وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

كرێی خوێندن قوتابیان لە ئەهلییەوە دەگەڕێنێتەوە بۆ حكومی

لەلایەن رەوا عەبدوڵڵا 7/12/2017
ساڵی رابردوو لە هەولێر زیاتر لە 1700 قوتابی گەڕاونەتەوە قوتابخانە حكومییەكان
ساڵی رابردوو لە هەولێر زیاتر لە 1700 قوتابی گەڕاونەتەوە قوتابخانە حكومییەكان

رووداو- هەولێر

ئەو قەیرانە داراییەی بەرۆكی هەرێمی كوردستانی گرتووە، زۆر لە دایكان و باوكانی ناچار كردووە منداڵەكانیان لە قوتابخانە ئەهلییەكانەوە بگوازنەوە قوتابخانەی حكومی، بە تایبەتی لە قۆناغەكانی باخچەی ساوایان و قۆناغی بنەڕەتی.

بەپێی ئاماری وەزارەتی پەروەردە، ساڵی رابردوو 670 قوتابی لە باخچەی ساوایان و 422 قوتابی لە قۆناغی بنەڕەتیی قوتابخانە ناحكومییەكان گەڕاونەتەوە باخچە و قوتابخانەی حكومی، بەم هۆیەشەوە سێ‌ قوتابخانەی بنەڕەتیی ناحكومی داخراون، بەڵام بارەكە لە قۆناغی ئامادەیی پێچەوانەیە، 1611 قوتابی قۆناغی ئامادەیی لە خوێندنی حكومییەوە چوونەتە ئامادەییە ناحكومییەكان، بەم هۆیەشەوە 6 ئامادەیی ناحكومی زیادیان كردووە.

عیسام عیسمەت، بەڕێوەبەری قوتابخانە و پەیمانگا ناحكومییەكان لە وەزارەتی پەروەردە، دەڵێت: "بەهۆی قەیرانی دارایی، لە ماوەی دوو ساڵی رابردوودا بە هەزاران دایك و باوك بەتایبەتی لە قۆناغی باخچەی ساوایان و بنەڕەتی ناچار بوون منداڵەكانیان لە باخچە و قوتابخانە ناحكومییەكان دەربهێنن و بیانگەڕێننەوە قوتابخانە و باخچە حكومییەكان". بەبڕوای ئەو بەرپرسەی وەزارەتی پەروەردە، ئەگەر بەشێكی هۆكارەكە قەیرانی دارایی بووبێ‌، بەشێكی دیكەی بەهۆی گرانیی كرێی خوێندنی ناحكومی بووە. 

بۆ كۆچی پێچەوانەی قوتابیانی ئامادەیی لە قوتابخانە حكومییەكانەوە بۆ قوتابخانە ناحكومییەكان ، عیسام دەڵێت "لەبەر دوو هۆكارە: بەشێكیان پێیانوایە مادام بە پارە دەخوێنن، ئاسانكارییان بۆ دەكرێت و نمرەیان بۆ زیاد دەكرێت. بەشێكیشیان بۆ هێنانی نمرەی بەرز روو لە قوتابخانە ناحكومییەكان دەكەن".

كرێی خوێندن بەگوێرەی كواڵیتی قوتابخانە ناحكومییەكان دەگۆڕێ، لە هەندێك قوتابخانە بۆ كرێی ساڵانەی خوێندنی قۆناغی بنەڕەتی، ملیۆنێك و 400 هەزار دینار وەردەگیرێ و لەهەندێ قوتابخانەش دەگاتە نزیكەی دوو ملیۆن و 400 هەزار دینار. كرێی ساڵانەی خوێندنی قۆناغی ئامادەییش لە هەندێ قوتابخانە ملیۆنێك و 600 هەزار دینارە، لە هەندێكیشیان 2 ملیۆن و 600 هەزار دینارە.

ئەگەر كرێ نزمەكە بە نموونە وەربگرین، كرێی خوێندنی قوتابی لە هەردوو قۆناغەكە 17 ملیۆن و 400 هەزار دیناری تێدەچێ‌، كرێ بەرزەكەش 29 ملیۆن و 400 هەزار دینار لەسەر دایك و باوك دەكەوێت، ئەمە بێجگە لە خەرجیی هاتوچۆ و كڕینی كتێب و پارەی خواردن لە قوتابخانە.

عیسام عیسمەت دەڵێت: "خەرجی خوێندنی قوتابی لە هەردوو قۆناغی بنەڕەتی و ئامادەیی لە قوتابخانە حكومییەكان كە لە ئەستۆی حكومەتە، هیچی كەمتر نییە لەو بڕە پارەیەی قوتابخانە ئەهلییەكان بۆ خوێندن لە قوتابی وەریدەگرن".

