وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

4600 دۆنم زەوی دەستبەسەرداگیراو بۆ حکومەت گەڕێندراوەتەوە

لەلایەن گۆڤەند مستەفا 5/6/2016
...

رووداو - هەولێر 

لە کۆنفرانسێکی رۆژنامەڤانی سەرۆکی دەستەی وەبەرهێنان بەوەکالەت رایگەیاند" 4600 دۆنم زەوی دەستبەسەرداگیراو بۆ حکومەت گەڕێندراوەتەوە" و لە وەڵامێکی پەیامنێری رووداویش گوتی " لەکۆی کێشەکانی 15 پرۆژەی یەکەی نیشتەجێبوون، کێشەی 13-یان چارەسەر کراون".

د. نووری عوسمان، سەرۆکی دەستەی وەبەرهێنان بەوەکالەت رایگەیاند، بەداخەوە شەڕی داعش و قەیرانی دارایی و نەناردنی بودجە لەلایەن عێراقەوە کاریگەرییەکەی نێگەتیڤانە لە گشت لایەنەکانی ژیان کردووە لە هەرێمی کوردستان، لە گشت سێکتەرەکان، سێکتەری وەبەرهێنانیش لێی بەدەر نەبووە"  

نووری عوسمانی گوتی:" ئەگەر بەراوردێک لە نێوان ساڵی 2015 و 2013دا بکرێت، رێژەی وەبەرهێنان لە ساڵی 2015، 300% کەمترە بە بەراورد بە ساڵی 2013".

سەرۆکی دەستەی وەبەرهێنان بەوەکالەت گوتیشی:" لەو 7 مانگەی دوایی، دوو مانگی 2015 و 5 مانگی یەکەمی 2016، قەبارەی وەبەرهێنان 5 ملیار و 100 ملیۆن دۆلارە".

نووری عوسمان هەروەها گوتی " داوا لە گەشت وەبەرهێنەرانی ناوخۆیی و بیانی دەکەم لە هەرێمی کوردستان دەست بە پرۆسەی وەبەرهێنان بکەن و، حکومەتی هەرێمی کوردستان لە رێی دەستەی وەبەرهێنانەوە، لە رێگای گشت وەزارەتەکانەوە هەموو ئاسانکارییەک پێویست بۆ ئەنجامدانی پرۆژەکانی وەبەرهێنان دەخاتە بەر دەستی وەبەرهێنەران".

لەبارەی مۆڵەتی پرۆژەکانیش ئاماژەی بەوە کرد، لە مانگی 6ی 2006 تاوەکو ئێستا 751 مۆڵەت دراوە. قەبارەی سەرمایەی گشتی مۆڵەتی کارپێکراو، 47 ملیار و 220 ملیۆن دۆلار بووە.

نووری عوسمان هەروەها گوتی:" لەم 7 مانگەی دواییدا لە دەستەی وەبەرهێنان 40 مۆڵەتی وەبەرهێنان دراوە، قەبارەیان 5 ملیار و 265 ملیۆن دۆلارە، کە بە گشتی رێژەکەی دەگاتە 11%ی تێکڕای سەرمایەی گشتی وەبەرهێنان، کە تائێستا مۆڵەتی پێدراوە".

سەرۆکی دەستەی وەبەرهێنان بەوەکالەت رایگەیاند، بێگومان لەو 7 مانگەدا، کۆمەڵێک مۆڵەتمان هەڵوەشاندووەتەوە، جارانیش کۆمەڵێک مۆڵەت هەڵوەشێندراونەتەوە بەهۆی پابەندنەبوونی وەبەرهێنەران بە یاسا و رێنماییەکان، ئەو مۆڵەتانەی تائێستا هەڵوەشێندراونەتەوە 83 مۆڵەتی وەبەرهێنان و، 28 هەزار و 687 دۆنم زەوی گەڕاونەتەوە بۆ حکومەت".

نووری عوسمان گوتی:" لەو 7 مانگەدا، 32 مۆڵەت هەڵوەشێندراونەتەوە، لە هەولێر 14 پرۆژە، لە سلێمانی 9 پرۆژە و لە دهۆکیش 9 پرۆژە، ژمارەی ئەو زەویانەشی بۆ حکومەت گەڕاونەتەوە 2 هەزار و 250 دۆنم بووە، کە بۆ ئەو پرۆژانە تەرخانکرابوون". ئەوەشی خستەڕوو کە  نزیکەی 40 فایلیان داخستووە، بە هۆیەوە توانیویانە 2 هەزار و 357 دۆنم زەوی بۆ حکومەت بگەڕێننەوە.

هەروەها سەرۆکی دەستەی وەبەرهێنان بەوەکالەت ئاماژەی بەوەدا، بە تێکڕای ئەو زەویانەی لە ماوەی ئەو 7 مانگەدا بۆ حکومەت گەڕاوەتەوە، 4 هەزار و 600 دۆنم بووە، کە دەستی بەسەرداگیرابوو، "هەندێکیان بۆ ئەو پرۆژانە تەرخانکرابوون، کە مۆڵەتیان پێدرابوو ئەنجامیان نەبوو، هەندێکیشیان زەویان بۆ تەرخانکرابوو، بەڵام وەبەرهێنەرەکان بە یاسا و رێنماییەکان پابەند نەببوون، ناچار هەڵمانوەشاندەوە".

