Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Îtilaata Îranê li Sine çalakvanên Kurd digire

Ji aliyê RÛDAW 14-9-2018
Çalakvana Kurd a xelkê bajarê Sine, Sureya Xidirî ku ji aliyê hêzên ewlehiyê yên Îranê ve hatiye girtin
Çalakvana Kurd a xelkê bajarê Sine, Sureya Xidirî ku ji aliyê hêzên ewlehiyê yên Îranê ve hatiye girtin

Hewlêr (Rûdaw) – Hêzên ewlehiyê yên Îranê du çalakvanên Kurd li bajarê Sine yê Rojhilatê Kurdistanê girtin, herwiha du çelakvanên din jî ku rojek piştî greva giştî ya li Rojhilatê Kurdistanê hatibûn girtin, bo Rêveberiya Îtillaata Sine hatin veguhastin.

 

Li gorî avkaniyên xwecihî yên ji Rojhilatê Kurdistanê, piştî birêveçûna greva giştî ya seranserî li piraniya bajarên wî parçeyê Kurdistanê, hêzên ewlehiyê yên Îranê dest bi girtina çalakvanên Kurd kirine.

 

Li gorî zanyariyan, hêzên Îranê li bajarê Sine yê Rojhilatê Kurdistanê, du çalakvanên navdar ên vî bajarî ji ber hewldanên wan bo handana xelkê ji bo beşdarbûna di greva giştî ya roja Çarşembiyê de girtine.

 

Çalakvan û herwiha saziyên mafên mirovan ên Rojhialtê Kurdistanê ragihandine, ku çalakvana jin Sureya Xidirî ku di warê mafên zarokan û çalakiyên sivîl de dixebite û endama saziya xêrxwaziya Rocyar Kurdistan e, ji aliyê hêzên ewlehiyê yên Îranê ve hatiye girtin.


Rêxistina Komeleya Mafên Mirovan a Kurdistanê jî ragihandiye, ku hêzên ewlehiyê yên Îranê avêtine ser mala Sureya Xidirî û piştî pişkinîna malê, ew û her du zarokên wê ku xwandekarên zanîngehê ne, girtine.


Herwiha çalakvanê naskirî yê bajarê Sine, Muslim Seîdpûr jî piştî ku ji aliyê Rêveberiya Îtilaata Sine ve hatiye bangkirin, ji aliyê hêzên ser bi Îtillaatê ve hatiye girtin.

 

Ji aliyekê din ve, du çalakvanên din ên bajarê Sine yên bi navê Aram Fethî û Soran Danişwer ku piştî greva giştî ya li Rojhilatê Kurdistanê hatibûne girtin, bo Rêveberiya Îtilaata Supaya Pasdaran hatine veguhastin û lêkolîna bi wan re ketiye destê Îtilaata Supaya Pasdaran.

 

Ew her du çalakvanên Kurd jî bi hinceta handana xelkê bo beşdarîkirina xelkê di greva giştî ya roja Çarşembiyê de hatine girtin.


Li gorî çalakvanên xwecihî yên Rojhilatê Kurdistanê û zanyariyên ku Rûdawê bi dest xistine, heta duh Pêncşembiyê 13ê Îlona 2018, hêzên Îranê li bajarên Rojhilatê Kurdistanê 40 kes desteser kiribûn.


Roja Çarşembî 12ê Îlona 2018 li ser banga 5 partiyên Rojhilatê Kurdistanê û çalakvan û rewşenbîrên wê parçeyê Kurdistanê greveke giştî û seranserî birêve çû û dikan û bazar li piraniya bajarên Rojhilat, ên weke Mihabad, Bokan, Serdeşt, Pîranşar, Şino, Urmiye, Sine, Merîwan, Bane, Dîwandere, Seqiz, Kirmaşan, Pawe, Ruwanser, Cuwanro û çend bajarokan girtû bûn û xelk ji malên xwe derneketin.

 

Di roja birêveçûna greva giştî de, hikûmeta Îranê li cihên hesas ên bajarên mezin ên Rojhilatê Kurdistanê hêzeke mezin a ewlehiyê bi cih kiribû. Herwiha tîmên taybet ên hêzên polîs û Îtilaata Îranê li nav bazaran digeriyan û dikanên xelkê, yên ku beşdarî grevê bibûn, bi sprayên rengî nîşan dikirin.

 

Çalakvanên Kurd li Rojhilatê Kurdistanê wêne û dîmenên vîdeyoyî yên nîşankirina dikanan ji aliyê tîmên Îtilaata Îranê ve li ser torên civakî û internetê belav kirine û ragihandine, ku Îtilaat ji ber wê yekê wan dikanan nîşan dike, daku piştre lêpirsînê bi wan re bike.

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

alias | 2018-09-17 8:00:14 AM
Hemû Propaganda ne, hemû derewîne
Ebadî biryar da hêz li ser sînorê Iraq û Tirkiyê were belavkirin
| 16-9-2018 | (1)
mahmoud | 2018-09-15 6:51:54 PM
Dest xwesh Amerika dest Xwesh...
Amerîka hêzên xwe li Sûriyê xurttir dike
| 15-9-2018 | (1)
Renas | 2018-09-15 6:51:08 AM
Careseriya mesela Kurd bi ser lê a Idlibê siyasi? Hahaha.
Tirkiye: Çareseriya Idlibê bi rêya siyasetê ye
| 14-9-2018 | (1)
Ayyob | 2018-09-06 10:29:08 AM
Dest zosh!
Kurdek | 2018-09-14 6:37:55 AM
Çıma hinek dar na çikkînin..... Xuwzaya wir bı çend Kewan va nayé parastin... Gello sedema Van Kewan formalita çiye? Salé careki Van kewan ...
Li Çiyayê Agiriyê hezar kew hatin berdan
| 6-9-2018 | (2)
0.532 seconds