قوتابخانەی ژیاری ناحكومی كە لە دوو قوتابخانەی بنەڕەتی و دووی ئامادەیی پێكدێ‌، كرێی ساڵانەی قۆناغی بنەڕەتی دوو ملیۆن و 375 هەزار دینارە و ئامادەییش 2 ملیۆن و 625 هەزار دینارە.

شەیدا شاكر رەزا، بەڕێوەبەری قوتابخانەی ژیاری بنەڕەتی ناحكومی بە (رووداو)ی گوت  "قەیرانی دارایی كاریگەری زۆری لەسەر توانای بەخێوكەرانی قوتابیانمان هەبووە، پێشتر هەندێكیان كرێی خوێندنەكەیان بە یەكجار دەدا، بەڵام ئێستا وەك پێویست توانای دانی قیستەكانیان نییە، بۆیە وەك ئاسانكاری بۆ هەندێ لە بەخێوكەران كرێیەكەمان كردووەتە شەش قیست و مانگانە پارەكە دەدەن". 

لە قوتابخانەكەی شەیدا، ساڵی رابردوو 34 قوتابی چوونەتەوە قوتابخانەی حكومی. مامۆستا شەیدا دەڵێت: "بەپێی سیستەمی ئێمە ئەو قوتابیانەی لە قۆناغی 9ی بنەڕەتی لە قوتابخانەكانی خۆمان دەردەچن، ئەگەر نمرەكانیان لە 75 كەمتربێت، ئامادەیی وەریناگرێ‌، بۆیە ساڵی رابردوو 28 قوتابیمان بەهۆی وەرنەگرتن چوونەتە قوتابخانەی حكومی و 12 قوتابی دیكەش چوونەتە پەیمانگە ناحكومییەكان و 4 قوتابیشمان چوونەتە قوتابخانە ئەهلییەكانی دیكە، 6 قوتابی دیكەش لە قۆناغی 7 و 8 بەهۆی كرێی خوێندنەوە چوونەتە قوتابخانەی حكومی".  

سەرەڕای قەیرانی دارایی و بەرزیی نرخی خوێندن لە قۆناغی ئامادەیی ژیاری ناحكومی بە بەراورد بە قوتابخانەكانی دیكە، ساڵی رابردوو قوتابخانەیەكی دیكەی ئامادەیی كردەوە و 600 قوتابی وەرگرت.

شەیدا شاكر دەڵێت: "ماوەی دوو ساڵە ژمارەیەكی زۆر لە قوتابیانی دوا قۆناغی ئامادەیی قوتابخانە حكومییەكان روو لە قوتابخانەكەمان دەكەن، بەهۆی ئەو گوشارە زۆرەی لەسەر قوتابخانەكەمان هەبوو، ساڵی رابردوو قوتابخانەیەكی تازەمان كردەوە".

شەیدا گوتیشی "لەبەر ئەوەی زۆربەی مامۆستایانی دوا قۆناغی ئامادەیی، مامۆستای باشن و نمرەی بەرز لە قوتابخانەكەمان هاتووە، بۆیە هەندێك لە دایكان و باوكان لە جیاتی ئەوەی مامۆستای تایبەت بۆ منداڵەكانیان بگرن، دەیانهێننە قوتابخانەی ئێمە".

لە گەڕانەوەی قوتابیان لە قوتابخانە ناحكومییەكانەوە بۆ حكومییەكان، هەولێر پشكی شێری بەركەوتووە، ساڵی رابردوو 1714 قوتابی لەو دوو قۆناغە گەڕاونەتەوە باخچە و قوتابخانە حكومییەكان، بەپێچەوانەشەوە 1457 قوتابی لە قۆناغی ئامادەیی، چوونەتە قوتابخانە ناحكومییەكان.

كەژال جەلال تاهیر، بەڕێوەبەری باخچەی ساوایان و قوتابخانە و پەیمانگا ناحكومییەكان لە پەروەردەی گشتیی هەولێر دەڵێت: "هۆكاری گەڕانەوەی ئەم ژمارە زۆرەی قوتابیان لە باخچە و قوتابخانە بنەڕەتییە ناحكومییەكانەوە بۆ حكومییەكان، بەشێكی بۆ قەیرانی دارایی و دابەزینی داهاتی خێزانەكان دەگەڕێتەوە، بەشێكیشی بۆ گۆڕینی پرۆگرامی خوێندنی زیاتر لە 50 قوتابخانەی حكومی لە كوردییەوە بۆ ئینگلیزی". 

كەژال جەلال گوتی: "كاتێك دایك و باوكی قوتابی دەبینێ لە قوتابخانەیەكی حكومی هاوشێوەی قوتابخانە ئەهلییەكان پڕۆگرامەكانی خوێندن كراونەتە ئینگلیزی و گرنگی بەقوتابیان دەدرێ، منداڵەكەی دەگوازێتەوە بۆ قوتابخانەی حكومی".  

