Ji Serokwezîrê Awûstûryayê daxuyaniya ser referandûma Kurdistanê

Brûksel (Rûdaw) – Serokwezîrê Awûstûryayê Christian Kern li ser pirsa Rûdawê ya derbarê referandûma Başûrê Kurdistanê de got: “Eger dema wê hat, emê nêrîna xwe ya derbarê referandûmê de bînin ziman.”

Di duyemîn roja lûtkeya Yekîtiya Ewropayê (YE) ya li paytexta Belçîka Brûkselê de, Serokwezîrê Awûstûryayê Christian Kern ji Rûdawê re got: “Em çalakiyên gelê kurd ên taybet di dema şerê terorê û DAIŞê de bilind dinirxînin. Kurdan di vê oxirê de keç û xortên xwe kire qurbanî. Em rêzê ji vê yekê re digrin.”

Derbarê pirsa ser referandûma Başûrê Kurdistanê jî Serokwezîrê Awûstûryayaê diyar kir: “Derbarê referandûmê de çend pirsên me jî hene. Eger dema wê hat, emê nêrîna xwe bînin ziman.”

Hêjayê gotinê ye, ku roja pênşemê 22-06-2017, li Brûkselê lûtkeya YEyê dest pê kir. Serokwezîrên welatên YE li ser mijar û pirgirêkên pêşiya yekîtiyê gotûbêj dikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger