وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

پرۆژەی فلۆریا ستی دەدرێتە وەبەرهێنەرێكی دیكە

لەلایەن شکار ئەحمەد 12/2/2019
گرێبەستی 730 كەس لە فلۆریا ستی هەڵدەوەشێنرێتەوە
گرێبەستی 730 كەس لە فلۆریا ستی هەڵدەوەشێنرێتەوە

رووداو- هەولێر

لە هەولێر چەند پڕۆژەیەكی شكستخواردووی وەبەرهێنان لە وەبەرهێنەر وەردەگیرێنەوە، هەندێكیان رادەستی وەبەرهێنەری دیكە دەكرێن و چارەنووسی چەند پڕۆژەیەكیش هێشتا دیار نییە.

نزیكەی 8000 یەكەی نیشتەجێبوون لە پێنج پڕۆژەی وەبەرهێنان كێشەیان هەیە، بەهۆی ئەم پرۆژە شكستخواردووانەوە فەرمانی دەستگیركردن بۆ شەش وەبەرهێنەر دەرچووە. یەكێ لە پرۆژە فاشیلەكانی وەبەرهێنان پڕۆژەی فلۆریا ستی-یە كە لە محەممەد نەورۆزی وەرگیراوەتەوە و دراوە بە كۆمپانیای ساوس كوردستان، بەڵام سەدان كەس كە شوققە و ڤێلایان لە فلۆریا ستی كڕیوە، پارەكانیان دەفەوتێ.

ئەبوبەكر یاسین، دوو ڤێلای لە فلۆریا ستی بە 420 هەزار دۆلار كڕیوە، لەبەرئەوەی پارەكەی بە كاش داوە، هەموو پارەكانی دەفەوتێ، ئەبوبەكر بە (رووداو)ی گوت: "ساڵی 2015 گرێبەستم لەگەڵ كۆمپانیای راد كردووە، دوو ڤێلام لە فلۆریا ستی كڕیوە، ئێستا پڕۆژەكە لەو كۆمپانیایە وەرگیراوەتەوە، دەستەی وەبەرهێنانیش دەڵێ ئەو گرێبەستانە بەتاڵن و هیچ مافێكتان لە فلۆریا ستی نییە".

بەگوتەی ئەبوبەكر، 700 كەس كە گرێبەستیان لەگەڵ كۆمپانیای راد كردووە لە فلۆریا ستی و پارەكەیان بە كاش داوە، گرێبەستەكەیان رەتكراوەتەوە. تەنیا ئەوانە كێشەیان نییە كە پارەیان لە بانك داناوە.

ئەبوبەكر دەڵێت: "لە دەستەی وەبەرهێنان پێیانگوتین قسەكردن لەگەڵ ئێمە وەك كوتانی ئاسنی ساردە، بچن یەخەی كۆمپانیاكە بگرن كە گرێبەستیان لەگەڵ واژۆ كردوون، چونكە هیچ یەكەیەكی نیشتەجێبوونتان لە فلۆریا ستی نییە".

بەهۆی پابەندنەبوونی كۆمپانیاكە بە بڕیاری سەرۆكی حكومەت، مۆڵەتی كۆمپانیای راد هەڵوەشێنرایەوە، بەڵام محەممەد نەورۆزی، بەڕێوەبەری گشتیی كۆمپانیای راد دەڵێت: "70%ی ئەو زانیاریانەی لەبارەی پڕۆژەكە بە سەرۆكی حكومەت دراون هەڵەن، بەو هۆیەوە 730 كەس كە گرێبەستیان لەگەڵ ئێمە كردووە تووشی كێشە بوون و مافیان دەفەوتێ".

نەورۆزی دەڵێت، لەگەڵ دەستەی وەبەرهێنان دانیشتووە، بەڵام نەگەیشتوونەتە هیچ چارەسەرێك، چونكە پێیوایە سەرۆكی دەستەكە "كێشەی شەخسی" لەگەڵ ئەودا هەیە.

