وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

ئێران نایەوێ جێ بۆ كۆمپانیاكانی توركیا چۆڵبكات

لەلایەن نەوزاد مەحموود 4/12/2018
تەنیا 250 كۆمپانیای ئێرانی لە هەرێمی كوردستان ماون
تەنیا 250 كۆمپانیای ئێرانی لە هەرێمی كوردستان ماون

رووداو- سلێمانی

كاربەدەستانی ئێران، گوشارەكانیان لەسەر بازرگانان و سەرمایەدارانی عێراق و هەرێمی كوردستان چڕكردووەتەوە بۆ ئەوەی كۆمپانیا و كاڵا و كەلوپەلی توركی نەكەنە جێگرەوەی كاڵا و شمەكی ئێرانی. بڕیارە رۆژی 12ی ئەم مانگە جارێكی دیكە ژمارەیەكی زۆر لە بازرگان و سەرمایەدارانی عێراق و كوردستان بانگهێشتی تاران بكاتەوە.

سەرۆكی یەكێتیی هاوردە و ناردنكارانی هەرێمی كوردستان كە بۆ خۆی یەكێكە لەوانەی بانگهێشتكراوە بۆ دیدارێكی بازرگانی لە تاران، دەڵێت: "ئێستا ژمارەی ئەوانەی لە توركیاوە كەلوپەل هاوردە دەكەن زۆر زیاترە لەوانەی لە ئێرانەوە هاوردەی دەكەن".

لەوەتەی قۆناغی دووەمی گەمارۆكانی سەر ئێران چڕبوونەتەوە، تاران بووەتە شوێنی بەیەكگەیشتنی بازرگان و وەبەرهێن و سەرمایەدارانی عێراق و هەرێمی كوردستان بە ناونیشانی جیاواز . بەڵام ئامانجی سەرەكی ئێرانییەكان تەنیا ئەوەیە گەمارۆی ئابووری هەموو كۆمپانیاكان بۆ توركیا پاڵ نەنێ و تەنانەت هۆشداریی دراوەتە بازرگانانی كورد و عێراقی لەوبارەیەوە.

ناوەڕاستی مانگی رابردوو، كونسوڵخانەی كۆماری ئیسلامیی ئێران لە سلێمانی، لەگەڵ ژمارەیەكی زۆر لە وەبەرهێن و  هاوردەكاران و بازرگانانی سلێمانی كۆبووەوە كە راوێژكاری سەرۆك كۆماری ئێران بۆ كاروباری بازرگانیش بەشداری كۆبوونەوەكەی كردبوو. یەكێك لە بەشداربووەكانی كۆبوونەوەكە بە(رووداو)ی راگەیاند: "ئەوان گوتیان دەبێت قەبارەی ئاڵوگۆڕی بازرگانی نێوان هەرێمی كوردستان و ئێران نەك دانەبەزێ، بەڵكو زۆرتریش ببێ". گوتیشی "هەڵكشانی ئاڵوگۆڕی بازرگانی لەگەڵ توركیا ئەوانی بە تەواوی نیگەران كردووە".

ئەو پێداگیرییەی بەرپرسانی ئێرانی بۆ ئەوەیە كە یەكێك لە دەروازە هەرە گرنگەكانی بازرگانی لەدەستنەدەن كە ئەویش عێراق و هەرێمی كوردستانە، بەڵام ئامارەكان بە روونی ئەوە دەردەخەن كە ئەوان لە خۆڕا هەست بەو ترسە گەورەیە ناكەن. وەك شێخ مستەفا عەبدولڕەحمان، سەرۆكی یەكێتیی هاوردە و ناردنكارانی هەرێمی كوردستان دەڵێت: "ئێستا ژمارەی ئەو هاوردەكارانەی لەنێوان توركیا و هەرێمی كوردستان كاردەكەن، نزیكەی 5000 كەسن، لە كاتێكدا ئەوانەی لە نێوان هەرێمی كوردستان و ئێران كاڵا هاوردە دەكەن، نزیكەی 3000 كەسن".

