Bi ala Kurdistanê beşdarî maça Real Madrid û CSKA Moscow bûn

Moskova (Rûdaw) – Komek xwendevanên Kurd ên ji bo xwendina bilind çûne Rûsya, bi cilên Kurdî û ala Kurdistanê beşdarî maça navbera tîma Real Madrid a Îspanî û CSKA Moscow a Rûsî bûn.

Şeva borî di lîstika qonaxa 16. a dewreya Ewrûpa, herdû tîmên Real Madrid û CSKA Moskow li yarîgeha Dinamo Stadium hatin beramberî hev. Tîma Îspanî bi rêya lîstikvanê Portekîzî Cristiano Ronaldo di deqeya 28’an de golek avêtin. Lê lîstikvanê Swêdî Bontous Bernabeu nehêla ku tîma Îspanî bi golek û sê puanan vegere mala xwe û di qeqeya 90’mîn de qeleciyê Real Madrid hejand û golek avêt. Maç, 1-1 bi dawî bû.