Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Pêşbirka melevaniyê li Amedê birêve diçe

Ji aliyê RÛDAW 11-1-2017
Li Amed a Bakurê Kurdistanê pêşbirka melevaniyê birêve diçe

 

Amed (Rûdaw) - Li Amedê di hundirê du rojan de di navbera werzişvanên nûciwan de pêşbirkên melevaniyê (avjeniyê) ango soberiyê tên lidarxistin.

 

Di 11 û 12ê Çile de di hundirê du rojan de li Amedê di navbera xwendekarên werzişvan ên dibistanên dûvnavendî de pêşbirkên amelavniyê tê lidarxistin.

 

Pêşbirk ku ji aliyê Rêveberiya Werzişan a Bajarê Amedê ve tê sazkirin, di navbera xwendekarên keç û kur ên dûvnavendiyên(xwendegeh/lîse) bajêr ve pêk tê.

 

Werzişvanên ku dibin yekem dê li bajarê Dîlokê li “Qehremantiya Herêmî” ya di navbera bajarên Bakurê Kurdistan û Tirkiyê de nûnertiya Amedê bikin.

 

Werzişvanên Kurd di nav avê de çengên xwe ji bo yekemîniyê li ba dikin. Armanca hemûyan jî bi dest xistina xelatên yekemîniyê ye.

 

Îsal di pêşbirkên melevaniyê de 50 kur û keçên werzişvan beşdar dibin. Werzişvan di kategoriyên cuda cuda de serbest, serpiştkî, beqanî û perperikî bi çar şêwazên avjeniyê têdikoşin.

 

Li gor mamostayên melevaniyê heta niha ji ber nebûna hewzeke avjeniyê zêde xelatên serkeftinê bi dest nexistine.

 

Mamostayê Werzişa Melevaniyê, Namet Yildirim li ser pêşbirkên avjinyê di daxuaniyekê de ji Rûdawê re ragihand: “Tesîsa me ya avjeniyê beriya mehekê îsal nû vebû. Xwedê hez bike di soberiyê/avjeniyê de em ê bi pêş bikevin. Dê gellek gêncên me bên bi vê werzişê re mijûl bibin. Digel ku li vir hewza avjeniyê tune bû jî di asta Bakur û Tirkiyê de 2 heb werzişkarên me bûn xelatên serkeftinê bi dest anîn. Em ê vê hejmarê bigihînin 10-20 hebî.”

 

 

Azad jî çend sal e dest bi werzişê kiribe jî dixwaze ku bibe yekemê cîhanê. Herwiha li gor wî avjenî ji bo tenduristiyê jî pir baş e.

 

Azad Çakar ji Rûdawê re got: “Ez îsal ketime pêşbirka avjeniyê. Av û avjenî ji bo laşê mirov û tenduristiyê jî gellek baş e.”

 

Mehmet Onûr wekî werzişvaneke serkevtî heta niha di asta herêmî bi dehan xelat bi dest xistiye. Lê armanca wî ne qaremantiya cîhanê ye. Ew dixwaze bibe mamostayê avjeniyê û werzişvanên serkeftî pêbigihîne.


Mehmet Onûr Avci jî ji Rûdawê re axivî û da xuyakirin: “Nêzîkî 10 sal e ez bi werzişa avjeniyê re mijûl dibim. Heta niha min derdora 50 xelat wergirtiye. Ez dixwazim di siberojê de werzişvanan pêbigihînim.”

 

Piştî qaremantiyê dê werzişvanên yekem ên Amedê li ser navê bajarê xwe di meha Sibatê de li bajarê Dîlokê dê beşdarî pêşbirkên herêmî bibin.

1819 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Dizítí u talankirin Yasayíye li Iraqé?! | 2017-09-20 7:04:51 PM
Sermezin,Gava ku te mala xwelké tal kir u Seranseré Iraqé $éland u Kaos a li Iraqé derxist Yasayí bu? Gava ku tu u derdora te,dizíya xwe didkin u we...
maroouf | 2017-09-22 2:51:54 PM
gelo ev dirinde liser navê kî dipeyvet...! bi navê Saddê Hussên îû an jî wek xulamek Saddamê Hussên....! ey dirinde dema DAISH kete Mousil dneg ji te...
Malikî: Em destpêşxeriya Neteweyên Yekbûyî red dikin
| 20-9-2017 | (3)
maroouf | 2017-09-22 2:39:23 PM
Ey dirnde.... ka gelo wek rêz li ber çi mafên Kurdistana Bakur kirdîya heta em roj ...! ji xeynî kushtin, ruxandin, wêrankirin, birdumankirana kurd û...
Serokwezîrê Tirkiyê: Referandûm ti xêrekî nagihîne birayên kurd
| 13 demjimêr berê | (1)
Maroouf | 2017-09-22 2:18:31 PM
Li gor zagona Ummeti Muttahide Neteweyên yekbuyîn her mafe hemu gelên bindest rewayet mafa çarenuwsa xwe bi destura raya gel bi rapiryîya gelemperî...
Barzanî: Aliyên navdewletî ne li dijî giştpirsiyê ne
| 8-9-2017 | (1)
Bernas | 2017-09-22 12:47:37 PM
Her bijîn biradaran, hûn her bijîn. Karê olderên Kurd jî divê wekî hemû xelkên dinyayê bo Kurd û Kurdistan î be.Bo vê jî helwesta Eli Bapîr wek...
Ji Şêxê Neqşîbendiyan banga referandûmê
| 12 demjimêr berê | (1)
0.485 seconds