وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

هیندستان دەستبەرداری نەوتی ئێران نابێت

لەلایەن رووداو 15/3/2019
هیندوستان بۆ بەخشینی لە سزاكانی سەر ئێران لەگەڵ ئەمریكا دانوستاندن دەكات
هیندوستان بۆ بەخشینی لە سزاكانی سەر ئێران لەگەڵ ئەمریكا دانوستاندن دەكات

رووداو-هەولێر

هیندوستان دەیەوێ درێژە بە كڕینی نەوتی ئێران بدات، بۆ ئەوەش لەگەڵ ئەمریكا دەستی بە گفتوگۆ كردووە تاوەكو رێگە بە پاڵاوگەكانی وڵاتەكەی بدات لە دوای مانگی نیسانیش بەو ئاستەی ئێستا نەوت لە تاران بكڕن، سەرچاوە ئاگادارەكان دەڵێن هیندییەكان داوای درێژكردنەوەی ماوەی ئەو چاوپۆشییە شەش مانگییە دەكەن كە بۆ كڕیارە سەرەكییەكانی نەوتی ئێران دەركرابوو.

حكومەتی نیودلهی لە نۆ مانگی رابردوودا ئاستی هاردەی نەوتی ئێرانی نیوە كردووە و ئێستا رۆژانە 300 هەزار بەرمیل نەوت لەو وڵاتە دەكرێ، بەڵام بەرپرسێكی باڵای هیندوستان بە ئاژانسی (رۆیتەرز)ی راگەیاند كە حكومەتەكەی ماوەیەكە لە گفتوگۆدایە لەگەڵ ئەمریكییەكان، تاوەكو ماوەی لێخۆشبوون لە كڕینی نەوتی ئێرانیان بۆ درێژ بكەنەوە.

داواكەی حكومەتی هیندوستان لە كاتێكدا دێ كە ململانێی بازرگانی لە نێوان نیودلهی و واشنتن دەستیپێكردووە. ئیدارەی كۆشكی سپی بەنیازە كۆتایی بە مامەڵەی تایبەتی وڵاتەكەی لەگەڵ كاڵا هیندییەكان بهێنێ‌ كە رێگە بەوە دەدات كاڵاكانی هیندوستان بێ گومرك بێنە ناو خاكی ئەمریكاوە. رێوشوێنەكە لە چوارچێوەی سیستەمێكی گشتی بازرگانی و گومركدا دانراوە، بە گوێرەی ئەو رێوشوێنەش لە ساڵی 1970 وە بەبڕی 5.6 ملیار دۆلار كاڵا لە هیندوستانەوە هەناردەی ئەمریكا دەكرێ بێ ئەوەی گومركیان لەسەر دابنرێ. ئەوە توندترین رێوشوێنی بازرگانییە كە ترەمپ لە دوو ساڵی رابردووی دەسەڵاتی خۆیدا لەدژی هیندوستان گرتبێتیەبەر. 

قۆناغی دووەمی سزا ئەتۆمییەكانی ئەمریكا لەدژی ئێران لە تشرینی دووەمی 2018 وە كاریان پێدەكرێ كە سەرچاوەكانی بەرهەمهێنانی وزەی ئێرانی دەگرێتەوە. هەر ئەوكات حكومەتی ئەمریكا رێگەی بە هەشت وڵات دا بۆ ماوەی شەش مانگی دیكە نەوت لە ئێرانەوە هاوردە بكەن. لە چوار مانگی رابردوودا ئیدارەی كۆشكی سپی هەر یەك لە چین، هیندوستان، ژاپۆن، كۆریای باشوور، تایوان، توركیا، ئیتاڵیا و یۆنانی هانداوە بەرەبەرە هاوردەی نەوتی خۆیان لە ئێران كەم بكەنەوە. ماوەی لێخۆشبوونەكە لە سەرەتای مانگی ئایارەوە تەواو دەبێ.

ڤیسەنت كامپۆس، گوتەبێژی نووسینگەی وزەی وەزارەتی دەرەوەی ئەمریكا لە لێدوانێكدا بۆ (رۆیتەرز) ئامادە نەبووە پشتڕاستی بكاتەوە كە هیندوستان داوای درێژكردنەوەی ماوەی لێخۆشبوونەكە دەكات، بەڵام جەختی لەوە كردەوە كە واشنتن لەگەڵ هەشت وڵاتەكەی دیكەدا سەرقاڵی دانوستاندنە بۆ ئەوەی هاوردەی نەوتیان لە ئێرانەوە بگەیەننە سفر.

هەفتەی رابردوو حكومەتی كۆریای باشوور كە چوارەم كڕیاری نەوتی ئێرانە لە ئاسیا، رایگەیاند كە بەرپرسێكی وەزارەتی دەرەوەی ئەمریكا سەردانی سیئۆلی كردووە بۆ ئەوەی باسی سزاكانی سەر ئێران بكەن. دەیڤد پەیمان، یاریدەدەری بریكاری وەزارەتی دەرەوە بۆ كاروباری سزاكان، لەگەڵ بەرپرسانی كۆریا كۆبووەتەوە.

بەپێی بەیاننامەیەكی وەزارەتی دەرەوەی كۆریای باشوور كاربەدەستە ئەمریكییەكە پێشنیازی كردووە لە دانوستاندنەكانیان لەبارەی درێژكردنەوەی ماوەی لێخۆشبوونەكە و وردەكاری بازرگانی كۆمپانیا كۆرییەكان لەگەڵ ئێران، بەردەوام بن.

پێش دەرچوونی ئەمریكا و گەڕانەوەی سزا ئەتۆمییەكان، ئێران رۆژانە نزیكەی سێ‌ ملیۆن بەرمیل نەوتی هەناردە دەكرد، ئێستا هەناردەی نەوتی ئەو وڵاتە بۆ یەك ملیۆن هەتا 1.25 ملیۆن بەرمیل لە رۆژێكدا دابەزیوە. 

بەرپرسێكی حكومەتی هیندوستان جەختی لەوە كردووەتەوە دەیانەوێ هەتا پێش هەڵبژاردنە گشتییەكانی وڵاتەكەی لە مانگی ئایار، وەڵامی یەكلاكەرەوە لە واشنتن وەربگرن.

پێش مانگی تشرینی دووەمی رابردوو، ئۆپێك و رووسیا چاوەڕێیان دەكرد بەهۆی دەستپێكردنی قۆناغی دووەمی سزاكانەوە ئاستی هەناردەی نەوتی ئێران زیاتر لەوەی ئێستا دابەزێ و نرخەكانی نەوتیش بەرز ببنەوە، بەڵام دوای بڕیاری لێخۆشبوونەكە بۆ هەشت وڵاتەكە، بازاڕەكانی نەوت شۆك بوون و ئۆپێك و هاوپەیمانەكانی ناچاربوون جارێكی دیكە بڕیاری كەمكردنەوەی ئاستی بەرهەمهێنان بدەن. ئەگەر ئەمریكا ماوەی لێخۆشبوونەكە درێژ بكاتەوە، كاریگەری لەسەر هاوسەنگیی نەوتی بازاڕەكان دروستدەكات.

ئێستا ئێران حەوتەم دابینكاری نەوتی هیندوستانە، بەڵام پێش گەڕانەوەی سزاكانی ئەمریكا ئەو وڵاتە لە پلەی سێیەمی وڵاتانی هەناردەكاری نەوت بۆ هیندوستان بوو.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

داود | 24/03/2019 05:53:24 ص
زۆر بە داخەوە بۆ خەلکی مووسلی بەڕێز،هاوخەمی لێقەوماوین،زوای گەورە دلنەوایی و ئارامییەن پێ ببەخشێت،خوا تۆلەیان لە سیاسی و دەسەلاتدارانی بەغدای عیراق...
120 تەرم لە رووباری دیجلە دەرهێنراون
| دوێنێ کاژێر 11:22 | (1)
ئەحمەد | 24/03/2019 05:19:56 ص
بەردێک نەزانێک بیخاتە گۆمەوە، بە دە زانا، دەرنایەتەوە. باشترین چارەسەر قەدەغەکردنی یەکجارەکی دیاردەی چەکدارییە.
دوو ئامۆزا لەسەر كێشەیەكی بچووك دەكوژرێن
| 22/3/2019 | (1)
Azad Azad | 22/03/2019 10:34:07 ص
پیرۆز بێت له‌ روداو و خانمه‌ جوانه‌كه‌ی روداو به‌ڕێز ئاڵا شاڵی به‌راستی شایانی ئه‌و ناسنامه‌یه‌یه‌ هه‌ر سه‌ر كه‌وتو بن.
ئه‌نجوومەنی یەكێتی ئەوروپا وێنەی ئاڵا شاڵی لە پێشانگەکەیدا دادەنێت
| 22/3/2019 | (1)

لە بەشەکانی دیکەی رووداوەوە

هەنگاوەکانی وازهێنان لە جگەرەکێشان 4 کاژێر لەمەو بەر |

هەنگاوەکانی وازهێنان لە جگەرەکێشان

جێگرەوەکانی نیکۆتین بەکاربهێنە زۆرتر
تەندروستی جیهانی  داوادەکات ریکلامی جگەرە و تووتن قەدەخەبکرێت 5 کاژێر لەمەو بەر |

تەندروستی جیهانی داوادەکات ریکلامی جگەرە و تووتن قەدەخەبکرێت

نابێت سپۆنسەریکردنی یانەکانی پێشبڕکێ لەلایەن زۆرتر
0.313 seconds