Were hundir/Xwe tomar bike

Wekî mêvan babetan dane

Her kes e-maila we nabîne
Têkeve ji bo şexsîkirina şîroveyê

Wek mêvan şîrove bike

Her kes e-maila we nabîne
Têkeve ji bo şexsîkirina şîroveyê

Têkeve

Yan bi awayê bikarhêner pêwendî ligel me dane
 

E-mail

 

Rudaw

Rojhilata Navîn

Serfermandarê Hêzên Çekdarên Îranê: Referanduma Kurdistanê nayê qebûlkirin

Ji aliyê RÛDAW 17-7-2017
 Serfermandarê Hêzên Çekdarên Îranê, General Muhemed Baqirî
Serfermandarê Hêzên Çekdarên Îranê, General Muhemed Baqirî

Navenda Nûçeyan – Serfermandarê Hêzên Çekdarên Îranê, General Muhemed Baqirî ragihand, ku referanduma li Herêma Kurdistanê bi ti awayî ji aliyê cîranên Iraqê ve nayê qebûlkirin.

 

Li gorî nûçeya ajansa fermî ya dewleta Îranê IRNAyê, Serfermandarê Hêzên Çekdarên Îranê Muhemed Baqirî îro li bajarê Meşhedê li bakurê rojhilatê Îranê beşdarî di semînarek taybet a fermandeyên Hêza Bejayî ya Supaya Pasdaran a Îranê kir û tê de gotarek pêşkêş kir.

 

Muhemed Baqirî di gotara xwe de, behsa rewşa herêmî û cîhanî û pêşhatên ku li deverê diqewimin kir û ragihand, dijminan hin gef û metirsiyên nû yên ewlehiyê, Komara Îslamiya Îranê kirine armanc û da xuyakirin, ku dijmin hewl didin, gef û metirsiyan bikişînin nava sînorê Îranê.

 

Baqirî tekez kir, ku dive bo rûbirûbûna wan metirsiyan û planên dijiman, hêzên serbazî û ewlehî yên Îranê amadebûna xwe zêdetir bikin. Baqirî got, Îranê bi piştevanî û alîkariyên ji bo dewletên herêmê ku wî bi dewletên eniya berxwedanê bi nav kir, şer û têkoşîna li dijî terorê ji sînorê xwe dûr kiriye û ew şer biriye cihên dûrtir û ewlehiya xwe bi başî parastiye.

 

Serfermandarê Hêzên Çekdarên Îranê amaje bi rewşa Rojhilata Navîn û başûrê rojavayê Asyayê kir û diyar kir, ew dever mêhwera pêşhatên cîhanê ye, ku rastî çendîn bûyer û pîlanên nû hatiye û da zanîn, ku ew bûyer û pîlan bi sedema destwerdana hêzên zordar, şeytaniya sehyûnîstan û ehmeqî û xiyaneta serkirdeyên hin hikûmetên ne gelî û zordar ên li deverê çê bûne.

 

Referanduma Kurdistana Iraqê nayê qebûlkirin

 

Muhemed Baqirî di beşeke din a axavtina xwe de behsa sazdana referanduma serxwebûnê li Başûrê Kurdistanê kir û behskirina li ser vê mijarê û bi rojev kirina referandumê di dema niha de xiste bin pirsyarê.

 

Baqirî got: “Ya ku niha li beşeke welatê Iraqê, li gel şikesta DAIŞê û terorîstên tekfîrî piştî 3 sal şer û awarebûna xelkê ezîz û pêşkêşkirina gelek ji şehîdan û serkevtina millet û merceiyeta olî û serkevtina artêş û hêzên Heşda Şeibî yên wî welatî, bê navber derbarê referanduma li Kurdistana Iraqê û cudakirina beşek ji Iraqê de gotin tên kirin, tiştekî asayî nîne.”

 

Serfermandarê Hêzên Çekdarên Îranê destnîşan kir, ku sazdana referandumê li Başûrê Kurdistanê dê bibe destpêkek bo pirsgirêk û krîzên nû li deverê û got: “Ev mijar bi ti awayî ji aliyê cîranê Iraqê ve nayê qebûlkirin û parastina serxwebûn û yekparçeyiya Iraqê di berjewendiya tevahiya netew, mezheb û pêkhateyên wî welatî de ye.”

 

Pêştir jî çend berpirsên Îranê nerazîbûna xwe li hember sazdana referanduma serxwebûnê li Başûrê Kurdistanê anîbûn ziman û gotibûn, ku ew li dijî referandumê û li gel parastina yekîtiya xaka Iraqê ne.

Şîrove

 
Kurdo | 17-7-2017
Dema Serfermandarên Artêşên Dagîrkerên Kurdistanê,bêjên em Îrade û vîyana Miletê Kurd,em qebûl nakin,ji Kurdan tê xweztin,ku pal û piştevanîya Serokê xwe,Barzanî bikin.Heger,hinek xayîn hebin ji gef û ji tehdîdên van Serfermandaran,bitirsin ew pal û piştevanîya wan Dagîrkeran dikin.Azadî û serbixwe,bi helwestên rawestayî tên amade kirin.Barzanî dixweze,Tarîxa Kurdistanê rast bike û miletê xwe yê Kurd,serfiraz bike.Her bijî Barzanî her bijî, Kurdistan.
Şîrove bike
Wekî mêvan şîrove bike yan bi Têkeve
1254 hatiye dîtin

Bibe beşek ji Rûdawa Te

Wêne, vîdyo û çîrokan ligel Rûdawê parve bike.

Gotina te

Kurdo | 2017-07-22 11:37:47 AM
Name û navroka xwe,hatî tertîb kirin ku Gorran îdî kare Dozek mezin birêve bibet.Lê bi rastî ne wisa ye,kiryarên Gorranê û ji cihê jê hatî dîyare ku...
Nameyekî Newşîrwan Mistefa ya li ser hilbijartina serokê nû hate belavkirin
| 17 demjimêr berê | (1)
lolozano | 2017-07-22 3:30:58 AM
Ronakbîrê Hêja!Ako!Dewleta Swêdê an Memleketa xwe,sîyaseteka teybetî bi rêve diçe!Di demên Cengên her du Cîhanê de,nebû terefdarê Dewletên ...
Hikûmeta Swêdê li dijî raya milletan e
| 19-7-2017 | (1)
Kurdo | 2017-07-21 7:15:49 PM
Kî îdayên .Nurî Makîkî bixwene,yê bêje Barzanî li ser heqîyê ye. Çinkê çi hêvî bi Bexdadê namîne ku Kurd bawerîyê bi Bexdadê bikin. Nurî Malîkî,Kesê...
Nûrî Malîkî: Kurdistan nabe dewleteke serbixwe
| Duh vî demî 03:28 | (1)
kardox | 2017-07-21 7:06:20 PM
Mala hewe her u her ava u dest u çavên te xweş u xame êt we rengîn terter u bi birşt terter bit kako ê hêja, keke besam, karên ve a bi rumet tişkên...
Cegerxwîn helbestên xwe yên Xweşxwanê jî bi hizra welatperwerî nivîsandiye
| 20-7-2017 | (1)
0.25 seconds