گوتیشی:"  لە کۆی 751 پرۆژە 207 پرۆژە بە رێژەی 100% بە سەرمایەی 7 ملیار و 558 ملیۆن دۆلار تەواوکراون".

سەرۆکی دەستەی وەبەرهێنان بەوەکالەت  رایگەیاند، یەکەمین سێکتەر لە هەرێمی کوردستان، کە وەبەر‌هێنانی تێداکراوە، سێکتەری پیشەسازییە، 198 مۆڵەت بە سێکتەری پیشەسازی دراوە، ئەو سەرمایەی بۆ ئەو سێکتەرە بەگەڕخراوە، بریتییە لە: 18 ملیار و 140 ملیۆن دۆلار. دوومین سێکتەر، پرۆژەی نیشتەجێکردنە، کە 148 هەزار و 742 یەکەی نیشتەجێبوون جێبەجێکراون، ئەوەی لە رێگەی سندووقی نیشتەجێبوون کراون، 20 هەزار و 910 یەکەی نیشتەجێبوونە، لە دەرەوەی سندووقی نیشتەجێبوون 137 هەزار و 832  یەکەی نیشتەجێبوونە.

لەکۆی 15 پرۆژەی یەکەی نیشتەجێبوون، کێشەکانی 13-یان چارەسەر کراون

لە وەڵامی پرسیارێکی پەیامنێری تۆڕی میدیایی رووداو، لەبارەی چارەنووسی ئەوانەی پارەیان داوەتە پرۆژەکانی نیشتەجێبوون، بەڵام تاوەکو ئێستا یەکەکانیان وەرنەگرتووە، سەرۆکی دەستەی وەبەرهێنان بە وەکالەت گوتی: "15 پرۆژەی یەکەی نیشتەجێبوون لە سەرانسەری کوردستان کێشەیان تێدابوو، لەو ژمارەیە 13 یان کێشەکانیان چارەسەرکراون، تەنیا هەردوو پرۆژەی دەشتی بەهەشت لە هەولێر و پرۆژەی کۆیە ستی لە شاری کۆیە، تائێستا کێشەیان چارسەر نەکراون، چونکە پارەیەکی زۆری پێویستە، بەهۆی قەیرانی داراییەوە رەنگە زۆر ئەستەم بێت ئێستا چارەسەر بکرێت".


نیشانەکردن : نووری عوسمان
5919 ژمارەی بینین

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

دلشاد | 23/02/2019 09:55:57 ص
بژی پێشکەوتنخوازی کوردان، بژی کوردستانی باشور
لە کوردستان 129 رێکخراو و کۆمەڵەی تایبەت بە مافەکانی ژنان هەن
| 13 کاژێر لەمەو بەر | (1)
Deioces | 23/02/2019 08:50:29 ص
ئاخر ئەو وڵاتە چۆن پێش ناکەوێت ، نابێت بە سەرمەشق و بە نمونە بۆ وڵاتانی تر. لێرە، کە گوتیان کاتژمێر 3 یانی 3:30. بۆیە کا کات دانرا بۆ دیدارێک یان...
وەزیرێکی ژاپۆن لە بەرامبەر دواکەوتن بۆ سێ خولەک داوای لێبووردن دەکات
| 23 کاژێر لەمەو بەر | (1)
ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)

لە بەشەکانی دیکەی رووداوەوە

میوەی بلوبێری ئەگەری نەخۆشییەکانی دڵ کەمدەکاتەوە 6 کاژێر لەمەو بەر |

میوەی بلوبێری ئەگەری نەخۆشییەکانی دڵ کەمدەکاتەوە

بەرێژەی %20 کەمتردەبێتەوە زۆرتر
 ئەو منداڵانەی پشتگوێدەخرێن، گەشەی مێشكیان دوادەکەوێت و یادەوەرییان لاوازدەبێت 8 کاژێر لەمەو بەر |

ئەو منداڵانەی پشتگوێدەخرێن، گەشەی مێشكیان دوادەکەوێت و یادەوەرییان لاوازدەبێت

زەبری دەروونی گۆڕانکاری لە پێکهاتەی فیزیکی و زۆرتر
 لە ئەڵمانیا پشکنینێکی خوێن بۆ دەستنیشانکردنی شێرپەنجەی مەمک دەدۆزرێتەوە 9 کاژێر لەمەو بەر |

لە ئەڵمانیا پشکنینێکی خوێن بۆ دەستنیشانکردنی شێرپەنجەی مەمک دەدۆزرێتەوە

زانکۆی هایدیلبێرگ: پشکنینەکە بە چەند سیسێك خوێن زۆرتر
0.421 seconds