Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Nêrîn

Ji Ereban re helal e ji Kurdan re heram e!

Ji aliyê Mihyedîn Hisên 5-10-2017
Mihyeddîn Husên
Mihyeddîn Husên

Referandûma ku Herêma Kurdistanê di 25ê Îlonê de lidar xist, karvedanên cudacuda ji aliyê gelek Ereban ve lipey xwe anîn, bi ferzkirina dorpêçeke asmanî destpê kirin û heta asta gefxwarin bi bikaranîna hêza leşkerî ji bo rêgirtin li serxwebûna Başûrê Kurdistanê ku ji her demî nêzîktir bûye û kengî be dê pêk were.


Lê ev bi min tişteke çaverêkirî bû, ji hikûmeta Iraqî ya ku berpirsa yekem ji cudabûna kurdan e, li gorî gotina Serokê Herêma Kurdistanê Mesûd Barzanî, ji ber ku rêz li destûra Iraqî nagire û madeya 140ê ya çareserkirina pirsa navçeyên Kurdistanî yên derveyî. Ev xwevedizîna ji destûrê weke diyariyekê ji Kurdan re hat daku li ser rêya serxwebûna xwe bimeşin.


Lê tişta ez jê matmayî bûm, dijderketina tund ji aliyê hin rewşenbîrên Ereb ve bo serxwebûna Kurdistanê bû, ev rewşenbîrên ku hertim behsa mafên gelan di biryardanê li ser çarenivîsa xwe de dikin. Gelo çima ev rewşenbîr du pîvanên cuda bikar tînin?


Bilindkirina ala Îsraîlê


Hinek ji wan acizbûna xwe nîşan didin ji ber bilindkirina ala Îsraîlê ji aliyê hin kurdan ve di festîvalên piştgiriya serxwebûnê de, û daxwaz dikin ku rêz ji hestên gelê Filestînî re were girtin, ew gelê xwediyê doza navendî li ba Ereban, ku serkirdeyên Ereban bi xwe firotine?


Gelo çima Ereb behsa peykerê Seddam Husên nakin ê ku li bajarê Qelqîliya yê Filestînî hatiye avakirin? An jî çima behsa wî xortê Filestînî yê bi navê Xelab Ebû Hemad li bajarokê Exwar nakin ku xwe weke Aşiqê Seddam dide nasîn û hevalên wî jêre dibêjin “Dînê Seddam”? Çima ji Ereban re helal e ku “Dînê Seddam” li ba wan hebe, lê ji me re heram e ku “Dînekî Şaron” li bam e hebe?


Gelo ma Ereb nizanin ku Seddam bi hezarên Kurdan kîmyabaran kirin û bi hezarên gundên wan wêran kirin? Yan istifzazkirina Ereban heram e û ya Kurdan helal e?



Piştre ka em werin û derbarê rewşa li ser erdê biaxivin, gelo Îsraîl heta niha çi daye Kurdan ji bilî çend daxuyaniyên medyayî?


Li dijî dagîrkeran in lê bi Sykes-Picot re ne!


Tevî ku wan rewşenbîrên Ereb bi bi sedên gotaran nivîsandine derbarê giringiya dijderketina dagîrkeran û îptalkirina rêkeftina Sykes-Picot, lê xuya ye ku êdî ev rêkeftin bi dilê wan e piştî ku Kurdan biryar dan ku bi xwînê vê rêkeftinê hilbiweşînin? Gelo ma ev ne daxwaza Ereban bû, û vaye Kurd ji wan re bicih dikin. Gelo çi hat guhertin?


Gendelî ne hinceteke ji bo rêgirtinê li azadiya gelan


Hinek ji rewşenbîrên Ereb dibêjin ku Bexda baş dike ku cezayan li ser Kurdan bisepîne û ku ew ceza li dijî berpirsên Kurd in nek li dijî gelê Kurd in! Hûn bi Xwedê kin, hûn vê yekê bawer dikin? Seddam jî berê gotibû ku ewê tenê berpirsên Herêma Kurdistanê ceza bike lê bi hezarên Kurdan kuştin.


Hincetên ku hinek berpirs li Başûrê Kurdistanê gendel in nabine rêgir li pêş azadiya gelê Kurd. Ev pirsine navxweyî ne û ev gelê ku îro li azadiya xwe digere dê van pirsan piştre çareser bikin. 


Ya we çi ye?


