Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Kurdistan

Tirkmen Ala Kurdistanê didûrin

Ji aliyê Rêbaz Enwer 18-9-2017
Hewlêr
Hewlêr

Hewlêr (Rûdaw) – Piraniya wan alayên ku di rêwresm, çalakî, aheng û karnavalên piştgiriya giştpirsiyê ya Başûrê Kurdistanê de tên amadekirin, berhemên destê diryaran e. Yek ji wan jî diryarekî genc ê 14 salî ye, ku bixwe tirkmen e û gelek ala dirûtine.

 

Roja 25ê Îlonê dê hemwelatiyên Başûrê Kurdistanê herin ser sindoqan û dengê xwe bi “erê” yan jî “na” bidin vê pirsê: “Gelo tu dixwazî Herêma Kurdistanê û navçeyên Kurdistanî yên derveyî îdareya Herêma Kurdistanê bibe dewleteke serbixwe?”

 

Ji bo giştpirsiyê jî kelecana aheng, xwepêşandan û karnavalan berdewam dike. Bi tevê ku hinek partî û aliyên siyasî yên tirkmen û ereb li Kerkûkê giştpirsiyê boykot dikin lê hemû pêkhateyên Kurdistanê piştgirî didin giştpirsiyê.

 

Piraniya partiyên tirkmenî yên li Hewlêrê, berovajiyê tirkmenên Kerkûkê piştgiriyê didin giştpirsiyê. Ew xwe li Kurdistanê weke “neteweya duyemîn” dibînin û di nava komîteya giştpirsiyê de nûnerê wan heye. Bereya Tirkmenî, ku di nava Parlamentoya Kurdistanê de nûnerekî wan heye, li dijî giştpirsiyê ne.

 

Ji ber coş û xiroşa giştpirsiyê ya gelê Kurdistanê, bazara çapkirin û dirûna alayên Kurdistanê jî germ bûye.

 

Mihemed Îsmaîl Xeyat yek ji wan diryaran e, ku li dikana xwe ya biçûk a nav sûka Qeyserî ya Hewlêrê, alên Kurdistanê didûre.   

 

Omer Mihemedê 14 salî, ku li dirûngeha Mihemed Îsmaîl Xeyat kar dike, her roj bi dehan alên Kurdistanê didûre. Omer dibêje, ew pir kêfxweş e ku vî karî dike.

 

Mihemed Îsmaîl Xeyat ji Rûdawê re got: “Gelek daxwaz ji bo Ala Kurdistanê tên. Em her roj 150 heta 200 alayan didûrin.”

 

Xeyat hêvî kir, ku tirkmen jî di bin Ala Kurdistanê de bi wekhevî û azadî bijîn û got: “Hê jî hemû mafên me bicîh nebûne. Em jî dixwazin navê kesayetên tirkmen li kolan û parkan bibînin.”

 

Ji bilî diryar û terziyan, çapxane jî alayan amade dikin. Ehmed Îsmaîl biryarê biçûk ê Mihemed Îsmaîl e û xwedanê çapxaneyekê ye.

 

Ehmed dibêje: “Tenê di nava 3 rojan de me 15 hezar ala dirûtin. Herwiha me 25 hezar tîşortên ku li ser nivîsiye Kurdistan, çap kiriye.”

 

Ehmed bi serbilindî û şanazî dibêje, ku Ala Kurdistanê ya mezin a qebareya 20×50 metre ducar bi dest û tiliyên tirkmenan hatiye dirûtin.

1077 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2018-02-24 1:37:07 PM
Heger,navê Kusret Resul bi mirazê Hêro Îbrahîm Ahmed be,bê goman, navê Kusret Resul naçe nav Rûpelên Dîroka Neteweya Kurd a sipî û serwer.Ma çi hebû ...
Hêro Îbrahîm nameyeke tund ji Kosret Resûl re şand
| Duh vî demî 02:20 | (1)
hussein Cheikhi | 2018-02-24 9:32:35 AM
Roj Ba§ Bira Besam mustafa, îro min nivîsya te ya bi navê " ziman yek ji nasnameyê gelan e" xwend. ji demek dirêj ve, ez dixwazim bîr û bahweriya...
Ziman yek ji nasnameya gelan e
| 22-2-2018 | (1)
Deniz deniz | 2018-02-23 12:20:00 PM
Li gorî min li erdnigariya Efrînê baran ba û bahoz nîne...Erdogan nizane ewê çawa ji Efrînê derkeve..Agahiyek din bidim we. Niha Erdogan ji Rusyayê...
Erdogan: Piştî Efrînê dora Minbicê û rojhilatê Firatê ye!
| 23-2-2018 | (1)
B.ay | 2018-02-22 6:52:59 PM
Deste te xwes kek selahedin.sozial Demokraten Alman, dewe wan pir gotinan dibejin le ji derewan re pir jihatine ji bo bercewendiyen welaten xwe hemi...
Destbiser
| 22-2-2018 | (1)
0.453 seconds