Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Mela Bextiyar: Sibe yan dusibe emê biryara dawîn bidin

Ji aliyê Rûdaw 12-9-2017
Rûdaw

Hewlêr (Rûdaw) – Her sê aliyên siyasî yên sereke li Herêma Kurdistanê, PDK, YNK û Goran îro ji bo gotûbêjkirina referandumê û aktîvkirina parlamentoyê li Hewlêrê civiyan. Serkirdeyê YNKê Mela Bextiyar piştî civînê ragihand, civîna îro dîrokî bû û ew dê sibe yan dusibe biryara dawîn bidin.

 

Di berdewamiya civîn û danûstandinên navbera aliyên siyasî yên Herêma Kurdistanê de, îro sêşembî 12ê Îlonê her sê aliyên Partiya Demokrata Kurdistanê (PDK), Yekîtiya Niştimaniya Kurdistanê (YNK) û Tevgera Goranê li bajarê Hewlêrê civiyan.

 

Civîna navbera her sê aliyan bo demek dirêj dom kir û di saet 16:30 de bi dawî hat.

 

Piştî civînê, Berpirsê Desteya Kargêriya Polîtboruya YNKê Mela Bextiyar derbarê naveroka civînê de konfranseke rojnamevanî da.

 

Mela Bextiyar ragihand: “Ev civîn di dîroka navbera wan her sê aliyan de giringtirîn û dîrokîtirîn civîn bû, ku têde behsa aktîvkirina parlamentoyê, referandumê û heft xalên YNKê bo çareserkirina pirsgirêkan hat kirin.”

 

Mela Bextiyar da xuyakirin, heft xalên projeya YNKê bo aktîvkirina parlamentoyê û encamdana referandumê û nehêlana sîstema paşekewtkirina mûçeyan ji aliyê Goranê û Komelê ve hatiye pesendkirin, PDK û YNKê jî îmza li ser kirine.

 

Serkirdeyê YNKê amaje bi wê yekê jî kir, ku di civînê de behsa rêkevtina sê alî ya navbera PDK, YNK û Goranê hat kirin û nêrîn hevbeş bûn.

 

Bi gotina Mela Bextiyar, dê êvariya sibe çarşembiyê yan jî sibehiya dusibe pêncşembiyê cardin PDK, YNK û Goran li baregeha sereke ya Goranê li Girê Zergete yê Silêmaniyê bicivin û dê biryara xwe ya dawîn aşkere bikin.

 

Herwiha biryar bû, ku êvariya îro di demjimêr 19:00 de PDK û YNK cardin li gel hev bicivin.

 

Li aliyekî din, YNK serêvariya îro saet 17:00 bi dema Hewlêrê pêşwazî li şandeke Komela Îslamiya Kurdistanê jî kir.

 

Heft xalên projeya YNKê:

 

1 - Asayîkirin û aktîvkirina parlamentoya Kurdistanê

 

2 - Bi mebesta dabînkirina hevsengiyê di navbera mûçeyên pilebilindan û mûçeyên kêm de, pêwîst e paşekewtkirina mûçeyê bi rêya pesendkirina projeyasayeke taybet were rakirin û garantiya dana mûçeyên paşekewtkirî yên karmendan were dan.

 

3 - Bawerîdan bi serok û endamên Encumena Sidoqa Dahatên Petrol û Gazê

 

4 - Pêdeçûn bi yasaya hilbijartinan bihê kirin û mafê dengderên rûniştvanên navçeyên veqetandî (ji Kurdistanê) bihê dabînkirin, daku nûnerên rasteqîn ên wan di parlamentoya Kurdistanê de hebin.

 

5 - Pesendkirina yasaya referanduma ji bo serxwebûnê.

 

6 - Bawerî bi komîteya amadekirina destûrê bo referandumê bihê dan, ji bo amadekirina destûra dewleta Kurdistanê.

 

7 - Pêdeçûna yasaya Serokatiya Herêma Kurdistanê, hejmara 1 a sala 2005ê.

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

BUrhan Elturan | 2018-08-08 3:33:08 PM
We buyeren dewleta tirk cha zu bir kir! He salek ji ne buye. Te bira we, Bi dewleta Iraq, Iran e va, bun yek u Kurdistan'a Bashur tehdit kirin. Tim...
Li hêviya Nêçîrvan Barzanî nemînin
| 6-8-2018 | (1)
Renas | 2018-08-04 9:39:36 PM
Xweli li serê me bê go yeki weke Bilgen buye serokê me. Man te ci jê ye? Bila Amerika tirkiye bibê iflasê, wê jibo Kurda basbê Bilgen axa!!
Ji HDPê daxuyaniya li ser Amerîkayê: Nayê qebûlkirin
| 4-8-2018 | (1)
Mizoki | 2018-08-02 10:48:47 PM
Min di nav rihé we da misti.
Encûmena Asayişa Herêma Kurdistanê grûpeke DAIŞê desteser kir
| 2-8-2018 | (1)
Kurdekk bakur | 2018-08-02 7:39:28 AM
Ez jii li ser navee hhemii kurdan tek piiroz dikkim... Serkeftinnnnnn
Kurdekî Rojhilatê Kurdistanê mezintirîn xelata cîhanî ya bîrkariyê wergirt
| 1-8-2018 | (1)

Li beşên din ên Rûdawê

Erdogan û Ebadî li Enqerê civiyan 7 demjimêr berê |

Erdogan û Ebadî li Enqerê civiyan

Serokwezîrê Iraqê Heyder Ebadî bi serdaneke fermî Zêdetir
Kerkûk û qonaxeke din a dagîrkeriyê 9-8-2018 |

Kerkûk û qonaxeke din a dagîrkeriyê

Erdên Kurdan ji wan distînin û didin erebên Zêdetir
Rêveberiya Xweser û Sûriyê 'komîteya hevbeş' damezrandin 9-8-2018 |

Rêveberiya Xweser û Sûriyê 'komîteya hevbeş' damezrandin

Komêteya Hevbeş di navbera Rêveberiya Xweser û Zêdetir
0.891 seconds