Em dizanin ku Amerîka niha dibêje ku ew li dijî serxwebûna Kurdan e, daku dinya nebêje ku demokratiya ku qaşo Amerîka li Iraqê ava kiriye biserneket. Em dizanin jî ku sedema dijderketina Tirkiye, Îran û Sûriye ew e ku li ser xwe ditirsin daku kurdên beşên Kurdistanî yên din jî gavên wisa neavêjin. Lê tişta ku me fêm nekir eqliyeta rewşenbîrên Ereb e, gelo çawa daxwaza jinavbirina Îsraîl dikin ji bo avakirina dewletekê ji Filestîniyan re, tevî ku Sîsiyê cîranê Filestînî dê yekem kes be ku li dijî vê yekê derkeve û dibe ku Erdoganê şêrê Ereban jî li dij be!


Çima kêfa Ereban ji Erdogan re tê?


Çima kêfa rewşenbîrên Ereb ji serkeftinên Erdogan re tê ku rojekê ji rojan bira û dostê Beşar Esed bû, Erdoganê ku dev ji hevrêyê xwe Davutoglu yê xwediyê siyaseta ”Sifir Pirsgirêk“ berdayî, tevî ku pêwendiyên wî yên aborî bi Îsraîlê re herî baş in. Çima rewşenbîrên Ereb ji Erdogan re nabêjin ku bila dev ji kuştina Kurdan û girtina rojnamevanan û çalakvanên mafên mirovan berde? Yan jî nikarin ji ber ku ti kes ji bilî Sultanê wan nikare wan biparêze? Yan jî mesele bi berîkê ve girêdayî ye?

Şîrove

 
rastgo | 5-10-2017
Heger Kurd berjewendiyên xwe nas bikin, heger Kurd li berjewendiyên xwe xwedî derên, heger Kurd bixwazin Kurdistanê gesh bikin (bikin dewlet), divê dizanibin ku Îsrael barê wan sivik dike, lê cînarên (drawsên) wan têkchûna wan dixwazin. Nexwe divê Kurd vê yekê hergiz ji bîr neke ku di katî tengasiyê de tenê (tenya) Îsrael vekirî û jidil li doz û "xewna Kurd" xwedî dertê. Bila Kurd vê rastiyê ne tenê tomar bike, herwiha vê yekê ji mindal û nebiyên xwe re têxe guhar. Dewletên cinarê wî ku wekî wi misilmanin dixwazin wî lewaz bikin, Îsrael dixwaze rêya dewletbûna wî veke. Nexwe Îsrael ji Kurdên rasteqîn re cihê shanaziyê ye! Bijî hevaltiya Kurd û Israel!
Nîşankirin :
1001 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2017-12-13 11:07:14 AM
Her bijî Osman!!Heger her Kurdek wek Osmên helwetên xwe wusa raste rast biparize,bê goman Perlemana Turkîyê dibe Banê Permemana Kurd û Turkan.
Seid Ferhad Seid Mistefa | 2017-12-13 11:20:04 AM
Wey ez qurbana te bim birêz Baydemîr...Tu Çavê minî...Tu Dilê minî! 🤗🤗🤗 Ez gelek bi te serbilindim...Bi Hêvîya Xwedê wê temendirêj bî bo Kurd û...
Li parlamentoya Tirkiyê nîqaş li ser ‘Kurdistanê’ derket
| 13-12-2017 | (2)
mardinov | 2017-12-13 8:33:29 AM
çima qet bawerÎya min bi we naye? Dema KAka MEsûd got ji bilî çiya tu dost ji Kurda re nîne me peyam girt!
Amerîka: Emê ji bo cîbicîkirina destûrê piştgirî bidin Kurdan
| 13-12-2017 | (1)
Seid Ferhad Seid Mistefa | 2017-12-11 9:42:53 PM
@rudaw, rudaw ji kerema xwe eger carek din we Rêportagek girt, Ser û Çavên Hevwelatîyan bi Software ve pinhan bikin û veşêrin! Ma kî dizane, belkî...
RÛDAW DERBASÎ KERKÛKÊ BÛ – Gel niha çi dixwaze?
| 11-12-2017 | (1)
Sofi | 2017-12-06 11:53:01 PM
Qaşo Ebadî li gora xwe siyasetê dikê û di xwazê gelên li Kurdistanê siza bikê û li gora wî serê xwenî wekê şebeşekî Cîhanê bi xapênê.
Hikûmeta Kurdistanê: Em nizanin Ebadî behsa kîjan lîsteyê dike
| 6-12-2017 | (1)
0.359 seconds