Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Ereb ne razî ne: Çima ala Iraqê li ser tabûta Mam Celal nebû?

Ji aliyê RÛDAW 7-10-2017
Silêmanî

Silêmanî (Rûdaw) – Medya û siyasetmedarên Iraqê rexne li birêxistinkirina merasîma pêşwazîkirina termê Mam Celal digrin û dibêjin, “çima ala Iraqê li ser tabûtê nehatibû danîn?”  Berpirsê Polîtbûroya YNKê jî diyar kir, ku nebûna ala Iraqê ne kêmasiyek bû, ji ber ku sazkarên merasîmê pêwîst nedîtibûn.”

Roja Înê (06-10-2017) termê Sekreterê Giştî yê YNKê û serokomarê berê yê Iraqê Celal Talebanî ji Almanyayê gihişte Silêmaniyê. Ji bo Mam celal li Firokexaneya Silêmaniyê merasîmeke taybet hate sazkirin.

 

Tabûta Mam Celal bi Ala Kurdistanê hate pêçan. Di destpêka merasîmê de sirûda nîştîmanî ya Iraqê û paşî sirûda Ey Raqîb hate xwendin.

 

Lê piraniya medya û ragihandinên Iraqê ji ber nebûna ala Iraqê li ser tabûtê, weşanên xwe yên merasîmê qut kirin. Herwiha hejmareke ji parlamenter û berpirsên Iraqê jî ji ber vê yekê ji firokexaneyê vegerin.

 

Fraksiyona YNKê: Divê ala Iraqê heba

 

Parlamenterê YNKê yê Parlamentoya Iraqê Şivan Dawûdî ji Rûdawê re ragihand: “Di protokola Mam Celal de hinek kêmasî hatine kirin. Weke pêwîst rêz ji hindek mêvanan re nehatiye girtin. Herwiha divêya ala Iraqê jî li ser tabûtê hatiba danîn. Ji ber ku Mam Celal serokomarê Iraqê bû û nabe dîroka wî were kêmkirin.”

 

Mele Bextiyar: Ne kêmasî ye

Berpirsê Polîtbûroya YNKê Mele Bextiyar jî li ser vê mijarê ji rojnamevanan re axivî û got: “Ji nebûna ala Iraqê ne YNKê, ne hikûmeta Herêma Kurdistanê û ne jî Serokatiya Herêmê berpirs in. Li gorî protokolê rêkxerên merasîmê wiha pêwîst dîtine. Wan wesa baş dîtin, ku serokê koçkirî weke serokekî cîhanî be û hemû alayan daynin. Me jî nexwest xwe tevlî karê protokolê bikin.”

 

Mele Bextiyar da zanîn, ku hemû karûbarên merasîmê û pêşwazîkirina mêvanan ji aliyê desteya protokolê ve hatine birêvebirin û got: “Niha li ser tirba Mam Celal ala Iraqê hatiye danîn. Li cem me danîn û nedanîna ala Iraqê ne giring e. Divê neyê mezinkirin. Ya ji bo me giring emê bikarin li gorî destûrê li gel hev bidin bistînin û bibin federalîzmeke demokratîk yan ne.”

Piştî 5 salên nexweşiyê, Celal Talebanî roja 3ê Cotmeha 2017ê di 84 saliya xwe de, li nexweşxaneyekê Almanyayê koça dawî kir. Duh termê Mam Celal veguhestine Silêmaniyê û paşî bi merasîmeke mezin li Dabaşanê hate bixakspartin.

 

Ji ber koça dawî ya Mam Celal, li Herêma Kurdistanê heftêyek û li Iraqê jî 3 rojan şîna seranserî hate ragihandin.

 

Herwiha li Bakûr û Rojavayê Kurdistanê jî şîn hatine ragihandin.

 

Îro di serîde li Silêmaniyê, li gelek cihên Kurdistan û cîhanê ji bo Mam Celal konê sersaxiyê tê danîn.

915 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

alias | 2018-09-17 8:00:14 AM
Hemû Propaganda ne, hemû derewîne
Ebadî biryar da hêz li ser sînorê Iraq û Tirkiyê were belavkirin
| 16-9-2018 | (1)
mahmoud | 2018-09-15 6:51:54 PM
Dest xwesh Amerika dest Xwesh...
Amerîka hêzên xwe li Sûriyê xurttir dike
| 15-9-2018 | (1)
Renas | 2018-09-15 6:51:08 AM
Careseriya mesela Kurd bi ser lê a Idlibê siyasi? Hahaha.
Tirkiye: Çareseriya Idlibê bi rêya siyasetê ye
| 14-9-2018 | (1)
Ayyob | 2018-09-06 10:29:08 AM
Dest zosh!
Kurdek | 2018-09-14 6:37:55 AM
Çıma hinek dar na çikkînin..... Xuwzaya wir bı çend Kewan va nayé parastin... Gello sedema Van Kewan formalita çiye? Salé careki Van kewan ...
Li Çiyayê Agiriyê hezar kew hatin berdan
| 6-9-2018 | (2)
0.531 seconds