Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

KARESAT – Milyonek û 31 hezar donim daristanên Kurdistanê şewitîn

Ji aliyê RÛDAW 11-7-2018
Wêne: Arşîv
Wêne: Arşîv

Hewlêr (Rûdaw) – Li gorî amarên Wezareta Çandinî û Çavkaniyên Avê yê Herêma Kurdistanê, li Başûrê Kurdistanê di nav 8 salên borî de 31 hezar û 290 donim daristan û pûş şewitîn.

 

Demsala havînê ji ber bilindbûna asta germê li Başurê Kurdistanê metirsiya şewitîna daristan û pûşê jî zêde dike. Tîmên Berevaniya Şaristaniyê di van mehan de ji bo destwerdana bûyerên agirketinê di amadebaşiyê de ne lê nebûna derfetên darayî vê destwerdanê jî zehmetir dike.

 

Lewma rêjeya şewtinadinê di 3 salên derbasbûyî de zêdetir bûye. Li gorî amarên Wezareta Çandinî û Çavkaniyên Avê yê Herêma Kurdistanê tenê di 3 salên borî de 559 hezar û 469 donim daristan û pûş şewitiye.

 

Rêveberê Giştî yê Daristan û Rezgerî li Wezareta Çandinî û Çavkaniyên Avê yê Herêma Kurdistanê Husên Hemekerîm dibêje: “Ji ber qeyrana darayî 3 sal in nikarin weke pêwîst pêşiya agirê daristanan bigrin û ji ber vê yekê jî rêjeya agir zêdetir bûye.”

 

Li gorî gotina Husên Hemekerîm niha tenê ji sedî 2yê dariastanên Kurdistanê hatine paqijkirin û ji sedî 98ê daristanan jî metirsiya şewatê heye.

 

Topbarana Tirkiye û Îranê daristanan dişewitîne

 

Herwiha li gorî pêdaçûnên Wezareta Çandinî û Çavkaniyên Avê, di 8 salên borî de ji sedî 35ê sedema agirê daristan û pûşên Kurdistanê bombebarana artêşa Tirkiyê û Îranê bûye

 

Husên Hemekerîm diyar dike, ku sedemên din ên agirtgirinê bêxemî, bi qestî, paşmayiyên agirên şivanan û geştiyaran in.

Hemekerîm dide xuyakirin, ku hê jî bi şêweyê kevn hewl didin agirê daristanan kontrol bikin, ku ji ber firehbûna rûberê daristanan ev yek zehmet dibe û ziyanê jî zêdetir dike.

Madeya 22 ya Yasaya Daristanan de tê gotin, ku ew kesên bi qest û zanebûn darên bi temen bibrin an jî agir berdine daristanan divê werin cezakirin. Cezayê wan ê zîndanîkirinê ji 6 mehan zêdetir dibe û herwiha 5 milyon dînar jî werin cezakirin.

 

Lê Berpirsê Wezareta Çandinî û Çavkaniyên Avê dibêje: “Mixabin dadgeh weke pêwîst vê yasayê cîbicî nakin û kesên bi qest daristanan dişewitînin bi kefalet tên azadkirin, cezayekî kêm dixwin.”

 

Serokê Desteya Parastin û Çêkirina Jîngehê Semed Mihemed jî dibêje: “Şewtandina daristan û pûşê di heman demê de dibe sedema mirin û nemana bi sedan corên zîndewer, balinde û ajelan û di herwiha ziyaneke mezin jî dide jîngeha herêmê û hevsengiyê têkdide.”

 

Li gorî amarên Wezareta Çandinî û Çavkaniyên Avê yê Herêma Kurdistanê, di 8 salên borî de herî zêde daristanên parêzgeha Silêmaniyê şewitîne, ku dike 580 hezar û 380 donim daristan û pûş.

 

Li parêzgeha Helebceyê jî 30 hezar û 757 donim daristan û pûş şewitiye.

 

Rêveberê Daristanên Parêzgeha Helebceyê Mihemed Mehmûd diyar dike: “Ji sala borî ve piraniya sedema agirê daristanên Helebceyê bêxemî û bi qestî bûye. Herwiha ji ber teqeya leşkerên Îranê jî gelek caran daristan şewitîne.”

 

 

Şîrove

 
Mûhammed | 11-7-2018
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke kurdistan wêrek be û bê tirs be hineki ber van dagirkeranda berxwe bide

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Roj Awzciya | 2018-11-14 9:35:54 PM
Ey wehshî reshnivîs nîne. Bernivîs e! We ritiya nav zimanê kurdi mîna siyaseta kurdî. Xuda we tûn be tûn bike!
Hikûmeta Brîtanyayê reşnivîsa cudabûna ji YE pesend kir
| 14-11-2018 | (1)
Alan | 2018-11-14 1:42:25 PM
Roj bas´, Beeeeeeeeeeese, Zimane kurdi nelewitine! "Soz" Turkiye u dijmine kurdane! Biniwise "Peyman dan"
Hevpeymaniya Navdewletî piştgiriya Encûmena Leşkeriya Minbicê dike
| 14-11-2018 | (1)
Alan | 2018-11-14 1:31:17 PM
Roj bas´! Bese zimane` Kurdi aludeyi Turkiya pis u mirar bikin. Me tis´tek binave "soz" nav zimane´ kurdi nine. Biji Kurd Alan Swed
Zerîf: Welatên Ewropayê sozên xwe neanîne cih
| 14-11-2018 | (1)
Cemal Aslan | 2018-11-12 9:54:59 PM
Katar e pera bide
Li Tirkiyê bandora berzbûna dolar her diçe girantir dibe
| 12-11-2018 | (1)

Li beşên din ên Rûdawê

RÛDAW/TAYBET - Aldar Xelîl: Senariyoya Efrînê li deverên din dubare nabe 6-11-2018 |

RÛDAW/TAYBET - Aldar Xelîl: Senariyoya Efrînê li deverên din dubare nabe

Hebûna hêzên amerîkî asteng e li pêş Rûsya, Zêdetir
ROJAVA - Partiyên Kurdî bersiva daxuyaniyên Rûsya didin 22-10-2018 |

ROJAVA - Partiyên Kurdî bersiva daxuyaniyên Rûsya didin

Sekreterê El-Partiyê Nesredîn Ibrahîm ji Rûdawê Zêdetir
Nêçîrvan Barzanî: Kurdistaniyan deng dan avakirina kurdistaneke bihêz 21-10-2018 |

Nêçîrvan Barzanî: Kurdistaniyan deng dan avakirina kurdistaneke bihêz

Bi boneya ragihandina encamên fermî yên Zêdetir
0.562 seconds