wê jî nerawestiya û bo tevahiya gelê Iraqê xebat kir û hewl û renc da û westiya. Cihê destê wî jî xuya bû, ku tifaq û biratî û karkirina bi hev re prensîpa sereke ya heval Mam Celal bû. Ji ber wê bi qasî ku xema xelkê Kurdistanê û komelên iraqî xwar, kêmtir xema me xwar weke kurê wî. Ew jî cihê şanaziyê ye bo me ku li cihê jiyaneke asayî û bavê Bavil û min, Kurdistan û xebata bo komelên xelkê Kurdistanê hilbijart.

 

Çawan ku di jiyanê de herdem hewl da ku yekrêzî û yekparçeyî û yekdengiyê biparêze, di vê baweriyê de me weke wefayekê bo mamê we, bila em vê yekrêziyê û tifaqê biparêzin. Li derveyî partayetî û rengên ciyawaz û nêrînên ciyawaz, em îro di rewşeke aloz de dijîn, pêwîstiya me bi vê yekrêziyê heye û m epêwîstî bi wê heye ku em sûdê ji waneyên Mam werbigirin. Bila rojane em wan dersên Mam (Celal) bi kar bînin di ber xizmetkirina komelên xelkê Kurdistanê de.

 

Ji ber wê her li vir ez daxwaz ji we dikim ku hûn hemû dest bixin nav destê hev, peyama Mam, peyama Mam bigihînin, ku em herdem dê yek bin û em nahêlin ew nakokî bibin qelîştek di navbera me de.

 

Dubare li ser navê malbat û hemû kesûkarên heval Mam Celal ve em spasiya yek bi yekê we dikin, niha em dawiyê bi merasimê tînin û ji sibê (semi 07-10-2017) ve serxweşî li Silêmanî û Hewlêrê dest pê dike, piştre jî li bajar û bajarok û qezayên Kurdistanê dê birêve biçe.”

 

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)
0.547 seconds