Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Nêrîn

Îsraîl û ûştên bê bingeh ên Tirkiyê

Ji aliyê Hawbir Ahmed 7-10-2017
Rûdaw
Rûdaw

Hewbîr Ehmed


Serokomarê Tirkiyê Receb Tayyip Erdogan û berpirsên din ên Tirkiyê hewl didin mislimanên Tirkiyê û herêmê bi tometeke ne rast tewş bikin, ew jî ew e, ku qaşo Îsraîl li pişt referandûma Kurdistanê ye. Lê tenê ew û kesên weke wan hizir dikin ji van ûştan bawer dikin nexwe ti kes bawer nake.

 

Ev dijîtiya wan li hember îradeya gelê kurd e, ku piraniya wan misliman in û dixwazin bi awayekî aştiyane û demokratîk çarenivîsa xwe diyar bikin. Ev ji bo wan şermezarî û nîşana wê yekê ye, ku li ser mislimantî û piştgiriya mislimanan diaxivin. Ev yek qet ne rast e û îslamê ji bo berjewendiyên xwe bikartînin, ne ji bo ji hev cudakirina heq û neheqiyê.

 

 

Beriya hemû tiştan, ti sînoreke Îsraîlê li gel Herêma Kurdistanê nîne. Herwiha ti nûnertiyeke Îsraîlê jî li Herêma Kurdistanê nîne. Lê Tirkiye yekemîn dewleta îslamî bûye, ku di sala 1949ê de Îsraîl nas kiriye û niha ala Îsraîlê li esmanên Enqerê li ba dibe, balyozê Tirkiyê jî li Tel Avîvê ye.

 

Tenê ji bo Erdogan biselmîne ku gelek giringiyê dide peywendiyên li gel Îsraîlê, di Ce,otmeha sala 2016ê de ragihand, ku Şêwirmendê Karûbarên Derve yê Civata Wezîrên Tirkiyê Kemal Okam dike balyozê Îsraîlê.

 

Ji sala 1994ê ve di navbera Tirkiye û Îsraîlê de rêkeftina hevkariya ewlekariyê hatiye îmzekirin. Herwiha di sala 1996ê de herdu welatan ji bo meşqa leşkerî ya Îsraîlê, rêkeftinek îmze kirine. Herdu dewletan bi hevre manıorên leşkerî kirine û leşkerên Îsraîlê di nava Artêşa Tirkiyê de kar kirine.

 

Di sala 2006ê de Tirkiyê li gel Îsraîlê rêkeftina stratejîk a hevbeş a leşkerî mor kir, ku li gorî vê rêkeftinê di navbera herdu aliyand e çendîn girêbestên eşkere û nehênî hatine îmzekirin. Di hemû bazirganiyên di navbera Tirkiye û Îsraîlê de qebareya çekan gihiştiye ji sedî 72yan.

 

Herwiha, di sala 2014ê de, ji bo 20 salan veguhestina gaza Îsraîlê bo Mersîna Tirkiyê, şîrketa Zorlû ya Tirkiyê, li Aşqelandê girêbestek li gel Wêstgeha Dorad mor kir. Wezareta Pîşesazî û Bazirganî ya Îsraîlê di sala 2013ê de ragihan, ku Tirkiye di pileya şeşemîn a welatên cîhanê ye, ku kelûpelan ji Îsraîlê dikirin. Piştî bûyera şetiya alîkariyên bo Xezzeyê, Tirkiyê hewl da demek ji ya din zûtir peyewendiyên xwe yên li gel Îsraîlê baş bike.

 

Ew kesên, ku hevkariya li gel Îsraîlê li dijî baweriya îslamê didin nîşandan bi xwe bi eşkere û nihênî hevkariya Îsraîlê dikin. Vêca bi çi rûyê dikarin bêjin destê Îsraîlê li pişt referandûma Kuridstanê ye. Ev gotin ji bilî tometbarkirinê ne tişteke din e.

 

Erdoganê ku gefan dixwe û dibêje ew dê gelê Herêma Kurdistanê ji birçîna bikuje, gefa girtina esman û deriyên sînorê Başûrê Kurdistanê dixwe, bi şêweyekî bê rêzî behsa arezûyên Serokatiya Herêma Kurdistanê yên ji bo serxwebûna Kurdistanê dike, dixwaze bi çîroka ne rast a “qaşo destê Îsraîlê li pişt giştpirsiyê ye”, hers û acizbûna kurdên li Tirkiye û hemû cîhanê kêm bike. Erdogan dixwaze bi vî awayî li gel dîndarên kurd biaxive. Ev di demekê de ye, ku dîndarên kurd, Mesûd Barzanî him weke serkirdeyekî rizgarîxwaz ê kurd û him jî weke kesayetekî oldar û şopînerê mezin ê tarîqata Neqşîbendî dibînin.  

 

Recep Tayyîp Erdoganê serokomarê Tirkiyê, ku herdem dibêje ew serokê kongreya welatên îslamî ye, çawa rê dide xwe azadiya gelekê zeft bike, ku Xweda rewşa dîtiye.

 

Gelo ma Xwedê gotiye bila hemû gelên misliman azad bin lê tenê gelê Kurdistanê li ser rûyê erdî bindest bimînin? Çawa dikarin bi navê îslamê van nerastiyan bikin?

