Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Nêçîrvan Barzanî: Em li hêviya pêngavên din ên Enqereyê ne

Ji aliyê RÛDAW 17-4-2018
Nêçîrvan Barzanî
Nêçîrvan Barzanî

Hewlêr (Rûdaw) - Serokwezîrê Herêma Kurdistanê Nêçîrvan Barzanî ragihand, ku ew giringiyê didin peywendiyên li gel welatên cîran û got, ku Tirkiye ji bo wan welatekî giring e. Herwiha da xuyakirin, ku ji bo asayîbûna peywendiyên di navbera Hewlêr û Enqerê de ew li hêviya pêngavên din in.

 

Serokwezîrê Herêma Kurdistanê Nêçîrvan Barzanî piştî civîna Civata Wezîran civîneke çapemeniyê saz kir û bersiv da pirsên rojevê.

 

Nêçîrvan Barzanî di destpêka civînê de Cejna Çarşema Sor a Kurdên Êzidî pîroz kir. Barzanî ragihand, ku civîna îro asayî bûye û mijara zêderoyiyên li ser mal û milkên hikûmî hate gotûbêjkirin. Di vê derbarê de projeyasayek hatiye amadekirin da ku pêşkeşî Parlamentoya Kurdistanê bikin.

 

Serokwezîr Nêçîrvan Barzanî da xuyakirin, ku di proseya propagandaya hilbijartinan de erkê hikûmetê dabînkirina ewlekariya hemwelatiyan e û di civînê de li ser vê mijarê jî axivîne.

 

Derbarê serdana Bexdayê de Barzanî got: “Niha bi awayeke fermî di bernameya me de nîne ku em serdana Bexdayê bikin. Min bi xwe jî di ragihandinê de bihîstiye, ku dibêjin dê şand here Bexdayê. Lê pir asayî ye, ku şand di navbera Hewlêr û Bexdayê de herin û werin. Danûstandinê herdu aliyan ji bo çareserkirina pirsgirêkan jî berdewam dike.”

 

Peywendiyên li gel Tirkiye û Îranê

 

Li ser pirsekî Serokwezîr Barzanî da xuyakirin, ku ji bo geştên esmanî yên di navbera Silêmanî û Tirkiyê de di navbera hikûmeta Herêma Kurdistanê û Enqerê de guftogo hene û diyar kir: “Em hêvî dikin ku bikarin vê mijarê çareser bikin.”

 

Şandeke Herêma Kurdistanê li ser vexwendina Wezîrê Aborî yê Tirkiyê çûbû Tirkiyê û li gel Serokomarê Tirkiyê Tayyîp Erdogan hevdîtin kiribû.

 

Di vê derbarê de Nêçîrvan Barzanî da xuyakirin: “Şanda Kurdistanê li ser daxwaza Wezîrê Aborî yê Tirkiyê çûye Stenbolê. Di çarçoveya vê konferansê de li gel birêz Serokomarê Tirkiye hevdîtinek pêk anîne. Em li hêviya pêngavên din in ji bo peywendiyên Hewlêr û Enqere asayîtir bibin, ku niha ber bi asayîbûnê ve diçe. Tirkiye ji bo me welatekî giring e û herdem Herêma Kurdistanê xwestiye peywendiyên wê yên li gel Tirkiyê baş bin.”

 

Nêçîrvan Barzanî ji bo destpêkirina geştên esmanî yên di navbera Tehran, Hewlêr û Silêmaniyê de kêfxweşiya xwe anî ziman û got: “Peywendiyên me yên li gel Tehranê û herwiha bi giştî peywendiyên me yên li gel cîranên me baş in.”

 

Vegera pêşmergeyan bo Kerkûkê

 

Li ser mijara vegera hêzên pêşmerge bo Kerkûkê Barzanî da zanîn, ku di navbera hikûmeta Herêma Kurdistanê, Iraq û Amerîkayê de ti rêkeftinek nîne û got: “Bê guman em ji ber rewşa ewlekariya wan herêman nîgeran in. Em piştgirî didin ewlekariya wan navçeyan. Piştgirî didin pêngavên Bexdayê yên ji bo parastina ewlekariya hemwelatiyan. Di vî warî de tişta bikeve ser milê hikûmeta Kurdistanê em amade ne bikin.”

 

Nêçîrvan Barzanî da xuyakirin, ku nehiştine PDK li Kerkûk û cihên nakok baregahên xwe veke û lewma jî li wan deveran hilbijartinan boykot dike.

 

Serokwezîr Barzanî da xuyakirin, ku hilbijartin yên parlamantoya Iraqê ne û hemû partiyên Iraqê dikarin li Kurdistanê namzedan nîşan bidin. Ji ber vê yekê jî ti nîgeraniyeke wan nîne.

 

Bikaranîna çekên kîmyewî

 

Li ser pirsekî Nêçîrvan Barzanî amaje bi wê yekê kirk u gelê Kurd ji hemû gelan zêdetir fêm dike ka bikaranîna çekên kîmyewî çi karesatên mezin digihîne mirovan û got: “Weke hikûmeta Herêma Kurdistanê em piştgirî didin wan pêngavan ku bikaranîna çekên kîmyewî qedexe û asteng dike. Em hêvî dikin, ku sînorek were danîn da ku li herêmê careke din çekên kîmyewî neyên bikaranîn.”

 

Nêçîrvan Barzanî derbarê rewşa aborî ya Herêma Kurdistanê de destnîşan kir, ku niha ji mehên borî rewşa aborî baştir e û wan ber bi pêş ve gav avêtine.

 

 

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

lolozano | 2018-04-14 2:23:38 PM
Ronakbîrê Hêja Ako!Destêwerdana PKKê di Kurdistana Suryê de,li detpêkê de,xizmet bo Rijîmê bû qezenc ji bo tedbîq kirina Felsefa Apo bû.Hîngê di dema...
Şer li gel hemûyan
| 11-4-2018 | (1)
rastgo | 2018-04-13 4:24:16 PM
Kak Romano, bi ya min cenabê te ev gotar bi shêwekî bêlayen û herwiha objektiv nivîsiye. Lê divê ez bêjim, wekî Amerika hertim azadiyê di parêze,...
Gelo xiyanet li Kurdan hat kirin?
| 12-4-2018 | (1)
Amed MOL | 2018-04-13 2:02:55 AM
Bibihurin.Lê, Hejmarê gelhe (Population-Nüfus) a Kurda 80 milyone! 20 milyon nine! Binêrin: Röportaja Kak Mêhdî Zana li Rudaw-meha Adarê.
Tirkiye zimanê kurdî ji bîlbord û tabloyên ser cadeyên Amedê jê dibe
| 13-4-2018 | (1)
Sileman Elali | 2018-04-12 5:06:16 PM
Di nerîna min de ev siyaseta go niha li suryayê tê xwyakirn yek ji lîstokên rusya û ayran nene û gereke hesabê vê yekê bidin ji bergo hikumeta suryê...
Rûsya: Peywendiyên me ligel Amerîkayê çalak in
| 12-4-2018 | (1)

Li beşên din ên Rûdawê

2 zarokên Efrînî ji ber bê dermaniyê canê xwe ji dest dan 13-4-2018 |

2 zarokên Efrînî ji ber bê dermaniyê canê xwe ji dest dan

Berpirseke Heyva Sor ya Kurd da xuyakirin, ku ji Zêdetir
0.39 seconds