وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

ساڵێک دوای کودەتا؛ ئابووریی تورکیا بووژاوەتەوە

لەلایەن رووداو 16/7/2017
ئابووری تورکیا لە سێ مانگی یەکەمی ئەمساڵدا بەڕێژەی 5% گەشەی کردووە
رووداو - هەولێر

دوای تێپەرینی ساڵێک بەسەر کودەتا شکستخواردووەکەی تورکیا، بەرپرسانی ئابووریی ئەو وڵاتە سەرکەوتوو بوون لە سیاسەتەکانیان لە رەواندنەوەی کاریگەرییەکانی کودەتا لەسەر ئابووری تورکیا.

ئابووری تورکیا لە سێ مانگی یەکەمی ئەمساڵدا، توانی گەشەی 5% تۆماربکات و، ببێتە یەکێک لە هەرە وڵاتە باشەکان لە جیهاندا، کە توانیویەتی ئەو گەشە بەرچاوە تۆماربکات.

رۆژی 15-7-2016 لەکاتی کودەتاکەی تورکیا، یەک دۆلار بە دوو لیرە و 90 قرووش مامەڵەی پێوەدەکرا، هەرچەندە چاوەڕوان دەکرا بەهای لیرە دوای کودەتاکە زۆر دابەزێت، بەڵام تاوەکو مانگی 11، هەر دۆلار بە سێ لیرە مامەڵەی پێوەدەکرا و، تاوەکو ئەو کاتە، دابەزینی بەرچاوی تۆمارنەکرد.

شەپۆلی گۆڕینەوەی دۆلار بە لیرەی تورکی لەلایەن خەڵکەوە، یەکێک لە هۆکارەکانی راگرتنی بەهای لیرە بوو، دوای ئەوەی سەرکردەکانی ئەو وڵاتە بانگەوازیان کرد، زێڕ و دراوە بیانییەکانیان بە لیرە بگۆڕنەوە.

سەرەڕای ئەوە لە 27ـی یەکی ئەمساڵەوە، بەهای لیرە بەرامبەر دۆلار دابەزینی گەورەی تۆمارکرد و، هەر دۆلارێک بە سێ لیرە و 87 قرووش مامەڵەی پێوەدەکرا.

بانکی ناوەندی تورکیا هەرزوو دەستتێوەردانی کرد و، بە بەرزکردنەوەی سوودی بانکی، نەیهێشت بەهای لیرە بەرابەر بە دۆلار لەو ئاستە زیاتر دابەزێت.

پێنوێنی بۆرسەی ئیستەنبوڵ، کە لە رۆژی کودەتاکەدا لە ئاستی 82 هەزار و 825 خاڵ بوو، دوای کودەتا دابەزی بۆ 71 هەزار و 594 خاڵ. 

دابەزینی بۆرسەی ئیستەنبوڵ بە درێژایی ساڵی 2016 بەردەوام بوو، بەڵام دوای گشتپرسییەکەی گۆڕینی دەستوور لە تورکیا لە مانگی چواری ئەمساڵدا، ئاراستەکەی گۆڕی و بەرە و بەرزبوونەوە رۆیشت، بە چەشنێک کە لە مانگی پێنجدا گەیشتە سەرووی 100 هەزار خاڵ و، بووە یەکێک لە باشترین بۆرسەکانی جیهان لەڕووی خێرایی بەرزبوونەوەی بەهای پشکەکانی.

سەرەڕای کاریگەرییە نەرێنییەکانی کودەتاکە لەسەر دوورکردنەوەی وەبەرهێنەری بیانی لە تورکیا، ئەو وڵاتە لە ساڵی 2016ـدا توانی بڕی 12 ملیار و 300 ملیۆن دۆلار وەبەرهێنانی بیانی بەلای خۆیدا راکێشێت.

لە پێنج مانگی سەرەتای ئەمساڵیشدا، قەبارەی وەبەرهێنانی بیانی لە تورکیا گەیشتووەتە چوار ملیار و 700 ملیۆن دۆلار. بەوپێیەش: قەبارە وەبەرهێنانی بیانی لە تورکیا لەو ماویەدا بەراود بە ساڵی رابردوو بەرێژەی 11%  بەرزبوونەوەی بەخۆیەوە بینیوە.

ئەردە ئەرمۆت، سەرۆکی دەستەی وەبەرهێنانی تورکیا دەڵێ، پێنوێنە ئابوورییەکانی تورکیا ئەوە دەردەخەن، کە ئابووری ئەو وڵاتە بەرامبەر بە هەرچەشنە پاشەکشەیەک توانای بەرگری هەیە و دەتوانێت لەسەر پێی خۆی بووەستێت.

بەبڕوای شرۆڤەکاران، سیاسەتەکانی حکومەتی تورکیا لە نەهێشتنی کاریگەرییە ئابوورییەکانی کودەتا سەرکەوتوو بوون و، ئابووری تورکیا توانای گەشەکردنی بەردەوامی هەیە.

 

پێداچوونەوە: هەڵات رێبوار


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

سیامک | 18/06/2018 10:47:44 ص
کاک مولوی ئاگادار بیت کوردوستانیش 20 دولار له هه ر گه شتیاریکی ئیرانی وه ر ده گریت بو هاتنه هه ریمی کوردستان
 ژمارەی گەشتیارانی ئێران و رۆژهەڵاتی کوردستان بۆ هەرێمی كوردستان كەمیكردووە
| 8 کاژێر لەمەو بەر | (1)
جوتیار هەورامی | 18/06/2018 10:40:04 ص
به راستى خوپيشاندان سيستةمى ناشةرعى و غةربية جگة لة كاولكارى و ويرانكارى و مايةپوچ بوون هيچى ترى لي بةرهةم ناييت
  چیرۆکی یەکێک لەو گەنجانەی بووە هۆی سەرهەڵدانی خۆپیشاندان لە دەرعا
| 9 کاژێر لەمەو بەر | (1)
شازاد سیروان | 16/06/2018 08:07:38 م
پێم وا نییە جەنابیشت شارەزای زمان بیت. هەندێ لە بۆچوونەکان تەنیا قسەی بازاڕین و هیچی دی. ئێستا ئەو دەرفەتەم نییە هەموو هەڵەکانتان ڕاست بکەمەوە. دەڵێی...
احمد خسن زێڕۆ | 18/06/2018 08:45:33 ص
ده‌ستخۆش مامۆستای هێژا به‌ڕاستی به‌ نرخ بوو ئه‌م جۆره‌ بابه‌تانه‌ زۆر پێویستن ، ڕاگه‌یاندن له‌م باره‌یه‌وه‌ كه‌مو كوڕی زۆره‌ كه‌ تا ئێستا وه‌كو...
تکایە بەرۆکی زوانی کوردی بەردەن
| 14/6/2018 | (5)

لە بەشەکانی دیکەی رووداوەوە

ئەوانەی زوو لە خەو رادەبن کەمتر تووشی خەمۆکی دەبن 2 کاژێر لەمەو بەر |

ئەوانەی زوو لە خەو رادەبن کەمتر تووشی خەمۆکی دەبن

توێژینەوەیەکی زانستی دەریخستووە زۆرتر
 ئیڤان دۆکێ بە سەرۆکی کۆڵۆمبیا هەڵبژێردرا 6 کاژێر لەمەو بەر |

ئیڤان دۆکێ بە سەرۆکی کۆڵۆمبیا هەڵبژێردرا

ئەنجامی خولی دووەمی هەڵبژاردنی سەرۆکایەتی زۆرتر
 ژمارەی کوژراوانی ئێران لە سووریا گەیشتە 52 چەکدار 6 کاژێر لەمەو بەر |

ژمارەی کوژراوانی ئێران لە سووریا گەیشتە 52 چەکدار

بنکەیەکی سەربازیی حکومەتی سووریا بۆردوومانکرا زۆرتر
0.328 seconds