Li Başûrê Kurdistanê yekemîn berf barî!

Hewlêr (Rûdaw) – Li Başûrê Kurdistanê zivistan zû hat û li hinek deveran berf barî.

Ev çend roj in li Başûrê Kurdistanê baran dibare û li gellek bajar û deveran jî lehî rabûye.

Lê îro danê sibê li bajarokê Çoman û gundê Hacî Omeranê yên Hewlêrê berf barî. Ji ber berfê, banên xanî û çiyayên derdorê spî bû.

Rêveberê Keşnasî û Erdheja Kurdistanê Fazil Îbrahîm jî ragihand, berf dê heta îro danê êvarê bidome.

Li gorî wêneyên ku hogirên Rûdawê şandine, li gundên nêzîkî Hewlêrê her wiha li çiyayên derdora Dihokê jî berf bariye.

Yek ji wan hogiran bi navê Welîd Ebdullah gotiye, li gundê me berfek wisa bariye ku par vî çaxî berfek wisa nebarîbû. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger