Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Tirkiye

DOZA DEMÎRTAŞ - 'Dadger nikarin bi serê xwe ti biryara bidin'

Ji aliyê Rawîn Stêrk 13-1-2018
Rûdaw

Stenbol (Rûdaw) – Parlamenter û alîgirên Partiya Demokratîk a Gelan (HDP) doza Selahattin Demîrtaş weke bêhiqûqiya Tirkiyê nîşan didin. Hevseroka HDPê Serpîl Kemalbay dervarê dozê de got, dadger û dozger nikarin bi serê xwe ti biryara bidin.


Hevserokê HDP Selahattîn Demîrtaş piştî 14 mehan cara pêşî beşdarî danişîna dadgehkirina xwe bû. Hevserokê HDP ji bo daraza wî ya bi hinceta ku heqaret li Serokomarê Tirkiyê Recep Tayyip Erdogan kirine, ji bajarê Edîrneyê bo Stenbolê hate veguhestin.


Bi hezaran hezkiriyên Selahattîn Demîrtaş û endamên HDPê jî bo piştgiriyê li pêşiya dadgehêbûn. Demîrtaş daxwaz ji dadgehê kir da ku ew doz ji bo Dadgeha Destûra Bingehîn bê veguhestin. Doz ji bo 4 mehan hate paşxistin.


Hevserokê HDP Selahattîn Demîrtaş ku ji 4 ê Mijdara 2016 an virve girtîye, cara ewil derket pêşberî dadgehê. Demîrtaş piştî 434 rojan parastina xwe kir. Doza ku bi hinceta ku Demîrtaş heqaret li Erdogan kirine li Stenbolê destpêkir.


Di çarçoveya vê dozê de 4 sal ceza bo Demîrtaş tê xwestin. Bi hezaran kes ji bo piştgiriya Demîrtaş li ber dadgehê gihîştin hev.


Welatiyê bi navê Emrah Kurt ji Rûdawê re wiha got: “Em Ji bo Selahattîn Demîrtaş li vê derê ne. Em ji wî re azadiyê dixwazin. Heta ku em wî nebin em ji vir naçin.”


Welatiya bi navê Emîne Can jî got: “Bila dewlet bizanibe em tu car deset ji serokê xwe bernadin. Em wî bi tenê nahêlin. Ew xelk tev de li vir e. Heta dilopek xwîn di laşê me de hebe jî em dev ji doza xwe bernadin. Heta mirina xwe em pêy doz û serokê xwe ne.”


Kesekî bi navê Kamile Tekin jî diyar kir ku daxwaza wan ew e ku hemû girtiyên di heps û zindanan de tevî Demîrtaş serbest bên berdan û got: “Selhattîn hindik nîne , ew rumeta gelê Kurd û Tirk e. Selahattin aştiya vî welatî ye. Heta ew azad nebe tu kes azad nabe.


Beriya ku doz dest pê bike, tedbîrên emnî di asta bilind de hatin girtin. Hejmarek ji parlementerên HDP û CHPê, bi sedan parêzger û rojnamger jî amadebûn. Hevjinana Demîrtaş û malbata wî jî li salonê amadebûn. Demîrtaş bêyî destê wî kelepçekirîbin hat salona dadgehê. Pêşî xêrhatin li beşdaran kir û pişt re jî dest bi parastina xwe kir.


Demîrtaş da zanîn ku ew bi awayekî bêhiqûqî hatiye girtin û ew doz divê bo Dadgeha Destûra Bingehîn bê veguhestin.


Hevseroka HDPê Serpîl Kemalbay anî ziman ew doz nîşaneya wê yekê ye ku sîstema hiqûqê ji nav çû ye û wiha domand: “Dadger û dozger nikarin bi serê xwe ti biryara bidin. Diviyabû ji ber rakirina parêzbendiyê ew doz bo destûra bingehîn bihata şandin lê ew yek pêkan nebû. Em bo dîtina Demîrtaş û piştgiriyê li vir bûn. Gelê me jî ew doz û Demîrtaş bi tenê nehişt. Em spasiya gelê xwe dikin.”


Parlementerê HDPê yê Êlihê Mehmet Alî Arslan jî ji Rûdawê re got: “Rewş û siheta wî pir baş bû wê jî moral da me. Him dersê hiqûqê, him dersê însanetiyê da dadgehê. Dadgehê pir sûal kir û wî jî bersiv da. Ew 14 meh e hîn nu derdikeve pêşberî dadgehê. Jixwe ji bo hiqûqê ew şermî bes e.”


Piştî îfade girtinê dadgehê biryar da ku ew doz bo 17ê Gulanê bo paşxistin û Demîrtaş wê demê jî li dadgehê hazir be. Di derheqê Demîrtaş de nêzikî 20 dozên cihê berdewam dikin. Heta niha 94 danişîn hatine kirin ku Demîrtaş hîç beşdar nebûye. Di çarçoveya van hemû dozan de 484 sal cezayê hepsê ji bo wî tê xwestin.


Nivîsîn: Aydin Bayram

Nîşankirin :
353 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2018-06-09 2:00:54 PM
Dr.Sabir pir şaşe ku dema bixweze biebe Serkomarê Îraqê. Serkomatr erê pişka Kurd de ,lê bi qezaye û Dr.Sabir zane ku li ser Derece Qesrê Clal...
Kurdekk bakur | 2018-06-15 9:10:08 AM
Serok komariy maffee kurdistaniy ya ye... Em kurdin... ser bilindin.... Hemi Kurd ji dikarın serok komariy ye ereban rindtir bikkin..
Namzedê YNKê yê ji bo Serokomariya Iraqê eşkere dibe
| 9-6-2018 | (2)
Diplomat | 2018-06-08 6:15:17 PM
Hûn bibêjin kû kurdê misilman ji Saxo ye belav bikin, weneshêrin!!!!
Penaberekî iraqî li Almanya destdirêjî li keçeke 14 salî kir û ew kuşt
| 8-6-2018 | (1)
Renas | 2018-06-08 4:13:54 PM
Ne artêsa azad, artêsa kera.
Li Efrînê fermandarekî Kurd ê opozisyonê hate kuştin
| 8-6-2018 | (1)
Rensa | 2018-06-08 10:58:28 AM
Destxweees, berdin teva.
Nemsayê briyara dersînorkirina 60 melayên tirk da
| 8-6-2018 | (1)
0.219 seconds