Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Nêrîn

Îran bi ku ve?

Ji aliyê Selahedîn Çelîk 4-1-2018
Selahedîn Çelîk
Selahedîn Çelîk

Xwepêşandan bûn sedemê kelecanê. Lê pêşeroja wê?


Aboriya welatê qerase, yekpar bi petrolê ve girêdayî ye. Weke Tirkiyê, aboriya artêşperest e û ben di destê melayên şaşikmezin de ne. Serpêhatiya çeka atomî û ambargoya navneteweyî, bêhna Îranê çikand. Pişta pîşesaziyê qels, li erdê ye.


Melayên otokrat, civakê bi şerên herêmê dixapînin. Rola "Artêşa Quds" a Qasim Sileyman, ew e. Ya balkêş; çîroka "Şeytanê Mezin DYA" û "Şeytanê Biçûk Îsraîl", hê bi civakê didin xwarin.


Lê rûyê din ê serpêhatiyê, civakê baş diêşîne: Şer, hatiniya Îranê dixwe û bi navê "şehîd" term dizivirin malê.


Îran ji aliyê tevger û berteka girseyî ve, dewlemend e. Tevgera burjuvaziya rojavaparêz, ji ya Tirkiyê kevntir e (1905). Raperiya civakî ya serdema 1950an (Bûyera Mussadiq-1953) navdar e. Herçiqas bû sedemê otokrasiya olî jî, ya 1979ê jî.


Hovîtî û komkujiyên 1979-1980an ên Xumeynî, rûreşiya dîrokê wî welatî ye. Îran heya 2009ê rija kolanan. Ji wêkê xwepêşandanên îro, ne nişkegavî ye.

 

Girîngî û giraniya Îranê

 

Welatê herî mezin ê Rojhilata Navîn e. Û dîrok, çand û şaristaniya hezar salan...


Ji Pakistan û Efxanistanê heya Libnanê hawirdora şîe ava kir. Serdestiya kevneşop a sunnîyan, şikest.


Bi Rûsya û Tirkiyê re hevbendî girê da. Rola wê, da pêşiya ya Tirkiyê. Li herêmê serdestiya DYA/NATOyê şikest.


Li himber Îsraîlê bû qebûxwestina herî mezin.


Piştî sedsalan careke din li ser Erebên Kendavê bû gef. Neterpile, bi yeqînî wê bi Bexdayê re li himberî Kendavê hin tiştan bike.


Îran ji gellek netewan pêk te. Ku gellekên wan, ji otokrasiya melayan kerixîne.


Li ser girîngiya Îranê nîqaş nabe. Erdhejiyeke civakî û siyasî, wê bandor li hemû herêmê bike. Bûyêr ji sînorên Îranê dibore. Di xwepêşandanan de tiliya biyaniyan, mijareke razber e, lê ji îro pêve dê gellek bixwazin tevlî bibin.


Ma jixwe Tehranê ew tevlîbûn heq nekiriye? Wê her der tev da. Pirsgirêk anîn mala we. De bila bibine!

 

Berteka navdewletî

 

Bendewariya rayagiştî ya navneteweyî, mafên mirovan e û demokrasî ye.


Trump û Netanyahu lez kirin, keys dan destê melayan, him jî li himberî Tehranê rebeniya xwe dan der. Jixwe kî li Îranê serdest be, dê bi DYAya Trump û Îsraîla Netanyahu re di nav xirûcirê de be.


Dewletên Ewropayê bi fermî bertek nîşan nedan. Dudilî ne. Ji pelişandina peymana atomê ditirsin. Piştî peymanê, qasî 100 milyar dolaran bazara Îranê vebûbû. Şîrketên ewropayî, ew di nav xwe de parve kirin. Naxwazin wê winda bikin. Ew an demokrasî? Çi pirseke dijwar!


Di nav melayên Tehranê de dubendiyeke kûr heye. Ewropî, Ruhanî "reformîst" dibînin. Ji serdestiya yekcar "tundrew" ditirsin.


Rûsya bûyer weke "pirsa navxweyî" bi nav kir. Xelet e û xetere ye. Demokrasî û mafên mirovan, ne pirsgirêkên navxweyî ne lê gerdûnî ne.


Rola neyînî ya Putin, li vir xwe dide dest. Ew, civakan dispêrê wijdana otokratan. Putin, Tehran û Enqerê ne ji emperyalîzma DYAyê, lê ji tevgera xîzanan û demokrasiyê diparêzê. Ka bila tevgerên demokratîk zora otokratan bibin, dibe Putin bi leşkeran here hawarê destbirayan.

