SILÊMANÎ - Baregehên 5 partiyan hatin şewitandin

Silêmanî (Rûdaw) – Rêveberê Bajarokê Pîremegrûn Sîrwan Serhed ragihand, ku li bajarokê baregehên 5 partî û binkeyên asayiş û polîsê trafîkê ji aliyê xwepêşanderan  ve hatin şewitandin.

Sîrwan Serhed ji Rûdawê re diyar kir, ku xwepêşanderan baregehên PDK, YNK, Goran, Komel û Yekgirtû û herwiha binkeyên asayiş û polîsê trafîkê yên Pîremegrûn şewitandin.

Rêveberê Bajarokê Pîremegrûn Sîrwan Serhed aşkere kir, ku xwepêşander ber bi santrala elektîrê ya Pîremegrûn diçin û rewş aloz bûye.

Ji aliyê rêveberiyê ve, bajarokê Pîremegrûn ser bi navçeya Dûkan a parêgeha Silêmaniyê ye.

Îro duşemê 18ê Berfanbara 2017an li hin bajar û bajarokên Herêma Kurdistanê yên li sînorê Silêmanî û Helebceyê ji ber sîstema paşekewta mûçeyan, paşketina mûçeyan û kêmbûna xizmetguzariyan xwepêşandan hatin kirin. Yek ji wan deverên ku têde xwepêşandan hate pêkanîn bajarokê Pîremegrûn e, herwiha li bajarê Silêmanî û çend deverên din jî tevlihevî û alozî derket.

Nivîsîn: Îlyas Aslanhan

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger