رووداو-هەولێر
لە پارێزگای ئیلامی رۆژهەڵاتی کوردستان نرخی گۆشتی سوور بەرزبووەتەوە و بەوهۆیەشەوە خەڵک کەمتر گۆشت دەکڕن و گۆشتفرۆشەکانیش بازاڕیان لاواز بووە.
بەگوتەی بەرپرسانی پارێزگاکە، هۆکاری گرانبوونی نرخی گۆشتی سوور بە قاچاخبردنی مەڕوماڵاتە بۆ دەرەوەی وڵات. ئەندامێکی کۆمیسیۆنی ئابووری ئێران دەڵێت، سعودیە و وڵاتانی کەنداو، مەڕوماڵاتی ئێران دەکڕن، ئەوەش بە دەستێکی شارەوە بە گوتەی ئەو بۆ نائارامی بازاڕ لە ئێران دادەنێت.
پارێزگای ئیلام خۆی ناوەندێکی سەرەکی بەخێوکردنی مەڕوماڵاتە، بەڵام لەبەر ئەوەی مەڕوماڵاتەکەی بۆ پارێزگاکانی دیکە و تەنانەت
وڵاتانی دیکەش هەناردە دەکرێ، نرخی گۆشتی لەم پارێزگایەدا چەند قات بەرزتر بووەتەوە.