 

Tirsa Enqerê

 

Enqerê helwesta Moskovayê parve kir. Ditirse. Baş zane ku ew di rêzê de ye.


Tehran û Enqerê, Rojhilata Navîn tevlîhev kirin, Nîjad- û artêşperestî kirin al. Welat kirin girtîgeh. Kujerên demokrasiyê.


Wekî şerê Iraq û Sûrîyê qediyane, ma êdî ne dora wan e? Bi biçûkan leyistin. Dor hat mezinan. Tirsa mezin: Tehran biheje, planên Iraq û Sûrîyê dirûxin.


Tirkiye ji Îranê zêdetir dûcanê xwepêşandanan e. Sedemê derengiyê, ne tenê otokrasî ye, lê CHP ye jî. Ji evîndariya dewletê, ew rêya civakê digre.

 

Otokrasiya Tehranê, dijminê kurdan e

 

Tişta hatî serê Başûr, berhema Tehranê ye. Ji ber PKKê, navê Enqerê derdikeve pêş, lê li Başûr bandora Tehranê gellek mezintir e.


Tirkiye li ser Rojavayê gef e. Lê li Sûrîyê astengkerê çareseriya pirsa kurd, bêhtirî Tehran e. Nexwe, mafê kurdan ji bo Moskovayê ne xem e û hingê Enqerê nikarî tiştekî bike.


Serêşî û qelsbûna otokrasiya Tehranê, di berjewendiya kurdan de ye. Li himberî dekbazên olî berteka kurdan, mafekî rewa ya.


Berî vê nivîsê min hewl da, ji çapemeniyê ji partiyên Rojhilatê fêrî rewşê bibim, mixabin beredayî. Ew ne serwextê rewşê bin, wê çawa bikaribin wê biguherînin?


Baş e ku Kurdistana Rojhilatê, civaka raperiyê ye, li benda partiyan namîne, gava roja wê tê, serî radike. Ez di wê baweriyê de me, vêga ew hest geş bûne.


Hêviya min: Bila melayên Tehranê ji belayê nefilitin! Ew, belaya ji atomê girantir heq dikin.

Şîrove

 
Rastbêj | 5-1-2018
Kaka, min teqez nizanim, aya Yezdanê Gewre heye an na. Lê et wanim bibêjim, bila dengê to here Xwedê. Destên êwe zor xwesh.
Nîşankirin :
513 hatiye dîtin
Babetên zêdetir Selahedîn Çelîk
Şerê fêlbazan Kerkûk, Efrîn, dûv re? Otokrat xwînmij in

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

lolozano | 2018-04-14 2:23:38 PM
Ronakbîrê Hêja Ako!Destêwerdana PKKê di Kurdistana Suryê de,li detpêkê de,xizmet bo Rijîmê bû qezenc ji bo tedbîq kirina Felsefa Apo bû.Hîngê di dema...
Şer li gel hemûyan
| 11-4-2018 | (1)
rastgo | 2018-04-13 4:24:16 PM
Kak Romano, bi ya min cenabê te ev gotar bi shêwekî bêlayen û herwiha objektiv nivîsiye. Lê divê ez bêjim, wekî Amerika hertim azadiyê di parêze,...
Gelo xiyanet li Kurdan hat kirin?
| 12-4-2018 | (1)
Amed MOL | 2018-04-13 2:02:55 AM
Bibihurin.Lê, Hejmarê gelhe (Population-Nüfus) a Kurda 80 milyone! 20 milyon nine! Binêrin: Röportaja Kak Mêhdî Zana li Rudaw-meha Adarê.
Tirkiye zimanê kurdî ji bîlbord û tabloyên ser cadeyên Amedê jê dibe
| 13-4-2018 | (1)
Sileman Elali | 2018-04-12 5:06:16 PM
Di nerîna min de ev siyaseta go niha li suryayê tê xwyakirn yek ji lîstokên rusya û ayran nene û gereke hesabê vê yekê bidin ji bergo hikumeta suryê...
Rûsya: Peywendiyên me ligel Amerîkayê çalak in
| 12-4-2018 | (1)

Li beşên din ên Rûdawê

2 zarokên Efrînî ji ber bê dermaniyê canê xwe ji dest dan 13-4-2018 |

2 zarokên Efrînî ji ber bê dermaniyê canê xwe ji dest dan

Berpirseke Heyva Sor ya Kurd da xuyakirin, ku ji Zêdetir
0.343 seconds