Şingal (Rûdaw) – Yekîneyên Berxwedana Şingalê (YBŞ) radigihîne, ku di referandûma serxwebûna Başûrê Kurdistanê de ew piştgirî didin şingaliyan û kurdên êzidî.
Fermandeyê YBŞê Heval Mazlûm ji Rûdawê re ragihand: “Hinek aliyên iraqî xwestin me razîbikin da ku dijitiya referandûma Başûrê Kurdistanê bikin lê em razî nebûn. Ji ber ku em piştgirî didin şingaliyan û kurdên êzidî da ku beşdarî referandûmê bibin.”
YBŞ baskekî leşkerî yê PKKê ye û di dema êrîşa DAIŞê ya ser Şingalê de li Şingal û derdora wî ji bo kurdên êzidî hatiye avakirin.
Vê hêzê di destpêkê de hemahengiya xwe ya li gel hêzên hikûmeta Iraqê ragihand lê paşî di navbera wan û hêzên Heşda Şeibî de nakokî derketin. YBŞ niha xwe weke hêzeke Kurdistanî binav dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse