Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Tirkiye

ÎYÎ Partî û Akşener îtîrafê bi pirsa Kurdî li Tirkiyê nakin

Ji aliyê Rawîn Stêrk 22-6-2018
Seroka ÎYÎ Partiyê, Meral Akşener bi ti awayî behsa pirsa Kurd nake.

Stenbol (Rûdaw) - ÎYÎ Partî ya ku beriya 7 mehan hate damezrandin di siyaseta Tirkiye de bûye partiyeke krîtik û giring di qada siyaseta Tirkiyê de, lê belê wê partiyê û seroka wê, Meral Akşener ku bo posta serokomariyê bûye namzed, bi ti awayî behsa pirsa Kurd li Tirkiyê nakin û qebûl jî nakin, ku li Tirkiyê pirsa Kurdî hebe. Herwiha ÎYÎ Partî amade nîne, bi ti awayî ligel HDPê jî bicive.

 

ÎYÎ Partî û berbijêra wê ya serokomariyê Meral Akşener, di derbarê pirsa kurd de ti bersivekê nadin. Ji ber ku ew pirseke wiha qebûl nakin. Ji bo dengderên kurd jî Akşener dibêje, dê her tişt baş bibe. Lê di plana wan de xeteke sor heye ku ew dibêjin, em bi tu awayî ligel HDPê hevkariyê nakin û wan weke berdeng (muxatbe) qebûl nakin.

 

Tekane berbijêra jin di hilbijartina serokomariya Tirkiye de Meral Akşener, ji aliyê piştgirên xwe ve weke qehreman tê pêşwazîkirin. Ji ber ku MHP digel AKPê tifaq kiriye, netewperest û kesên ji vê ne razî, Akşener weke rizgarkera rûmeta vê xetê dibînin.

 

Beşek ji welatiyên Tirkiyê Meral Akşener û ÎYÎ Partiyê weke rizgarkerên rewşa niha ya wî welatî dibînin.

 

Vahap Çin dibêje: “Çima ÎYÎ Partî? Ji bo ku welat kariba ji vê rewşa heyî rizgar bibe, tekane partî ÎYÎ Partî ye. Meral Akşener tekane kes e ku dikare welêt rizgar bike. Bijî Meral Akşener.”

 

Selîme Aksoy jî nêrîna xwe derbarê Akşener de wiha tîne ziman: “Ji bo dahatûya welatê me ji bo dahatuya zarokên me Meral Akşener. Serokomar Meral Akşene.”

 

ÎYÎ Partî weke partiyeke koktêyl e. Ji wan kesan pêk tê ku ew ji hemû partiyên din veqetiyane. Lê piranî MHPyî û netewperestin. Meral Akşener di salên 90î de ku kiryarên biker nediyar (faîl mechûl) herî zêde çêbûn û li Bakurê Kurdistanê bi hezaran gund hatin valakirin û şewitandin, wezîra karên navxweyî bû. Bo vê partiyê, pirseke weke pirsa kurd nîn e. Nûnerên wan dibêjin, bi ti awayî em bi HDPê re li heman maseyê narûnin.

 

Serokê Bayrampaşayê yê ÎYÎ Partiyê, Tezcan Ezman di vê derbarê de ji Rûdawê re dibêje: “Rêvebirên me yên giştî dikarin biryara vê bidin lê heger em neçarî koalîsyonekê bibin, em bi HDPê re ti caran koalîsyonê pêk nahînin. Ji bilî HDPê em dikarin bi her kesî re kar bikin.”

 

Cîgirê Seroka ÎYÎ Partiyê, Umît Ozdag jî li ser heman mijarê dibêje: “Helwesta me ya di wê mijarê de diyar e. Emê her berdewam bin li ser wê helwesta xwe.”

 

Li gorî rapirsiyan, rêjeya dengên vê partiyê derdora ji sedî 10 e. Lê dema hatibû damezrandin, rêjeya dengên wê partiyê heta derdora ji sedî 17an jî bû. Kempîna wan a bo hilbiajrtinên 24ê Hezîranê rastî gelek êrîşan hat. Tişta balkêş jî ew e ku dengên wê her kêm dibin. Di rojên dawîn de bi sedan kes jî ji wê partiyê îstifa dike.

 

Şîrove

 
Şîrove bike
Wekî mêvan şîrove bike yan bi Têkeve

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)
0.329 seconds