Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Nêrîn

Kore

Ji aliyê Selahedîn Çelîk 7-9-2017
Selahedîn Çelîk
Selahedîn Çelîk

 

Kore jî weke Kurdistanê dabeşkirî ye û qedera wê di destê dewletên din de ye. Ji Şerê 1939-1945ê bi serxwebûnê derket, lê xwe di nav "dinyaya duserî" de dît. Wê "yekbûn" dixwest, patronan digot "na". Karesata Koreyê wisa dest pê kir.


Bi bandora DYAyê, Konseya Ewleyiyê ya YNê biryara şer da (25.06.1950). Çîn hê ne endam bû. Heya 1953, Koreyê çend caran dest guhert. Çîn bi "dilkiriyên" xwe, tevlî şer bû. Lê asîman di destê DYAyê de bû. Li himber bombeyên balafiran, tiştekî Koreyî bikin tinebû.


Paralela 38mîn, bû sînor. Du Kore hebûn; ya Pekîn û Moskovayê û ya Washingtonê. 5 mîlyon miribûn. Bendav, pir, bajar, gund, yek avahî li ser pî nemabû.

 

"Koreyî"

 

Di biçûkayiya min de cîranekî me hebû. Wî bi serfirazî li ser mînîbusa xwe "Koreyî" nivîsandibû. Paşê ez serwextê çîrokê bûn. Tirkiyê bi 15 hezar leşker şandibûn Koreyê; hezar mirî û bi hezaran jî birîndar û dîl.


Tirkiyê dixwest xwe bispêre DYAyê. Şelaftî dikir. Di dawiyê de diket NATOyê (1952), artêş û aboriya xwe bi piştgiriya DYAyê nûjen dikir.


Kurd di bêdengiya piştî komkujî û nîjadkujiyê de bûn. Bi mêjî û gewdeyî, bêberevanî bûn. Dewletê berê wan dida Koreyê. Navê rebeniyê, lehengî bû. Ew serpêhatî, hê nehatiye kolandin.

 

Xewna yekbûnê

 

Koreya Bakurî ya komunîst, belengaz ma, xwe ji dinyayê veşart. Başûra kapîtalîst pêşve çû.


Lê ew "çanda serokatiyê"? 1982yê li Şamê rêya min li fuarê ket. Pavyona Koreya Bakurî mezin bû. Ji Kim Il Sung pêve tiştek tinebû; tenê pirtûkên bi wêneyên wî.


Otokrat, xwe, dêûbavê xwe (lê bêhtirî dê), mam û xaltika xwe, pisîk û mirîşka xwe mezin dike. Ya xeteretir; otokrat, bê "evd" nabe. Bi demê re ew dibe çand û bar girantir dibe. Êşa Koreyê tê fêmkirin. Lê ew çand? Ma şensê dide serketinê?

 

Çekên atomî

 

Bi Hîroşîma û Nagazakî, DYAyê di mijarê de serdestiya xwe îlan kir. Di YNê de bi "Komîsyona Enerjiya Atomî" (24.01.1946), DYAyê kontrola li ser materyala xav jî xiste destê xwe. Dîsa jî Rûsya/Sovyet, Çîn, Îngilistan, Frensa, Îsraîl, Hindistan û Pakistanê çeka xwe çêkirin. Kore?


Endezyarên koreyî, 1956ê li Rûsyayê dest xebata nukleerê kirin. Bêyî hevkariya Moskova û Pekînê, mirov nikare çeka atomê ya Koreyê hizir bike. Pisporên rojavayî, qeyrana îro ya "roketên navparzemînî" jî berhema wê piştgiriyê dibînin û herwiha çarçoveya qeyranê firehtir dibe. Ji ber ku ji Ukrayna û Sûrîyê heya Koreyê, tora tevlîhev ya nakokiyên dijwar heye.


Li Japonyayê 50 hezar leşkerên DYAyê hene. Ew salane barekî 1 milyar dolarî li Tokyoyê dike. Lê binkeya DYAyê ya li Japonyayê, salane 5.5 milyar dolaran dixwe. Li tixûbê Koreya Başûr û Bakur, 28 hezar leşkerên amerîkî hene. Barê Seûlê salane 850 mîlyon dolar in, lê ew ne nîvê lêçûna binkeya artêşa amerîkî ye.


Pekîn ji wêne aciz e. Washington jî li herêmê ji zêdebûna bandora Pekînê. Mijar ne yekbûna Koreyê ye. Aktorên qeyranê, bêhtirî jî Pekîn, Moskova û Tokyo, Koreyê yekbûyî, xwedî çeka atomî û teknolojiya pêşveçûyî naxwazin.

 

"Bêhêziya hêzê"

 

Qeyrana Koreyê û çekên atomî, bûne yek. Ji wekê zêdetir ditirsîne. Ji ber ku bi balafir, moşek, keştiyên binavî û seravî, welat hedefên bombeyên erjeng in.


Bombeya Hîroşîmayê ("Zarokê Biçûk", 6.08.1945); 4 ton bû û hêza teqînê 15 kiloton TNT bû. (Bi radyasyona dûvre re) kujerê 200 hezaran e. Nagazakî ("Qelew", 9.08.1945); 4.7 ton bû. Kujerê 40 hezaran (di pênc salan de 140 hezar) e. Hîroşîma bû pîvan.


