Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

77 hefte ne çalakiyên Dayîkên Şemiyê hatine qedexekirin

Ji aliyê SERKAN İNCE 14-1-2018
Rûdaw

Amed (Rûdaw) – Bi ragihandina rewşa awarte (OHAL) re li Tirkiyê û bi taybetî jî li Bakurê Kurdistanê her cûre çalakiyên meydanî hatin qedexekirin. Yek ji wan çalakiyan a Dayîkên Şemiyê ye.

 

Dayîkên Şemiyê 466emîn çalakiya xwe ya heftane saz kirin. Li Amedê çalakiyên heftane yên Dayîkên Şemiyê piştî ragihandina rewşa awarte li Bakurê Kurdistan û Tirkiyê ev 77 hefte ye hatiye qedexekirin. Dayîkên Şemiyê ku pêştir her hefte roja Şemiyê di saet 12:00an de li Parka Koşûyolûyê li dar dixist, niha ji ber rewşa awarte li avahiyên sergirtî li dar dixin.

 

Tenê li Amed û navçeyên wê jî 110 wendahî û derdora 2 hezar jî kuştinên kiryar nediyar hene. Li gor amarên komeleyên mafên mirovan ji sala 1980yan heta sala 2016an 7 hezar û 731 kes yan bi awayekî kiryar nediyar hatine kuştin ku hezar jê bê ser û bê şûn e. Wate hestî û termên wan jî nehatine dîtin. Hinek partî û sazî jî qala 17 hezar û 489 failê meçhûl û wendahiyan dikin.

 

Ji ber qedexeyan Dayîkên Şemiyê, xizmên wendahî û kiryar nediyaran  çalakiyên xwe li avahiyên sergirtî bi rê ve dibin. Nezîre Baran a ku hevjînê wê Omer Baran di 14ê Çileya sala 1994an de li navçeya Çinar a Amedê hatiye wendakirin, tevî neviyê xwe yê bi navê Omer tevlî çalakiyê bûne. 

 

Yek ji Dayîka Şemiyê Nezîre Baran ji Rûdawê re wiha got: “Li wê derê rewşa awarte OHAL kirin sedem em anîne xistine vê derê. Li vir jî be, ez li ser navê xwe dibêjim û gellek malbatên wekî min jî hene, em ê li pey doza xwe bin û kiryarên wan em ê derbixin. Em ê dest ji failê meçhûlan bernedin. Ji ber ku ew wisa bi rehetî neçûne. Dewletê ev yek kiriye. Hizbulah û cerdevanan bi fermana dewletê kirine.”

 

Di hefteya 466emîn a çalakiya Dayîkên Şemiyê de qala serboriya Abdulrezaq Erdogan hat kirin ku  di sala 1999an de li navçeya Şemzînan a Colemêrgê di mala wî de ew kuştine.

 

Endamê Desteya Rêveber a ÎHDê ya Amedê Abdulselam Înceoren jî got: “Êdî cihê wendahiyên me eşkera bikin. Kêmanî em term û hestiyên mirovên xwe dixwazin. Tevî ku em qala hemû hûrgiliyên kuştiyên kiryar nediyar dikin jî ji bo eşkerakirina aqûbeta wendahî û kuştinên failê meçhûl heta niha ti gaveke girîng nehatiye avêtin. Bi ser de jî niha ji ber rewşa awarte 77 hefte ye çalakiyên meydanî yên Dayîkên Şemiyê hatine qedexekirin.”

 

Li gor amarên tomarkirî yên komeleyên mafên mirovan ji sala 1980î heta 2016an 7 hezar û 631 kes, di 9 mehên destpêka 2017an de jî 482 kes li Bakurê Kurdistanê û Tirkiyê di binçavan de û bi awayekî kiryar nediyar hatine kuştin. Ji wan hezar jê wenda ne.

 

Berpirsê Komîsyona ÎHDê ya Wendahiyan Hasan Yalçin jî diyar kir ku li Amedê bi qasî 110 wendahî hene û wiha domand: “Ji xeynî wendahiyan kuştinên failê meçhûl ango înfazên derhiqûqî li Amedê tevî qezayên wê derdora 2 hezar kesan e. Ev tiştê ku me tespît kirine ev e.”

 

Çalakiyên Dayîkên Şemiyê di 27ê Gulana 1995an de li bajarê Stenbolê li ber Lîseya Galatasaray a Kolana Îstîklalê dest pê kir. Ev çalakiyana li Amedê jî di Çileya 2009an de dest pê kirin. 

 

Nivîs: Aydin Bayram

Nîşankirin :
148 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2018-02-24 1:37:07 PM
Heger,navê Kusret Resul bi mirazê Hêro Îbrahîm Ahmed be,bê goman, navê Kusret Resul naçe nav Rûpelên Dîroka Neteweya Kurd a sipî û serwer.Ma çi hebû ...
Hêro Îbrahîm nameyeke tund ji Kosret Resûl re şand
| 20 demjimêr berê | (1)
hussein Cheikhi | 2018-02-24 9:32:35 AM
Roj Ba§ Bira Besam mustafa, îro min nivîsya te ya bi navê " ziman yek ji nasnameyê gelan e" xwend. ji demek dirêj ve, ez dixwazim bîr û bahweriya...
Ziman yek ji nasnameya gelan e
| 22-2-2018 | (1)
Deniz deniz | 2018-02-23 12:20:00 PM
Li gorî min li erdnigariya Efrînê baran ba û bahoz nîne...Erdogan nizane ewê çawa ji Efrînê derkeve..Agahiyek din bidim we. Niha Erdogan ji Rusyayê...
Erdogan: Piştî Efrînê dora Minbicê û rojhilatê Firatê ye!
| Duh vî demî 03:06 | (1)
B.ay | 2018-02-22 6:52:59 PM
Deste te xwes kek selahedin.sozial Demokraten Alman, dewe wan pir gotinan dibejin le ji derewan re pir jihatine ji bo bercewendiyen welaten xwe hemi...
Destbiser
| 22-2-2018 | (1)
0.328 seconds