Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Cîhan

Dizeyî: Hikûmeta Kurdistanê ji berê bihêztir e

Ji aliyê Ala Şalî 10-7-2018
Amsterdam

Amsterdam (Rûdaw) – Berdevkê Hikûmeta Herêma Kurdistanê Sefîn Dizeyî ragihand, ku hinek alî di wê baweriyê de bûne ku hikûmeta Herêma Kurdistanê bêhêz bûye û got: “Îro hikûmeta Herêma Kurdistanê di warê siyasî û dîplomasî de ji berê bihêztir e.”

 

Sefîn Dizeyî li Amsterdamê ji Rûdawê re axivî û behsa naveroka serdana Nêçîrvan Barzanî ya ji bo Tirkiyê û herwiha giringiya serdan Holandayê kir.

 

Dizeyî bersiv da îdîayên hin aliyan ên derbarê serdana Serokwezîrê Herêma Kurdistanê Nêçîrvan Barzanî ya ji bo Tirkiye û diyar kir, ku Barzanî li ser vexwendineke fermî serdana Tirkiyê kir, weke hemû berpirsên welatên din hate pêşwazîkirin û beşdarî merasîma sondxwarinê ya Erdogan bûye.

 

Sefîn Dizeyî got: “Mixabin hinek alî û medya hewldidin van serdanên Nêçîrvan Barzanî yên ji bo derveyî welat, sivik bikin. Neyarên Kurdan tiştekî wiha bikin em fêm dikin lê ji bo me cîhê dilgiraniyê ye ku hinek Kurd vê yekê dikin. Diyare hinek armancên wan ên din jî hene. Qonsulxaneya Tirkiyê li Hewlêrê roja 6ê Tîrmehê ev vexwendiname ji me re şand. Di rêûresman de navê birêz Serokwezîr li pêşiya serokên hinek welatan jî hate xwendin.”

 

Dizeyî ragihand: “Bi nêrîna me piştî wê pêvajoyê ku dorpêç xistibûne ser Kurdistanê ev serdan pir giring in. Herwiha ji bo peywendiyên li gel Tirkiyê rûpeleke nû ye. Serokwezîr di vê hevdîtinê de li gel çend berpirsên Tirkiyê jî hevdîtin pêk anî.”

 

Berdevkê Hikûmeta Herêma Kurdistanê destnîşan kir, ku niha Herêma Kurdistanê careke din pêgeha xwe ya bi hêz a siyasî vedigerîne û rojane şandên welatan û heta yên Iraqê jî ji bo hevdîtina tên Hewlêrê û wiha berdewam kir:

 

“Hinek aliyan wesa didîtin ku dê Fatihe li ser hikûmeta Herêma Kurdistanê were xwendin û bi zindî were çalkirin lê wesa nebû, îro hikûmeta Herêma Kurdistanê di warê siyasî û dîplomasî de ji berê bihêztir e.

 

Sefîn Dizeyî da zanîn, duh berpirsên Belçîkayê û herwiha Yekîtiya Ewropayê Serokwezîr Barzanî vexwendine û divêya duh li gel wan hevdîtin bikira lê ji ber serdana Enqereyê ev hevdîtin hatine paşxistin.

 

Derbarê serdana Holandayê de Sefîn Dizeyî got: “Peywendiyên Kurdistan û Holandayê ji serdema Şoreşa Îlonê ve hene. Wê demê bi riya rêxistinan alîkariyên mirovî dişandin û herwiha yekemîn welat bûn ku deriyên xwe ji koçberên Kurd re vekirin. Birastî jî peywendiyên wan ên dostane hebûne li gel Kurdistanê û di sala 1991ê jî ji bo parastina Kurdistanê leşker şandin. Paşî di şerê rizgarkirina Iraqê û şerê DAIŞê de hevkariya Pêşmerge kirin.”

 

Dizeyî diyar kir, ku ew dixwazin peywendiyên Kurdistanê yên li gel Holandayê pêşdetir biçin û derbarê naveroka hevdîtinê jî got: “Di hevdîtinê de herdu serokwezîr dê mijara koçberan, şerê li dijî DAIŞê û terorîzmê, aramî û ewlekariya Herêma Kurdistanê, hemahengiya li ser ewlekariyê û hin mijarên din jî guftûgo bikin.”

 

Sefîn Dizeyî anî ziman ku dê dema pêş de serdana Serokwezîr Barzanî ya ji bo Brîtanyayê jî pêkwere. 

 

1153 hatiye dîtin
Babetên zêdetir Ala Şalî
Xweavêtina bi paraşût ji esmanan

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Roj Awzciya | 2018-11-14 9:35:54 PM
Ey wehshî reshnivîs nîne. Bernivîs e! We ritiya nav zimanê kurdi mîna siyaseta kurdî. Xuda we tûn be tûn bike!
Hikûmeta Brîtanyayê reşnivîsa cudabûna ji YE pesend kir
| 14-11-2018 | (1)
Alan | 2018-11-14 1:42:25 PM
Roj bas´, Beeeeeeeeeeese, Zimane kurdi nelewitine! "Soz" Turkiye u dijmine kurdane! Biniwise "Peyman dan"
Hevpeymaniya Navdewletî piştgiriya Encûmena Leşkeriya Minbicê dike
| 14-11-2018 | (1)
Alan | 2018-11-14 1:31:17 PM
Roj bas´! Bese zimane` Kurdi aludeyi Turkiya pis u mirar bikin. Me tis´tek binave "soz" nav zimane´ kurdi nine. Biji Kurd Alan Swed
Zerîf: Welatên Ewropayê sozên xwe neanîne cih
| 14-11-2018 | (1)
Cemal Aslan | 2018-11-12 9:54:59 PM
Katar e pera bide
Li Tirkiyê bandora berzbûna dolar her diçe girantir dibe
| 12-11-2018 | (1)

Li beşên din ên Rûdawê

RÛDAW/TAYBET - Aldar Xelîl: Senariyoya Efrînê li deverên din dubare nabe 6-11-2018 |

RÛDAW/TAYBET - Aldar Xelîl: Senariyoya Efrînê li deverên din dubare nabe

Hebûna hêzên amerîkî asteng e li pêş Rûsya, Zêdetir
ROJAVA - Partiyên Kurdî bersiva daxuyaniyên Rûsya didin 22-10-2018 |

ROJAVA - Partiyên Kurdî bersiva daxuyaniyên Rûsya didin

Sekreterê El-Partiyê Nesredîn Ibrahîm ji Rûdawê Zêdetir
Nêçîrvan Barzanî: Kurdistaniyan deng dan avakirina kurdistaneke bihêz 21-10-2018 |

Nêçîrvan Barzanî: Kurdistaniyan deng dan avakirina kurdistaneke bihêz

Bi boneya ragihandina encamên fermî yên Zêdetir
0.484 seconds