دوای هەڵوەشاندنەوەی، دەستەی وەبەرهێنان مۆڵەتی بە كۆمپانیای ساوس كوردستان داوە پڕۆژەكە تەواو بكات. سامان عارەب، بەڕێوەبەری گشتیی وەبەرهێنان لە هەولێر دەڵێت: "فلۆریا ستی دوو جار مۆڵەتی وەبەرهێنانی پێدرا، مۆڵەتێك لە ساڵی 2010، بەڵام وەبەرهێنەرەكە پابەند نەبوو، بۆیە ساڵی 2012 مۆڵەتەكەی هەڵوەشایەوە. دواتر مانگی 12ی 2015 مۆڵەتی پێدرایەوە و دەبوو لە ماوەی سێ‌ ساڵ و نیودا پرۆژەكە تەواو بكات، بەڵام داری لەسەر بەرد دانەنا، بۆیە لە 9/1/2018 بە بڕیاری سەرۆكی ئەنجوومەنی باڵای وەبەرهێنان كە سەرۆكی حكومەتیشە، مۆڵەتەكەی هەڵوەشایەوە".

سامان عارەب گوتیشی: "بڕیارە كۆمپانیای ساوس كوردستان لە ماوەی 8 مانگدا پرۆژەكە تەواو بكات و رادەستی خاوەن یەكەكان بكرێت، پڕۆژەكە 1730 ڤیلا و شوقە بووە، بەڵام بەپێی ئەو داتایانەی هاتوونەتە لای ئێمە، تەنیا 1552 كەس مامەڵەكەیان دروستە و دەتوانن لە پڕۆژەكە سوودمەند بن".

سەبارەت بەو كەسانەشی كە راستەوخۆ گرێبەستیان لەگەڵ كۆمپانیای راد كردووە، سامان عارەب گوتی: "بەشێكیان راستەوخۆ گرێبەستیان لەگەڵ وەبەرهێنەرەكە كردووە، پارەی كاشیان داوە، ئەوانە لەلای ئێمە پەسەند نین، چونكە پێچەوانەی هەردوو رێنماییەكانی ئەنجوومەنی باڵای وەبەرهێنانە كە نابێت كڕیار بەشێوەی كاش پارە بداتە وەبەرهێنەر. ئەو كەسانە دەتوانن لە رێگەی دادگاوە مافی خۆیان لە وەبەرهێنەر وەربگرنەوە".

بەڵام محەممەد نەورۆزی لە دادگا سەدان سكاڵای لەسەر تۆمار كراوە. سامان عارەب دەڵێت: "ئەو وەبەرهێنەرە كێشەی دیكەشی هەیە، تەسفیەی قەرزی دەرەوەی پڕۆژەكەی لەسەر حیسابی پڕۆژەكە كردووە، هەندێك گرێبەستیشی پێش پێدانی مۆڵەتی پڕۆژەكە كردووە، بۆیە ئێستا بە دەیان ملیۆن دۆلاری ئەو كەسانەی لەلایە كە گرێبەستیان لەگەڵ كردووە".

لە هەولێر چوار پڕۆژەی دیكەش ماون كە كێشەیان هەیە، سامان عارەب دەڵێ: "هێشتا لە هەولێر چوار پڕۆژە ماون كە كێشەی زۆر گەورەیان تێدایە و بە هەموویان نزیكەی 8 هەزار یەكەی نیشتەجێبوون لەخۆدەگرن، ئەوانیش بریتین لە پڕۆژەكانی (دەشتی بەهەشت، مەم و زین، زێڕین و كۆیە ستی)، ئەمانە بەدەیان ملیۆن دۆلاری خەڵكیان لەلایە".

دەشتی بەهەشت یەكێكە لە پڕكێشەترین پڕۆژەكانی دەستەی وەبەرهێنان كە هیچ وەبەرهێنەرێك ناوێرێ‌ خۆی لەقەرە بدات، سامان عارەب دەڵێ: "ساڵی 2015 سەرۆكی حكومەت بڕیاری دا هەر وەبەرهێنەرێك پڕۆژەكە تەواو بكات، پڕۆژەیەكی هاوشێوەی دەشتی بەهەشتی پێدەدرێت، 5 وەبەرهێنەر بە توانایەكی زۆر باشەوە هاتنەپێش و هەندێكیان وەبەرهێنەری بیانی بوون، بەڵام بەهۆی شەڕی داعشەوە دڵنیا نەبوون لە وەرگرتنی پڕۆژەكە، ئێستا دۆخەكە بەرەو باشی دەچێت، لە پەیوەندیداین لەگەڵیان، بەڵام نەگەیشتووینەتە ئەوەی گرێبەست بكەین". بە گوتەی سامان عارەب، تەواوكردنی پرۆژەی دەشتی بەهەشت پێویستی بە 81 ملیۆن دۆلارە.

سامان عارەب دەڵێ: "لە سنووری هەولێر زیاتر لە 6 وەبەرهێنەر فەرمانی دەستگیركردنیان هەیە، یەكێكیان روشدی سەعیدە".

پڕۆژەی مەم و زینیش یەكێك بوو لەو پڕۆژانەی كێشەی زۆری تێدابوو، سامان عارەب گوتی: "مۆڵەتی مەم و زین هەڵنەوەشاوەتەوە، وەبەرهێنەرەكە بەڵێنی داوە لە ئایندەیەكی زۆر نزیكدا كار لە پرۆژەكەدا بكات، قەرەبووی خەڵكەكەش بكاتەوە".

شاری زێڕین یەكێكی دیكەیە لەو پڕۆژانەی كێشەی زۆری تێدایە. سامان عارەب دەڵێ‌: "خاوەنەكەی هەڵاتووە بۆ دەرەوەی عێراق، بڕیاری دەستگیركردنی هەیە. خاوەنەكەی مامەڵەی بە هەندێك یەكەی نیشتەجێبوون كردووە كە وجودیان نەبووە، شوقەی لە نهۆمی 12ی باڵەخانەكە فرۆشتووە، لەكاتێكدا خۆی 8 نهۆمە". 

ئێستا پرۆژەی شاری زێڕین لەلایەن كۆمپانیای سادیار تەواو دەكرێ‌.

سەبارەت بە چارەنووسی پرۆژەكانی كۆیەستی و چاودێر ستی كە وەبەرهێنەرەكەیان خۆی كوشت. سامان عارەب گوتی: "كێشەی چاودێر ستی چارەسەر كراوە، تەنیا 83 كەس كێشەیان ماوە، ئەویش بە فەرمانی سەرۆكی حكومەت شوقەیان بۆ دروستدەكرێ، بەڵام كێشەی كۆیەستی هێشتا چارەسەر نەكراوە".


کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : فلۆریا ستی
2969 ژمارەی بینین

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Srur barzani | 11/02/2019 03:00:29 م
زۆر سوپاسی ئەم مامۆستایە و برایە دەکەم بە راسی ئەوە کارێکە کە بۆ کەسێک و دوو کەس نیە بۆ میلەتێکە ئەو کارە ئینشاللە بە هیوای سەرکەوتن و کاری باشتر و...
گەنجێک هەوڵدەدات شێوەزاری سۆرانی بۆ گوگڵ زیادبکات
| 11/2/2019 | (1)
hershhaji | 11/02/2019 02:53:55 م
باشە لێرەدا پرسیار ئەوە یە ئەی چۆن بڕوانامەی پۆلی ۱۱ و۱۲یان داوەتێ ؟؟؟؟
قوتابییەك لە زانكۆوە دەگەڕێندرێتەوە ئامادەیی
| 11/2/2019 | (1)
Rebwar | 11/02/2019 01:53:12 م
Dastxosh
پارتی دەبێ خۆی لەو داوە رزگار بكات
| 11/2/2019 | (1)
Adnan sherwani | 11/02/2019 12:16:27 م
كاك قوباد باسی لیڤەرپول دەكات لە بەر ئەوەی زۆر دەناڵێنن لە دەستی گەورەكەی ئینگلتڕا ولە 24 مانگ دوبارە لێتان دەبەینەوە لە ناو ئۆلتڕافۆرد
قوباد تاڵه‌بانی: سندان له‌ لیڤه‌رپوول
| 10/2/2019 | (1)

لە بەشەکانی دیکەی رووداوەوە

خەوی باش، سیستەمی بەرگری جەستە بەهێزدەکات دوێنێ کاژێر 06:53 |

خەوی باش، سیستەمی بەرگری جەستە بەهێزدەکات

سیستەمی بەرگری وەڵامدانەوەی باشترە زۆرتر
دەرمانێکی نوێ بۆ چارەسەری خەمۆکی پەسند دەکرێت دوێنێ کاژێر 05:33 |

دەرمانێکی نوێ بۆ چارەسەری خەمۆکی پەسند دەکرێت

بەشێوەی سپڕای لووت بەکاردەهێنرێت زۆرتر
 منداڵێك بۆ چارەسەر لە سکی دایکی دەردەهێندرێت و دواتر دەخرێتە شوێنی خۆی 12/2/2019 |

منداڵێك بۆ چارەسەر لە سکی دایکی دەردەهێندرێت و دواتر دەخرێتە شوێنی خۆی

لەرێگەی سۆنار دەرکەوتووە کۆرپەکە تووشی نەخۆشیی زۆرتر
0.235 seconds