Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Werziş

Jina Kurd a 48 salî bûye futbolîst

Ji aliyê SERKAN İNCE 12-9-2017
Rûdaw

Amed (Rûdaw) – Futbolîsta Kurd, Azîze Ay ku pêştir malbatê rê nedabû wê ku li ser leyîza fubolê berdewam be, piştî zewaca xwe di nava refên tîmeke profesyonel de ji nû  ve dest bi futbolê kir.

 

Kêm gogbaz hene ku piştî 35 saliya xwe jî di tîmeke futbolê/gogbaziyê de cih bigire. Azîze Ay a ku ji biçûkatiya xwe ve bi gogê re mijûl e û niha piştî temeneke dûr û dirêj xewn û xeyala wê pêk tê. Ew niha li Tîma Jinan a Diyarbekirsporê  golavêj e. Azîze Ay ji ber astengiyên malbatî nikare bikeve nav tîmeke gogbaziyê. Heşt salan piştî zewacê Azîze Ay di 48 saliya xwe de dikeve nav tîmeke profesyonel a gogbaziyê.

 

Azîze Ay ji şeş saliya xwe ve bi gogbaziyê re mijûl e. Lê malbata wê bi hinceta ku 'Şerm e ku jin gogê bileyîzin' rê neda ku ew di tîmeke gogbaziyê de bileyîze. Ligel vê yekê jî Ezîze Ay dev ji gogbaziyê bernade. Ew di çil saliya xwe de dizewice û hevjînê wê dereng bi gogbaziya wê agahdar dibe. Piştî agahdar dibe ji bo ew bigihêje xewn û xeyalên xwe destek didê. Di temenê 48 saliyê de xewn û xeyala wê pêk tê û ew niha golavêja Tîma Jinan a Diyarbekirsporê ye.

 

Azîze Ay ji Rûdawê re axivî û behsa serboriya xwe û leyîza fubolê kir û ragihand: "Malbata min rê nedida ez fûtbolê bileyîzim. Apê min nedihêşt. Ez ji saliya xwe heta 40 saliya xwe di nav fûtbolê de bûm. Bi topê re mijûl dibûm. Aniha mêrê min li pişt min e. Ji min re dibe alîkar. Di şeşê Sibatê de ez derketim qadên gogbaziyê. Di 48 saliya xwe de ez daketim qadên kesk. Niha ez 49 salî me."

 

Li gor antronor û mamostayên Azîzeyê, ew ji bo derdora xwe nimûneya serkevtinê ye.

 

Antronora Tîma Jinan a Diyarbekirsporê, Melek Akgul Karakûş di daxuyaniyekê de ji Rûdawê re got: "Azîze Ay hevaleke me ya jin e. Sala par tevlî tîma Diyarbekirsporê bû. Em bi tevlîbûna wê gellekî kêfxweş in. Tîma Jinan a Diyarbekirspor ev du sal e ava bûye. Diyarbekirspor di Lîga Sêyem de ye.  Armanca me ew e ku jinên ciwan jî di vî warî de riya wan vekirî be. Bila ev yek fikra ku jin nabe gogbaz biguherîne û bila nebêjin gog tenê lîstika mêran e."

 

Azîze Ay ji bo gogbazên din ên Tîma Jinan a Diyarbekirsporê mînak e. Hemû bi rêz û hezkirin qala wê dikin.

 

Gogbaz, Gamze Karakoç derbarê Azîze Ay de got: "Xwişka Azîze jineke gellekî jêhatî û baş e. Em li vir bi hev re dileyîzin. Ez gellek jê hez dikim. Ji me re dibe alîkar, gellek baş e."

 

Hatîce Gezîcîler jî dibêje: "Wekî diya me ye. Tiştek bibe em diçin cem wê, em jê re qala pirsgirêkên xwe dikin. Em bi hev re tiştan çêdikin. Em jê xweşhal in."

 

Li civaka Kurdistanê karmendî, werziş, huner  di her karekî de beşdariya jinan roj bi roj her diçe zêdetir dibe. Her nimûneyek serkevtî hinek din rê li ber jinan fireh dike.

Şîrove

 
Habib | 12-9-2017
Her bijî ji jinên kurda re . Ev jî bi rastî nimûneyek serkevtî jibo hamû jinan . Bijî kurd .
Hêjar | 12-9-2017
Bila here mala xwe de birûne. Temenê wê buye 48 û niha dixwaze gogbaz bû? Gogbazên mê nikarin pişti 40 salê dilîzin. Ew bi tenê dikare bû henek! Ne tiştekî din...
2355 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2017-12-13 11:07:14 AM
Her bijî Osman!!Heger her Kurdek wek Osmên helwetên xwe wusa raste rast biparize,bê goman Perlemana Turkîyê dibe Banê Permemana Kurd û Turkan.
Seid Ferhad Seid Mistefa | 2017-12-13 11:20:04 AM
Wey ez qurbana te bim birêz Baydemîr...Tu Çavê minî...Tu Dilê minî! 🤗🤗🤗 Ez gelek bi te serbilindim...Bi Hêvîya Xwedê wê temendirêj bî bo Kurd û...
Li parlamentoya Tirkiyê nîqaş li ser ‘Kurdistanê’ derket
| Duh vî demî 01:12 | (2)
mardinov | 2017-12-13 8:33:29 AM
çima qet bawerÎya min bi we naye? Dema KAka MEsûd got ji bilî çiya tu dost ji Kurda re nîne me peyam girt!
Amerîka: Emê ji bo cîbicîkirina destûrê piştgirî bidin Kurdan
| Duh vî demî 08:20 | (1)
Seid Ferhad Seid Mistefa | 2017-12-11 9:42:53 PM
@rudaw, rudaw ji kerema xwe eger carek din we Rêportagek girt, Ser û Çavên Hevwelatîyan bi Software ve pinhan bikin û veşêrin! Ma kî dizane, belkî...
RÛDAW DERBASÎ KERKÛKÊ BÛ – Gel niha çi dixwaze?
| 11-12-2017 | (1)
Seid Ferhad Seid Mistefa | 2017-12-03 8:22:29 AM
Divê Gelê Kurd bi hîç şêweyek Rêsulta (Encam) a Rêfêrandumê nehelweşîne û hinekê din Sebr bike!!!!! Ji ber kû Krîzek yêkcar mezin li benda Îraqê ye û...
Iraqê helwesta xwe ya li hemberî hewldanên Fransayê diyar kir
| 3-12-2017 | (1)
0.875 seconds