Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Nêçîrvan Barzanî: Kerîm Zend temenê xwe bo parastina netewa xwe derbas kir

Ji aliyê RÛDAW 10-10-2017
Serokwezîrê Kurdistanê Nêçîrvan Barzanî bi boneya koça dawî ya Kerîm Zend peyamek da.
Serokwezîrê Kurdistanê Nêçîrvan Barzanî bi boneya koça dawî ya Kerîm Zend peyamek da.

Hewlêr (Rûdaw) – Serokwezîrê Herêma Kurdistanê Nêçîrvan Barzanî ji ber koça dawî ya dîroknivîs û rewşenbîrê Kurd Kerîm Zend peyameke sersaxiyê belav kir û tê de dibêje, mamosta Kerîm Zend temenê xwe ji bo parastin û xizmetkirina nasnameya netewa xwe bexşî.

 

Serokwezîr Nêçîrvan Barzanî di peyama xwe de dibêje: “Mixabin ku nûçeya koça dawî ya mamosta Kerîm Zend gihîşt me. Em serxweşiyê li malbat û dostên mamosta û hemû rewşenbîran û gelê Kurdistanê dikin.”

 

Nêçîrvan Barzanî herwiha gotiye: “Mamostayê Xwedê jê razî ku dîroknas û cografînasekî diyar ê gelê me bû, gelek salên temenê xwe bo parastin û xizmetkirina nasnameya netewa xwe bexşî û çend berhemên nawaze û degmen pêşkêşî kitêbxaneya Kurdî kir, ku bûne çavkaniyên giring bo nivş bi nivşê lêkoler û xwandekaran.”

 

Barzanî amaje bi wê jî kiriye, ku “rihê niştimanperwerî û amadeyiya mamostayê Xwedê jê razî bo xebata di ber azadiya netewa xwe de rastiyek e ku hewceyî ti belgeyan nake û beşdarîkirina wî di Komara Kurdistanê de li Mihabadê û Şoreşma Îlona mezin de bi hizir û pênûsa xwe ya bihêz, belgeyên wê rastiyê ne.”

 

Serokwezîrê Herêma Kurdistanê behsa rola mamosta Kerîm Zend piştî raperîna sala 1991 a li Başûrê Kurdistanê jî dike û dibêje: “Piştî raperîna mezin a 1991 a gelê Kurdistanê jî rola wî ya bi bandor hebû di ware dîrokî û rewşenbîrî û perwerdeyiyê de. Bi koça dawî ya mamosta Kerîm Zend, gelê Kurdistanê rewşenbîr û dîroknas û şiyaneke mezin û dilsoz ji dest da.”

 

Kerîm Zend îro li Silêmaniyê wefat kir

 

Dîroknivîs, gerok û nivîskarê kurd Kerîm Zend di temenê xwe yê 93 salî de li bajarê Silêmaniyê koça dawî kir.

 

Kerîm Zend di sala 1924ê de li taxa Melkendî ya Silêmaniyê ji dayik bûye û xwendina xwe ya destpêkê li vî bajarî temam kiriye.

 

Zend di sala 1944ê de li Bexdayê xaneya mamostetiyê qedandiye. Di sala 1946ê de beşdarê damezrandina Komara Kurdistanêya Mihabadê bûye û paşî li gel Mele Mistefa Barzanî berê xwe daye Yekîtiya Sovyetan.

 

Kerîm Zend di seranserê jiyana xwe de 40 pirtûkên destnivîsa xwe amade kiriye. 15 pirtûkên wî yên derbarê corgrafya û dîroka Kurdistanê de hene.

 

Dîroknas û gerokê kurd, li her çar parçeyên Kurdistanê û gelek welatên cîhanê geriyaye.

 

Herwiha ew xwediyê Madalyaya Rêzgirtin3e ya Barzaniyê Nemir e

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Malabadéya Silivan | 2017-10-19 5:32:52 PM
Herkes dizane ew ciye wéderé ti$tek núh níne.. Ka béje hún ci dikin jibuy Kurda? Hún weki meymuné " Ez nabínim, ez ti$tek nakim u ez nabizim" dikin.....
CIA: Em agahdar bûne Qasim Silêmanî  çûye Kerkûkê
| 13 demjimêr berê | (1)
Ka | 2017-10-19 3:51:40 PM
Ka serbazîyeke Kurda yekgirtî li kêderê ye ku vî miletê Kurd biparêze.Ka pêshmerge?!,Ka HPG,?!Ka YPG/YPJ ?! Guhê xwe vêcarê bidin merivek hejar û...
Heşda Şeibî li Xurmato 15 kurd şehîd kirin
| 16 demjimêr berê | (1)
Seid Ferhad Seid Mistefa | 2017-10-18 10:32:05 AM
Camêrê Kosret Resûl Erkê xwe bi cîh anî û merdane li ser Postê xwe li Sengerê Şerî ma...lê Bavil Talibanî û Hêro-Xanê Xîyanetek bêhemta li Kurd, li...
Kosret Resûl: Navê çend kêmfamên YNKê dê bikeve nav rûpelên reş ên dîrokê
| Duh vî demî 02:39 | (1)
naw | 2017-10-18 10:18:39 AM
hukumate kurdistan bela bibine, medyayi tirk jibo peşmerge u hukumeta kurd çı dibejin. buxunin meze bıkın.
ROJEVA TIRKIYE – Kurd û Iraq piştî Kerkûkê vegeriyan ser hesabê berê
| Duh vî demî 10:25 | (1)

Li beşên din ên Rûdawê

Erebên sunnî yên Iraqê jî daxwaza referandûmê dikin 7-10-2017 |

Erebên sunnî yên Iraqê jî daxwaza referandûmê dikin

Ji bo herêmeke xweser lîjne ava dikin Zêdetir
0.25 seconds