Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Nêrîn

Berhem Şow

Ji aliyê HÊMİN EBDULLAH 8-10-2018
Hêmin Ebdullah
Hêmin Ebdullah

Daxuyaniya civîna encûmena serkirdatiya YNKê derbarê hilbijartinan de û ne redkirin û ne jî rednekirina encamên wê, beşek e ji vê şowa (nimayişa) ku demek e bi mala Talebanî tê berhemanîn û bi rasthatinê jî navê aktorên sereke yên wê werzê Berhem e. Ew şow berî 16ê Oktoberê (Cotmehê) dest pê kiriye û bi vî awayî ye:

 

Di wan rojên ku biryar li ser giştpirsiyê tê dan, Dr. Berhem zenqilê xewneke kevn di serî wî de lêdixe. Şirove û pêwnediyên wî, wî digihînin wê baweriyê ku ti kes piştgirî li giştpirsiyê nake û ewên ku wî karî dikin, tûşî xwekujiyeke siyasî ya kujer dibin. Îcar zilam û qehreman ew kes dibe, ku piştî wê yekê, ne li ser pişta hespekî spî, lê belê eger pêwîst kir, li ser pişta Abramzekê yan jî Hummerekê Heşda Şeibî xwe bigihîne nav Hewlêrê û Herêma Kurdistanê ji jinavçûnê rizgar bike. Çend rojan berî 16ê Cotmehê, weke ku kesekî agahdar li Bexdayê ji min re vegot, çend nûnerên berê û yên nû yên YNKê û Goranê diçin Bexdayê û li wê derê li gel serokê rasteqîn ê Iraqê, ku hecî axayekî Îranî ye û li cem me hemûyan jî naskirî ye, dicivin. Nûnerên Goranê bîrokeya damezrandina herêma Kerkûk û Silêmaniyê û cudakirina wê ji Hewlêrê red dikin, lê weke ku tê behskirin, li Bexdayê 'doktorê rizgariyê' heman helwesta Goranê nebûye.

 

Di werza yekem a Şowê de mala Talebanî bi xwe rol dilîzin û bi radestkirina Kerkûkê û navçeyên din beşa yekem a plane cîbicî dikin. Piştî wan nobeta plana duyem tê ku têde Dr Berhem serdana çar aliyan dike û bi navê dijatiya PDKê û YNKê wan tîne ser wê baweriyê ku divê hikûmeteke rizgariyê were avakirin. Di wan rojan de bû, ku min berpirsekî payebilindê amerîkî dît û bi pêkenîn ve ji min re behsa wê hewla Dr. Berhem kir. Wê demê ez tênedigiîştim mesele çî ye, lê belê piştî wan daxuyaniyên ji Amerîka û welatên din ve hatin belavkirin û bi diyarkirî navê Nêçîrvan Barzanî û Qubad Talebanî weke nûnerên îtîrafpêkirî yên Kurdistanê têde hatibû, ez têgihîştim ku Amerîka û hevpeymanên wê, hewla Îranî ya hikûmeta rizgariyê di destê wî kesî de mirar kirine, ku xwe jibo wî cihî amade kiribû û bi qestî jî navê Qubad jî anîbûn.

 

Piştî vê bizava Amerîkayê, bûyerên wê şowê ber bi arasteyeke din ve çûn, diviyabû ew jî biqewime, çimku êdî bîner bêzar dibûn, lewma diviyabû vê carê Dr. Berhem biselimîne ku hejmareke mezin e û bandora wî li ser biryara siyasî li Kurdistanê heye û madem ku Newşîrwan Mistefa jî nemaye, ew rêberê opozisyonê ye û bi tiştekî nû hatiye meydanê ku navê wê Hevpeymanî ye. TEv tişta nû jî tştekî ecêb e, ne partî ye û ne rêxistineke xêrxwazî ye û ne jî xwandingeh an fêrgeheke hizrî ye. Tişteke wisa ye, her dema ku tiştek jê şîn nebû û bêberhem bû, dikarî weke topên Biliyardê ji hev belav bikî û eger tiştek jê derket jî, wê demê baştir e jî. Lê belê encamên hilbijartinên parlamentoya Iraqê derxiste holê ku kiryarê wê yekê jî nînin û Dr. Berhem careke din ji wê ceribandinê jî serkevtî nebû.

