Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Tirkiye

TIRKIYE - Stenbol bajarê xaniyên herî buha ye

Ji aliyê Rawîn Stêrk 6-9-2017
Stenbol

Stenbol (Rûdaw) - Du saziyên lêkolîn û ragihandina amarên fermî li ser geşepêdan, kirîn û firotina li Tirkiyê raporeke balkêş û berfireh ragihandin. Di raporê de xala herî balkêş jî kirîna xaniyan e ji aliyê welatiyan ve. Li gorî raporê kesek ku li Stenbolê dijî, bêyî ku mesrefekî din bike, dikare bi dahata xwe ya salekê tenê xaniyekî 8 metre çargoşe bikire. Bi gotineke din, bo kirîna xaneyekî divê mirov 12 sal û 6 mehan bixebite û tu tiştekî din jî nekire.

 

Navenda Lêkolîna Daneyan a Tirkiyê (TUVİMER) û Navenda Ragihandina Amarên Fermî (TUİK) radigihînin, li Tirkiyê bajarê ku kirîna xaniyan herî zehmet e, Stenbol e. Li gorî rapora van herdû navendên fermî, kesek tenê dikare bi xebata xwe ya 12 sal û nîv, xaniyekî bikire. Lê divê di van salan de tu mesrefekî din jî neke.

 

Serokê Odeya Emlakfiroşan Nizamettin Aşa ji Rûdawê re ragihand: “Ya rast me sedemên vê yekê çendîn car eşkere kirine û berpirs hişyar kirine. Xanî û avadaniya mezin li cihên navendî tê kirin û bi şêweyên luks xanî têne çêkirin. Ew yek dike ku bihayê hemû deveran zêde bibe. Li cîhanê sîstemeke bi navê mortgaîte heye. Lê li welatê me sîstemeke wiha nehatiye danîn. Niha zêdeyî milyonek xanî hene ku nayên firotin. Li bazara me pîne bi pîne tê pînekirin.”

 

Di raporê de bajarên weke Enqere, Îzmîr, Bûrsa û Antalya jî xwedî rêjeyeke nêzikî ya Stenbolê ne. Li gorî daneyên raporê dahata xelkê ya salane jî herî zêde li Stenbolê kêm bûye. Dahata salane ya kesekî li Îzmîr û Antalya daketiye 29 hezar lîre, li Enqereyê 36. 9 û li Stenbolê jî daketiye 43.6 hezar lîre. Li gorî pisporan, ev rewş civakê ber bi yekcelebiyê ve dibe.

 

Sekreterê Odeya Plansazên Bajarvaniyê Akif Burak Aktaş diyar kir: “Di plansaziya bajarvaniyê de nêzikahiyeke li gorî pêdiviyan nîn e. Nêrîn, li ser bazirganî û qezenceke berz e. Li cîhanê ew kêşe bi polîtîkayên dewletbûna civakî têne çareserkirin. Bajar û avahî tenê li gorî dewlemendan û bi yek şêweyî têne çêkirin. Ew jî dike ku him di mîmariyê de û him jî di civakê de yektîpî serdest bibe.”

 

Li gorî welatiyan jî bi xebateke takekesî kirîna xaniyan, pêkan nîn e û bi dirêjahiya temenêkî xebat divê ji bo kirîna xaniyekî.

 

Welatiyeke bi navê Husniye Guner destnîşan kir: “Kirîna xaniyek, pêkan nîn e. Bi xebata jin û merekî jî pêkan nîn e. Xaniyê min heye lê ji bavê min mîrat ma. Bi xabata kesekî kes nikare bikire.”

 

Herwiha welatiyê bi navê Bariş Çelik jî got: “9 sal in ku ez dixebitim, weleh li metropolan em tenê dikarin jiyana xwe berdewam dikin. Xanî nayên stendin. Tenê bi karên mezintir an jî bi bazirganiyê tu dikarî xanî bistînî.”

 

Dîsa li gorî raporê, buhayê 1 metre çargoşe yê xaniyan li Enqereyê 830 lîra, li Bursayê 955 lîre, li Antalya 2 hezar 250 lîre, li Îzmîrê 3 hezar 89 lîre, li Stenbolê jî 5 hezar û 418 lîreyê Tirkiye ye.

780 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

lolozano | 2018-04-14 2:23:38 PM
Ronakbîrê Hêja Ako!Destêwerdana PKKê di Kurdistana Suryê de,li detpêkê de,xizmet bo Rijîmê bû qezenc ji bo tedbîq kirina Felsefa Apo bû.Hîngê di dema...
Şer li gel hemûyan
| 11-4-2018 | (1)
rastgo | 2018-04-13 4:24:16 PM
Kak Romano, bi ya min cenabê te ev gotar bi shêwekî bêlayen û herwiha objektiv nivîsiye. Lê divê ez bêjim, wekî Amerika hertim azadiyê di parêze,...
Gelo xiyanet li Kurdan hat kirin?
| 12-4-2018 | (1)
Amed MOL | 2018-04-13 2:02:55 AM
Bibihurin.Lê, Hejmarê gelhe (Population-Nüfus) a Kurda 80 milyone! 20 milyon nine! Binêrin: Röportaja Kak Mêhdî Zana li Rudaw-meha Adarê.
Tirkiye zimanê kurdî ji bîlbord û tabloyên ser cadeyên Amedê jê dibe
| 13-4-2018 | (1)
Sileman Elali | 2018-04-12 5:06:16 PM
Di nerîna min de ev siyaseta go niha li suryayê tê xwyakirn yek ji lîstokên rusya û ayran nene û gereke hesabê vê yekê bidin ji bergo hikumeta suryê...
Rûsya: Peywendiyên me ligel Amerîkayê çalak in
| 12-4-2018 | (1)

Li beşên din ên Rûdawê

2 zarokên Efrînî ji ber bê dermaniyê canê xwe ji dest dan 13-4-2018 |

2 zarokên Efrînî ji ber bê dermaniyê canê xwe ji dest dan

Berpirseke Heyva Sor ya Kurd da xuyakirin, ku ji Zêdetir
0.5 seconds