Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Cîhan

Pisporên rûs: Rûsya naxwaze Tirkiye bikeve Efrînê

Ji aliyê Kamîz Şedadî 11-8-2017
Moskow

Moskow (Rûdaw) – Nûnerên 3 dewletên garantor ên agirbesta li Sûriyê, an ku Rûsya, Îran û Tirkiye, ku  li Tehranê kom bûbûn, nekarîn roja destpêkirina gotûbêjên Astana-6 diyar bikin. Wek diyar e, wan, her wiha nekarîn li ser damezrîna herêma bê şer a li Îdlîbê jî li hev bikin.

 

Ji layekî din, leşkerkêşiya Tirkiyeyê ya ber bi sînorên Efrînê ve berdewam e û ev mijar li Moskowê ji nêz ve tê şopandin.

 

Serokê Enstîtuya Lêkolînên Siyasî Sergey Markov dibêje, ji bo Rûsyayê kurdên Sûriyê jî Tirkiye jî di şerê li dijî DAIŞê de wek hevpeyman in, lewre Moskow ne amadeye ji bo kurdan bi Enqrê re lec bikeve:

 

Markov ji Rûdawê re got:  “Eger Tirkiye artêşa xwe bixe Efrînê û di navbera artêşa tirk û  yekîneyên serbazî yên kurdan de şerekî berfireh destpê bike, dê ev yek ji aliya Rûsyayê ve bi dilgiranî bê  pêşwazîkirin. Rûsya vê yekê nexwaze. Bê guman, Tirkiye dixwaze ku razîbûna Rûsyayê werbigre, lê ez bi gumanim ku Rûsya vê yekê qebûl bike. Lê di heman demê de ti niyeta Rûsyayê tune ku li erdê Sûriyê ji ber Efrînê bi artêşa Tirkiyê re şer bike. ”

 

Di wan demên dawîyê de Wezareta Berevaniya Rûsyayê jî ku hemû tevgerên serbazî yên li herêmê  bi raporên rojane belav dike, li ser leşkerkêşiya Tirkiyeyê bê dengiyê xwe diparêze.

 

Li gor nêrîna pisporê serbazî yê rûs Vladîmîr Yevseyev, ketina Tirkiyeyê li Efrîn ne real e û amaje dike, ku vê gavê bazara germ a di navbera Moskow û Enqerê de li ser Îdlîbê tê meşandin.

 

Vladîmîr Yevseyev diyar kir:  “Li hember 20 hezar şervanên kurd ên li Efrînê pêwîste Tirkiye herî kêm 50 hezar serbazên xwe bişîne. Lê hejmara serbazan ewqas nîne. Li gor zanyariyan tenê 20 hezar hatine biicihkirin. Ya duyem, ji bo ketinê pêwîstiya Tirkiyê bi piştgiriya hewayî jî heye. Lê ne Rûsya ne jî NATO destûra bikaranîna balafiran ne dane Tirkiyê. Di van mercan de Tirkiye dikare tenê provokasyonan bike, lê nikare têkeve Efrînê. Ji aliya din Rûsya dixwaze di berdêla mûşekên S-400 de, ji bo rizgarkirina Îdlîbê alîkariya Tirkiyeyê werbigre. ”

 

Li Wezareta Derve ya Rûsyayê hêvî dikin, ku gotûbêjên nû yên li Astanê ta dawiya meha Tebaxê destpê bikin.  Lê şarezeyên ku haya wan ji naveroka gotûbêjên pişt perde jî hene, tekez dikin, ku ji Astana- 6 jî wê ti pêşveçûneke berbiçav dernakeve. Ji ber ku hêviyên çareseriyê yên her 3 dewletên garantor ên li Sûriyeyê, ji hev gelek cudatir in.

Şîrove

 
Sofi | 11-8-2017
Ez hêvîdikim ku her dem her 3 Dewlet bê çare bin û qet li hev nekin. Ji ber li hewkirina wan her ne di berjewendîyên Kurdan deye.
Nîşankirin : Moskow, Efrîn, Tirkiye, Sûriye
929 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

dilan | 2018-07-12 11:22:06 AM
dast xosh Ala xan..har bji rudaw
evrehim | 2018-07-12 1:18:35 PM
"Trump ji Rûdawê re axivî" êdî bes e ev serenavên we yên bi vî awayî. Trump di civîna medyayî de axiviye, ne taybet bo rudawê. Di medyakariyê de nabe...
Trump ji Rûdawê re axivî: Waşington li gel aliyên serkevtî diaxive
| 12-7-2018 | (2)
Mûhammed | 2018-07-11 9:46:51 AM
madem wisa ye çima heremê kurdistan tişteki nake wan dagirkeran daristan tar û mar dikin lê heremê kurdistan dengê xwe dernaxe, pêwiste ku seroke...
KARESAT – Milyonek û 31 hezar donim daristanên Kurdistanê şewitîn
| 11-7-2018 | (1)
WARVİN | 2018-07-10 9:44:44 AM
EW NE CHEKDAR IN LE EW TERORIST IN
EFRÎN – Çekdaran îşkence li kalemêrekî 80 salî kirin
| 10-7-2018 | (1)
Semal | 2018-07-04 5:43:10 PM
Bi Erdogran re hevatîl nabe û bi rêbertîya Tirkiyê jî têkliyê hevgirtî nabin. Gerek ve rastî birêz Barzanî bibînê. Bi gotinên wekî PKK sucdarê û ji...
XOCE | 2018-07-09 9:13:26 AM
Kurd êdî sîyasetê bira bikin. Kes li İsrailê hez nake İsrail jî ji kesî hez nake lê bi herkesî ra diyalogê çêdike.Bira kurd jî mîna İsrailê bi...
Barzanî: Di demekî guncaw de serdana Enqerê dikim
| 4-7-2018 | (2)

Li beşên din ên Rûdawê

0.547 seconds