Hewlêr (Rûdaw) – Wezîrê Derve yê Iraqê Îbrajîm Ceferî êrîş û operasyona Tirkiyê ya ser herêma Efrînê şermezar kir.
Îbrajîm Ceferî li malpera xwe ya taybet daxuyaniyek belav kiriye û dibêje: “Em destewerdana Tirkiyê ya li herêma Efrînê ya Sûriyê şermezar dikin.”
Ceferî herwiha dibêje: “Em destwerdana her welatekî di karûbarên welatekî din de red dikin, weke ku çawa me destwerdana di Başîka ya Iraqê de red kiriye.”
Wezîrê Derve yê Iraqê tekezî li parastina pêwendiyên ligel Tirkiyê dike, lê belê dibêje: “Em binpêkirinan red dikin.”
Li ser rewşa Sûriyê jî Îbrahîm Ceferî diyar kir ku hewlêsta niha ya Sûriyê ji berê baştir e ji aliyê serederiya ligel welatên cîhanê.
Ceferî di daxuyaniya xwe de hêviyên xwe jî aniye ziman ku hikûmeta Sûriyê di hewldanên xwe de berdewam bibe ji bo yekîtiya Sûriyê û lihevnêzkirina aliyên cuda daku rewş aram bibe.
Roja 20ê Çileya 2018an Artêşa Tirkiyê dest bi operasyona ser Efrînê kir û heta niha berdewam e. Di van şer û pevçûn û topbarankirinê de ji herdu aliyan gelek kes bûne qurbanî û bi hezaran kes jî koçber bûne. Di heman demê de hinek gund û bajarok jî wêran bûne.