 

Di werza niha ya Berhem Şow de, ku niha di weşanê de ye, pehlevanê şowê careke din hewl dide, bîneran ragire û nehêle ku bêzar bin, lewma pişt li gotinên xwe yên di çend mehên bihorî de dike û bi senariyoya mala Talebanî yê berhemhênerê şowê razî dibe, li hember wê yekê ku bi her nirxekî be, bibe serokomar. Barbûkerê şowê û mala Talebanî qazanceke baş ji wê şowa pirbîner dibînin û fokusa xelkê li ser mesleyên din ên ciddî yên li devera rengîn didin alî. Aktorê zîzbûyî yê wan jî, ku demek bû serkêşî dikir, bêyî berçavgirtina hurmeta bo rabirdûya xwe û kesatiya xwe ya di nava xelkê de, bi wî awayî vedigerînin. Bavil Talebanî jî di roja hilbijartinan de hinek din hurmet bo wî karî nehîşt û mizgîniya wê yekê dide, ku ewên din jî dê hêdî hêdî vegerin.

 

Berhem Şow di dîroka siyaseta Kurdî de bêmînak e, çimku ji salên 60î ve heta niha me çend şowên din hebûne û hertim her tiştek jî di wan şowan de çêbûbin, aktorên sereke yên wan şowan kêmek hurmet hîştine, lê belê şowa vê carê her ji şikandina peymanan û poşmanbûnê bigre heta digihe xencerlêdana ji pişt ve û nehêlana rûpela paqij a berê jibo wergirtina postekî wiha kêmnirx, hemû ew pêkhêner têde ne, ku bike şoweke bêhurmet.

Şîrove

 
Kurd u Kurdistan | 8-10-2018
Keko! Ci Berhem, ci malbata Talabani,ci Goran ci ceqelén.. van a li gor becewendiyé xwe u $exsén xwe kar dikin u ne ji buy bercewendíýé Kurd u Kurdistané kar dikin. Mixabin dirok xwe dubare dike u ditirsim ku ewé Kurdistanek serbixwe hic azad nebe jiber egoizma van keftar u ceqelan. Berhem, malbata Talabaní u partiya weki Goran jí peya u xulamé Irané ne. Tú vana bikí nav cuvaleki qimeta wan nake 10 gram pívaz.Berhem bi xwe Di vé fílimé de Jokereki mezin. Berhem qerar da ji YNKé veki$íya u "parti" damezrand. Nikaribu 3-4 kesa bíne ceh hev u ték cu. Quban wí weki "diz" ílan kir.Iran ji Berhem re got, bé $ert u merc vegere nav YNK. Ew Berhem ku nikaribu 2-3 ber u mí 2-3 miri$ka bíne cem hev $ansé xwe di emré Iran u malabata Talabani de dit. Kúr u jina seroké ku YNK ava kiríye hembéza xwe ji "dizé" xwe re vekir u wi kir nav "mala" xwe sirf jiber ku gotina Irané bicíh were u li dij Barzaní bibin yek. Tu bi xér hati nav YNK u ti bi xér buy serokkomaré Iraqa diza u gendelan. Tu bi xér hati píya u xulamé Irana melleh u sofiyé ru re$.
622 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Mamo | 2018-12-16 5:26:36 PM
Bi hêvîya encamek erênî ji danustandinên we. Welatparêzên Kurdistanê li bendê ne kû hêzên sîyasî û leşkerî li Rojavayê Kurdistanê helwestek hevbeş...
Hêzeke
| Duh vî demî 05:56 | (1)
Shirwani | 2018-12-15 8:02:54 PM
Ev xuwezalandin tishteki pirr piroze ji bu kurdistané Hividarim kurd giringiye bidné u pishve binin. Serkevtin ji kurdan re.
Bi wêneyan Navenda Xweşiqitandinê ya Mêrga Botanê ya Colemêrgê
| 15-12-2018 | (1)
Alan | 2018-11-14 1:42:25 PM
Roj bas´, Beeeeeeeeeeese, Zimane kurdi nelewitine! "Soz" Turkiye u dijmine kurdane! Biniwise "Peyman dan"
Amed MOL | 2018-12-14 1:34:28 PM
Alan tu shashî bira! Di encamên nezanîn u nexwendinê dibe wek te bira. "SOZ" bi bingehîn u bi zimananîî ya xwe Kurdîye.Tirk evaya kirine " SÖZ" ma wê...
Hevpeymaniya Navdewletî piştgiriya Encûmena Leşkeriya Minbicê dike
| 14-11-2018 | (2)
osman | 2018-12-14 9:07:20 AM
Ji bo whatsappa kurdî îmze bavêjin. Bila whatsapp bibihîse. ---------------- whatsappa kürtçe dil desteği eklenmesi için imza kampanyası. Whatsapp...
AMED - Salona şanoya
| 29-11-2018 | (1)
0.5 seconds