 

Êdî dema wê hatiye rastiya mislimantiya hemû kesan eşkere bibe. Misliman divê berevaniya mafê mislimanên din jî bike ne ku bibe dijberê wan. Mislimantiya rast ew e. Di cîhana niha de jî mislimantiya sexte jî ji mislimanan re ji hemû tiştan xiraptir bûye.

 

 

 

Şîrove

 
ilam | 7-10-2017
bo kurdan chi bashe? biben israele duyem yan weki maliki biben irane duyem? israel hazar jar be irani deji.
nijadperst | 7-10-2017
Biji Rudaw ve firste bernedin u hertim kurtir bikolin u lekolinebikin behtir wene behtir agehdari Danistandine Ereb ecem u tirkan derxin u nisanbidin danistandinewa bi birayemeye cuhure
mahsum | 7-10-2017
Inca divê Israil jî bash shîyar bibet, ka li Rojhilata navî kê kî ye ji bo Israil dijmina heri dirinde....? heta Doh Israil û Dewleta Tirk dest bi dest mil bimil tevî masad bi her awayî hevkarî kirin kû êrishek yeksanê li dijî PKK û Bakurê Kurdistan bikin û her kirin jî,,,, Inca gelo kê kî dest li kê bu bi Israil re... Inca Israil jî Bawerdikir ku ji Tirkan ji Israil re biket dost... Gelo Israil bash nabêynet dijmina Israil a di rojhilata navinde a heri dinde ji Iran jî zêdetirin dewleta Tirkê DAISH û Serokomara wîya heri hov û har Abu-KEr-Doghani bi xwe yet... raste Israil iroj bash fêr bu ^zu ersê jî distêynet... di rojhilata Navînde ji Israil re ji xeyni Kurdan dost nîne.... di avakirina Israil de gelo çend hezar Kurdê Juhu hatin Israil ? gelo yek ji xwe dipirset, îroj nêzika 60 û 70 hezar zêdetirin Kurdên Juhu hene, lê hemu di sereta de Kurdin, Pashê Juhu û pashê ji hemwalatîyen Israilin, ew Kurdên Juhu jî xwedîya Kurdistan in ji ber ku ew jî Kurdin....wek Zerdeshtîyan, wek yezidiyan, wek misilmanan wek kakaiyan, wek Bahaiya, wek mesihiyan û hwd...hemu Kurdin....êdi ji kerema xwe re bes deng bidin dirindeya dewleta Tirk û jê re propogandayan bikin,,, bihêlin wek keran bila bizirret ew Abu-KEr-doghanî ku ji xwe navê Kerê li ser jî....Abu-Er-Dogan ê wek Ker hatîya Gerdun...
Sofi | 8-10-2017
Erdoxan jî û timamê Cîhanê jî dizanin ku ti têkilîye Îsraîi bi Referanduma Kurdistanê re tûnen. Lê Erdoxan di xwazê ku avê wekî her car şîlo, lê di xwazê hinek pirsan di serê Kurdên misilmande çêbiki. Û wî baş Kurd naskirine û dizanê ku bi mesela misilmantîyê Kurd zê têne xapandin û dizanê ku Kurdên misilman wekî wî û timam dewletên misilman misilmantîyê ji bona berjewendîyên xwenî şexsî bikar naînin.
1780 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2017-12-13 11:07:14 AM
Her bijî Osman!!Heger her Kurdek wek Osmên helwetên xwe wusa raste rast biparize,bê goman Perlemana Turkîyê dibe Banê Permemana Kurd û Turkan.
Seid Ferhad Seid Mistefa | 2017-12-13 11:20:04 AM
Wey ez qurbana te bim birêz Baydemîr...Tu Çavê minî...Tu Dilê minî! 🤗🤗🤗 Ez gelek bi te serbilindim...Bi Hêvîya Xwedê wê temendirêj bî bo Kurd û...
Li parlamentoya Tirkiyê nîqaş li ser ‘Kurdistanê’ derket
| 13-12-2017 | (2)
mardinov | 2017-12-13 8:33:29 AM
çima qet bawerÎya min bi we naye? Dema KAka MEsûd got ji bilî çiya tu dost ji Kurda re nîne me peyam girt!
Amerîka: Emê ji bo cîbicîkirina destûrê piştgirî bidin Kurdan
| 13-12-2017 | (1)
Seid Ferhad Seid Mistefa | 2017-12-11 9:42:53 PM
@rudaw, rudaw ji kerema xwe eger carek din we Rêportagek girt, Ser û Çavên Hevwelatîyan bi Software ve pinhan bikin û veşêrin! Ma kî dizane, belkî...
RÛDAW DERBASÎ KERKÛKÊ BÛ – Gel niha çi dixwaze?
| 11-12-2017 | (1)
Sofi | 2017-12-06 11:53:01 PM
Qaşo Ebadî li gora xwe siyasetê dikê û di xwazê gelên li Kurdistanê siza bikê û li gora wî serê xwenî wekê şebeşekî Cîhanê bi xapênê.
Hikûmeta Kurdistanê: Em nizanin Ebadî behsa kîjan lîsteyê dike
| 6-12-2017 | (1)
0.516 seconds