قوتابخانەی شیاوی ناحكومی یەكێكی دیكەیە لە قوتابخانە ناحكومییەكانی شاری هەولێر و خوێندن لەم قوتابخانەیە لە قۆناغی بنەڕەتی و ئامادەیی ملیۆنێك و 600 هەزار دینارە، ئەم قوتابخانەیە 482 قوتابی قۆناغی بنەڕەتی و 140 قوتابی قۆناغی ئامادەیی هەیە.

بژار رەشاد ئەحمەد، بەڕێوەبەری قوتابخانەی شیاوی بنەڕەتی ناحكومی دەڵێت: "قوتابخانەكەمان لە سنووری گەڕەكی هەڤاڵانە، باوك و دایكی زۆربەی قوتابییەكان باری داراییان مامناوەندە، بەشی زۆریان مووچەخۆرن، بۆیە گرفتی زۆریان لە دانی قستەكانی خوێندن هەیە. بەپێی سیستەم دەبێت بەخێوكەری قوتابی كرێی خوێندن بە دوو قیست بدات، بەڵام ئێمە وەك ئاسانكاری قیستەكانمان كردووە بە 4- 6 قیست، لەگەڵ ئەوەشدا دایك و باوكی 20 قوتابی ساڵی رابردوو نەیانتوانی تەواوی قیستەكان بدەن".

هەرچەندە كرێی خوێندنیان دابەزاندووە و ئاسانكاری زۆریان بۆ دانی قیستەكان كردووە، بەڵام سەرەڕای ئەوەش ساڵی رابردوو 24 قوتابی ئەوان چوونەتەوە قوتابخانە حكومییەكان.


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

سید عبیداله رحمن | 15/10/2018 06:07:32 م
ده سخوش پارتی زور غه در خه یانه تی لیکراوه به لام له به رانبه ر خه لکی کوردستان و میژووی گه له که ی و ئازادیخوازانی جیهاندا سه ربه رز و سه رفیرازه و...
Rebwar | 15/10/2018 08:33:31 م
Dastxosh
سەفقەی سەرۆککۆمار
| 15/10/2018 | (4)
سید عبیداله رحمن | 15/10/2018 06:17:16 م
کاک "هیمن" ده سخوش به داخه وه راستی بو چوی "پیاو عیلاجی نه بی به حه لیفی دایکی ده لی خاله "!وادیاره کوردستان ده که ویته ده ستی جیلیکی نوی تاله بانی و...
پۆست شازدەی ئۆکتۆبەر
| 15/10/2018 | (1)
Rebwar | 15/10/2018 12:42:26 م
Dastxosh
Darbaz | 15/10/2018 04:36:05 م
هيچيان لة هيچيان باشتر نينه
ئەوجارە پارتی لوغمی چاندووە
| 15/10/2018 | (5)
حه مه ره سول | 06/10/2018 05:16:54 م
نوسينه نه كانت خوى قوتابخانه يه كه به راستى حسن علوي راستى فه رمووه كه وه سفى نوسينه كانتى كردوه وه وتوويه تى( لم يلد ولم يولد) منيش هاورام و ده...
کاوسێن | 15/10/2018 02:57:06 م
هیوادارم ئەم نوسینەی تۆ ببێتە سەرەتایەک بۆ نوسینەوەو ئاشکراکردنی ئەو بەسەر هاتانەی بەسەر کادیر وئەندامانی کۆمەڵەدا هات لەسەر جیاوازی بیروراو هەلوێستی...
كۆمیته‌ی هه‌رێمه‌كان هه‌ڵوه‌شایەوە.. یان هه‌ڵیانوه‌شانده‌وه‌ ؟
| 5/10/2018 | (5)

لە بەشەکانی دیکەی رووداوەوە

نەوجەوانانی هەژار زۆرتر تووشی نەخۆشییەکانی دڵ دەبن 13 کاژێر لەمەو بەر |

نەوجەوانانی هەژار زۆرتر تووشی نەخۆشییەکانی دڵ دەبن

هەژارەکان زۆرتر جگەرە دەکێشن و کەمتر وەرزش دەکەن زۆرتر
لە پەرلەمانەکانی ئەوروپا خانمان رووبەڕووی هەراسانکردنی دەروونی و سێکسی دەبنەوە 16 کاژێر لەمەو بەر |

لە پەرلەمانەکانی ئەوروپا خانمان رووبەڕووی هەراسانکردنی دەروونی و سێکسی دەبنەوە

خانمانی پەڕلەمانتار و کارمەندانیش وایان گوتووە زۆرتر
ئاژانسەکانی یوئێن داوادەکەن چیدیکە پشکنینی کچێنی ئەنجامنەدرێت دوێنێ کاژێر 01:00 |

ئاژانسەکانی یوئێن داوادەکەن چیدیکە پشکنینی کچێنی ئەنجامنەدرێت

"بنەمای زانستی نییە و جۆێکە لە سووکایەتی" زۆرتر
0.406 seconds