1949ê hêza nukleer ya DYAyê gihiştibû 800, 1970ê jî hezar Hîroşîmayan. 47 salên din borîn. Bi danêyên SIPRIyê; her bajarê bakurê dinyayê, hedefê nukleera hezar Hîroşîmayan e. Bajarên başûr yên xizanan, jixwe dûçarê radyasyona wan in. Li peymanên kêmkirina çekên nukleer nerênin...

 

Bombeya hîdrojenê?

 

"H-Bombe" an "Bombeya Termonukleer", DYAyê, 1.03.1954ê li giravên Marshallê li atola Bikini bi navê "Bravo" ew teqand. Hêz, 15 megaton (1200 Hîroşîma) bû.


Ka vê bidin ber çavê xwe: Bi hêza 10 megatonan bombeyeke hidrojenê, ji hemû bombeyên 1939-1945ê avêtibûn Almanyayê bihêztir e. Hê 1960ê DYA xwedî 10 hezar bombeyên atomê bû. Hezar ji wan, bombeyên hidrojenê bûn.


Bombeya hidrojenê hewqas bi hêz e, gava biteqe, ma kî jê difilite? Dinya ji ya îro çend caran mezintir be jî, stoka çekên atomî têra rûxandina wê dikin.


Va kûrahî û rengê qeyrana Koreyê. Serokên bêvîzyon û bêwijdan, êgir berdidinê. Qeyrana îro derbas bibe jî, xetere her rojane ye. Çareseriyeke din?

 

Bikini?

 

Modavanê fransizî Louis Reard, 5.07.1946ê mayoyekî biçûk û sêkoşeyî çêkir. Qebûxwestin bû. Li nav digerî. Li Atola "Bikini" teqînên nukleerî, rayagiştî mijûl dikirin. Nav dîtibû: Bikini.


Vatîkana li himber atomê bêdeng, fetwa da: "Bikini, li dijî xisletê ye". Îtalya û Spanyayê ew qedexe kirin. Beredayî bû. Ji bombeya hîdrojenê zêdetir hejand. Bombe; şer, kuştin, werankirin, dawiya mirovahiyê bû. Bikini; bedewî, azadiya jinan, nîşana şaristaniyê bû.


Hûn ji kîjan alî ne? Li aliyekî siyasetmedarên destê wan li ser bişkokê, li aliyê din modevan û hunermendên azadîxwaz? Pêdivî bi bersivê heye, him jî bi awarteyî û li her welatî.

Şîrove

 
Şîrove bike
Wekî mêvan şîrove bike yan bi Têkeve
Nîşankirin :
435 hatiye dîtin
Babetên zêdetir Selahedîn Çelîk
Referandûm dihejîne Heneka salê Ka rojeva te? Welatparêzî

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Seid Ferhad Seid Mistefa | 2017-09-23 10:34:21 AM
Serok Bazanî bi Xwedê tu Mêr Ferzende Mêray! Ez bi hebûna gelek serbilindim! Her bijî!🤗🤗🤗
Namdar | 2017-09-23 11:03:29 AM
Silaw û her silaw kak Barzani, Serok Barzanî, Brader Barzanî her slaw. Ger Gel kê dibat bila bibet ger nebet xwedîya destura çarenuwsa xwe , ma...
Barzanî: Bila ev peyama min eşkere bigihe berpirsên Tirkiyê
| Duh vî demî 09:55 | (2)
Ew kíne ku win wan dikin cíyé Merivan? | 2017-09-22 10:05:46 PM
Min ji we ti$tek fém nekir:Bekir ci gotiye, Erdogan, ci gotiye ji mer ciye? Ji buy ci hun wan mezin dikin u gotinén wan li malpera xwe diwe$inin?...
Seid Ferhad Seid Mistefa | 2017-09-23 6:06:57 AM
Xalo bi dîtina te û Dewleta faşîsta te em Qedera 50-Milion-Kurdan pişt goh pêxin û Goh bi Heramzadeyêt wek we bidin?! Eger 1-Dlop Xwîn di Canê me de...
Bekir Bozdag: Referandumê betal bikin
| Duh vî demî 12:26 | (2)
Sherif | 2017-09-22 6:42:50 PM
Bi qender misqala zere qimet ji van gefar nine
Namdar | 2017-09-22 7:30:41 PM
Tishteki heri bash.... FOBIYA NAVA KURD û KURDISTAN van dirndeyan ên dewleta metingera Tirk êdî êdi bi navê xwêdêyê giran xewn nakevet çawên van...
FLAŞ - Helwesta Encumena Asayişa Tirkiyê li ser referanduma Kurdistanê
| Duh vî demî 08:36 | (2)
bashur | 2017-09-22 7:28:51 PM
eve ji reke nadet bochi chareser chiye es ji finlanda beshdar di bim chima na vebit www.e-voting.krd ,,,Error code 16 This request was blocked by...
Komîsyona Hilbijartinan ji bo Kurdistaniyên derveyî welat agahdarî da
| 22-9-2017 | (1)
0.14 seconds