دوو هەفتە لەوەوبەر شاندێكی هاوردەكارانی پارێزگای سلێمانی و هەڵەبجە بە سەرۆكایەتی شێخ مستەفا لە ئێران بوون. لەوێ ئێرانییەكان نیگەرانی خۆیان دەربڕیوە لە كەمبوونەوەی خواست لەسەر كاڵا و كەلوپەلەكانیان "بەڵام من بۆم روونكردنەوە كە كواڵیتی خواردن و كەلوپەل و كەرەستەكانی ئێوە بە بەراورد بە كواڵیتی خواردن و كەلوپەلی توركی نزمە و بابەتەكە تەنیا گەمارۆ نییە". 

سەرۆكی یەكێتی هاوردە و ناردنكارانی هەرێمی كوردستان، هەروەها دەڵێ، بۆ ئێرانییەكانی روونكردووەتەوە ئەگەر بازرگانێكیش داوا بكات بەرهەم و كاڵای خراپ و كواڵیتی نزم و هەرزانی بۆ دروستبكرێ، بەوپێیەی كۆمپانیاكانی توركیا بازرگانی لەگەڵ ئەوروپا دەكەن، ئەو كارە ناكەن، بەڵام ئێمە تێبینی دەكەین كە كواڵیتی كەرەستەی بەشێك لە كۆمپانیا ئێرانییەكان نزمن.
لە پێشانگای نێودەوڵەتی سلێمانی كە هەفتەی پێشوو كۆتایی هات، كۆمپانیا ئێرانییەكان نەیانشاردەوە كە خراپترین ساڵیان 2018 بووە لەو پێشانگا ساڵانەیەدا. یەكێك لە نوێنەری كۆمپانیا ئێرانییەكان گوتی: "تەنانەت بایی كرێی گواستنەوەی كاڵا و هاتوچۆی خۆمان نەفرۆشتووە".

بەپێی ئامارەكانی یەكێتی هاوردە و ناردنكاران، لەو 3850 كۆمپانیا بیانیانەی لە هەرێمی كوردستان كاردەكەن، تەنیا 250 كۆمپانیایان ئێرانین و 1800 كۆمپانیاش توركین. ئەوە لەكاتێكدایە كە لە چەند ساڵی پێشوودا، نزیكەی 10%ی كۆمپانیاكانی هەرێمی كوردستان ئێرانی بوون. شێخ مستەفا عەبدولڕەحمان دەڵێ: "مەسەلەكە تەنیا كەمبوونەوەی كۆمپانیا ئێرانییەكان نییە، بگرە تێبینی دەكەین لەنێو بازاڕەكانی پارێزگای سلێمانی و هەڵەبجە، كەلوپەلی توركی زۆرتر بوون، بەڵام چەند كۆمپانیایەكی ئێرانی بڕیاریان داوە كەلوپەلی كواڵیتی بەرز رەوانەی كوردستان بكەن و نرخەكانیشیان هەرزانتر بكەن بۆ ئەوەی بازاڕ لەدەست نەدەن".


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)
Azad Azad | 19/02/2019 08:13:54 م
خودای گه‌وره‌ خائین و خاك فرۆش رسوا كات.
عەبادی داوای پاراستنی سەقامگیریی کەرکووک دەکات
| 19/2/2019 | (1)
Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)

لە بەشەکانی دیکەی رووداوەوە

رێككەوتنی واشنتن و پەكین نرخی نەوت بەرز دەكاتەوە؟ 20 کاژێر لەمەو بەر |

رێككەوتنی واشنتن و پەكین نرخی نەوت بەرز دەكاتەوە؟

ئیدارەی ترەمپ تەنیا چین بە هۆكاری كورتهێنانی زۆرتر
جێنیفێر لۆپێز وازهێنانی لە شەکر رادەگەیێنێت دوێنێ کاژێر 06:21 |

جێنیفێر لۆپێز وازهێنانی لە شەکر رادەگەیێنێت

جەستەی ئالوودەبووە بە شەکر زۆرتر
نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن دوێنێ کاژێر 03:09 |

نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن

هیچ یاسایەکی نێودەوڵەتی نییە بۆ پاراستنی ئەو زۆرتر
0.406 seconds