Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Rojhilata Navîn

Li Misrê Lûtkeya Yekîtiya Ewropa û Komkara Erebî tê sazkirin

Ji aliyê RÛDAW 24-2-2019
Serkirdeyên zêdetir ji 40 welatan têde beşdar dibin

Hewlêr (Rûdaw) - Piştî 20 salan ji karkirinê, cara yekem, li ser asteke bilind  û bi beşdariya serkirdeyên zêdeyî 40 welatan, Lûtkeya Yekîtiya Ewropa û Komkara Erebî li Şerm Şêx a Misrê tê sazkirin. Di lûtkeyê dê kirîzên Sûriye, Lîbya, Yemen, babetên bazirganî û veberhênan, koçberî, asayîş û enerjiyê tên gotûbêj kirin.

 

Ev yekem care li ser asteke bilind ku lutkeyek di navbera Yekîtiya Ewropa û Komkara Erebî birêve diçe. Serkirdeyên zêdetir ji 40 welatan têde beşdar dibin û lûtke dê du rojan berdewam be.

 

Berpirsa Siyaseta Derve ya Yekîtiya Ewropayê ku beşdarî lûtkeyê dibe, berî çend rojan gotibû ew wek rêxistina Ewropî û Komkara Erebî li ser zêdeyî ji sedî 90ê pirsgirêkan hevhelwêst in.

 

Berpirsa Siyaseta Derve ya Yekîtiya Ewropayê Federica Mogherini dibêje: “Me li ser wê rastiyê li hev kir ku bingeheke hevbeş di navbera me de heye. Ez dikarim bêjim ku me li ser ji sedî 90 an 95ê mijaran lihev kiriye. Krîzên navçeyê, Yekîtiya Ewropa û Komkara Erebî li ser piştevaniya proseya siyasî ya Sûriyê hevnerînin."

 

Krîza Sûriyê dê yek ji mijarên serekî ya lûtkeyê be, ev di demekê de ye ku di sê salên borî de, hikûmeta Sûriya bi alîkariya Hevpeymanên xwe, rûberekî berfireh ji axa welatê xwe kontrol kiriye.

 

Wezîrê Dewletê Bo Karûbarê Derve yê Siûdiyê Adil el-Cubeyr jî got: “Em kar li ser dosyeya Sûriyê dikin û ligel welatên hevbeş gotûbêj dikin. Em bi hêvî ne bigihin encamekê ku serwerî û yekîtiya axa Sûriyê biparêze û bibe sedema dûrketina hêzên biyanî ji Sûriyê."

 

Bazirganiya navbera Yekîtiya Ewropa û Komkara Erebî di warê enerjiyê de bihêz e, welatên Yekîtiya Ewropayê ji sedî 33ê petrola xwe û ji sedî 19ê gaza xwe ya xwezayî ji welatên Komkara Erebî dikirin.

 

Herdû alî dixwazin lûtke bibe xaleke giring ji bo baştirkirina peywendiyên navbera herdû aliyan di hemû waran de.

 

Di lûtkeyê de herwiha dê rola Îranê li navçeyê bê gotûbêjkirin û biryar e lûtkeya navbera Yekîtiya Ewropa û Komkara Erebî du rojan berdewam bike.

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Koçer | 2019-03-06 6:41:32 PM
Xelata we pîrozbe. Bi hêviya xelatên mezintir ji Ragihandinên Kurdî re
Medyaya civakî ya Rûdawê bû fînalîsta xelateke navdewletî
| 6-3-2019 | (1)
b.ay | 2019-03-06 12:26:24 PM
Slaw ü rez keke Selaheddin.Bedengiya HDP ya ji bo Demirtas ez ji fem nakim tu rast dibeji Zexmbüna HDP´de Selaheddin Demirtas Sembolek mezine Dinya...
Cemal Aslan | 2019-03-06 12:36:28 PM
Kurdistans BDP ne HDP neke tircik.
Hilbijartinên bi bendewariyên mezin
| 6-3-2019 | (2)
kurdo | 2019-03-05 11:08:55 PM
ENKsse çi dibêje. vana tinê Kuçikên Tirkane, ligor berjewendiyên Tirkan tevdigerin. Ji Efrînê jî şerimnakin Opozisyanakerdogan re bûne yek
Lavrov: Divê pirsa Kurd bê çareserkirin
| 5-3-2019 | (1)
Gundî | 2019-03-05 3:24:40 PM
Ji hemû partiyên Kurdanre serkeftinê dixwazim. Hima nederzek li yekitiya Kurdan bikeve, bila Kurd pir partîbin.
Ozçelik: Me ji niha ve derzek li zextên dewlet û HDPê daye
| 5-3-2019 | (1)
0.172 seconds