وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئابووری

گشتپرسیی باشووری کوردستان بازاڕی نەوت شۆک دەکات

لەلایەن رووداو 29/8/2017
شارەزایانی وزە: ناکرێت قەبارەی نەوتی یەدەگی کوردستان لەبەرچاو نەگیرێت

رووداو - هەولێر 

بڕیاری ئەنجامدانی گشتپرسیی باشووری کوردستان نەک تەنیا لەڕووی سیاسییەوە کاریگەری بەدوای خۆیدا هێناوە، بەڵکو لەڕووی ئابووریشەوە بەتایبەتی لە کەرتی وزەدا ئەگەری هەیە بازاڕەکان تووشی شۆک بکات، بۆیە شارەزایان پێیانوایە دەبێت بازاڕەکان خۆیان بۆ هەر سیناریۆیەک ئامادە بکەن.

پێشتر شرۆڤەکارەکانی بواری وزە پێشبینی ئەوەیان دەکرد لە مانگی 10 بازاڕی نەوت رووبەڕووی دوو شۆکی گەورە ببێتەوە: یەکێکیان گەیشتنی وادەی قەرزەکانی کۆمپانیای نەوتی نیشتمانی ڤەنزوێلایە، شۆکی دووەمیش گوشارەکانی ئیدارەی ئێستای ئەمریکایە لەسەر ئێران، بەڵام ئێستا باس لە شۆکی بازاڕی نەوت دەکرێت بەهۆی بەڕێوەچوونی گشتپرسیی باشووری کوردستان کە پێش ئەو دوو شۆکانە روودەدات.

تاوەکو ئێستا عێراق نکۆڵی دەکات لەوەی نەوتێکی زۆر لە هەرێمی کوردستاندا هەیە و دەڵێ تەنیا 6%ـی یەدەگی نەوتی عێراق لە هەرێمی کوردستانە. لە ساڵانی رابردوودا حکومەتی عێراق بۆ ئەوەی وەبەرهێنەران و کۆمپانیا نەوتییەکان لە هەرێمی کوردستان دوورکاتەوە، دانینەناوە بە هەبوونی بڕێکی زۆر سامانی نەوت و گاز لە هەرێمی کوردستاندا.

بەپێی ئەو خەمڵاندنانەی کراون، بەڕێوەچوونی گشتپرسی لە: کەرکووک، خانەقین، مەخموور و  شنگال، یەدەگی پشتڕاستکراوەی نەوتی هەرێمی کوردستان بەرزدەکاتەوە بۆ لانیکەم 28.5 ملیار بەرمیل، کە دەکاتە 20%ـی یەدەگی نەوتی عێراق، یەدەگی نەوتی عێراقیش بە 142.5 ملیار بەرمیل خەمڵێندراوە. 

ئێلێن واڵد، نووسەر و شارەزای بواری وزە لەو باریەوە دەڵێ "دەوڵەتی کوردستان بە هەبوونی ئەو قەبارە نەوتە، ئەگەر دەوڵەتێکی دیموکراتی بێت، ناکرێت لەلایەن کۆمەڵگای جیهانییەوە لەبەرچاو نەگیرێت، تەنانەت ئەگەر وڵاتانی وەکو تورکیا و ئێرانیش دژی بن".

سەرکەوتنی گشتپرسی و دروستبوونی دەوڵەتی کوردی بەتایبەتی لەو رووە گرنگە، کە دەتوانێت رۆژانە 120 تاوەکو 150 هەزار بەرمیل نەوت بە ئاستی بەرهەمهێنانی نەوتی هەرێمی کوردستان زیادبکات.

ئێلێن واڵد، پێیوایە دروستبوونی دەوڵەتی کوردستان دەبێتە هۆی ئەوەی رێکخراوی ئۆپێک داوای لێبکات ببێتە ئەندام لە رێکخراوەکە، چونکە دەیەوێت وەکو وڵاتانی دیکەی ئەندام چاودێری نەوتی باشووری کوردستان بکات و، بەرهەمهێنانی نەوتی کوردستان لە چوارچێوەی ستراتیژی رێکخراوەکە بهێڵێتەوە.

ئێستا رۆژانە نزیکە 500 بۆ 550 هەزار بەرمیل لەڕێی بۆری نەوتی کوردستانەوە هەناردە دەکرێت، بەڵام لە ئەگەری بەڕێوەبردنی کێڵگە نوێیەکان لەلایەن حکومەتی هەرێمی کوردستانەوە، لە دوای سەربەخۆیی، هەناردەکاری نەوتی هەرێمی کوردستان نزیکدەبێتەوە لە رۆژانە 700 هەزار بەرمیل.


 

پێداچوونەوە: هەڵات رێبوار


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 12/02/2018 04:52:01 م
کاک ریبواری ئازیز وا ویده چی سیاسه ت و حیزبه سیاسیه کانی سلیمانی وه ک حیکایه ت و نه قلی گوچانه که ی حه زره تی سلیمانی لیهاتبی ! ده لین حه زره تی...
یاسین حەمە غەریب | 12/02/2018 06:41:20 م
من تێناگەم لایەنەکانی سلێمانی چیان دەوێت؟ سەریان لە خۆیان و لە خەڵکی سلێمانیش تیکداوە و باری کوردستانیشیان شێواندووەو دەستی عەبادی و دوژمنانی...
حیزبەكانی سلێمانی چییان پێ دەكرێت؟
| 12/2/2018 | (2)
ره شید | 12/02/2018 04:29:03 م
بایکوتی خویندن و داخران قوتابخانه له ژیر هه ر پاساویک خه یانه تیکی نیشتیمانی چاووپوشیلینه کراوه و بیروکه ی هه رکه س بیت و هه رحیزبیکی سیاسی له پشتی...
هەشت حیزب پشتیوانییان بۆ مامۆستایانی ناڕازی راگەیاند
| 12/2/2018 | (1)
Botan Maghdid | 12/02/2018 12:05:51 م
به‌ریز كاك قوباد په‌یامیكی قۆل، هاوسانگ، كورت. هیوادارم به‌رده‌وام بی له‌‌م شیوازه‌ له‌ ئه‌قلانیه‌تی ده‌ربرین‌، له‌ ولاتیك كه‌ نا ئه‌قلانیه‌ت ‌بالی...
 قوباد تاڵەبانی: هیوادارم بەرژەوەندیی حیزبی نەبێتە کۆسپ لەبەردەم مووچە
| 12/2/2018 | (1)
ره شید | 08/02/2018 04:43:44 م
به ریز کاک عارف ، وتاره که ت پیش هه موو شتیک پیشانده ری ئه م راستیه حاشاهه لنه گره یه که خویندنه وه ی ریفراندوومخوازنی کوردستان و له سه ره وه ی هه...
Muhammad Sardar | 11/02/2018 11:00:06 ص
zor grnga hkumati harem u komalgai kurdi am shikrdnawai kak arif zor bahand warbgrin
بەغدا نیازی رێككەوتنی هەیە؟
| 8/2/2018 | (2)

لە بەشەکانی دیکەی رووداوەوە

لە سلێمانی و کەلار دەیان تیم خراونەتە حاڵەتی ئامادەباشییەوە 8 کاژێر لەمەو بەر |

لە سلێمانی و کەلار دەیان تیم خراونەتە حاڵەتی ئامادەباشییەوە

بەھۆی مەترسیی لافاو لە گەرمیان کرایە پشوو زۆرتر
 8 کاژێر لەمەو بەر |

"هیچ وادەیەک بۆ کردنەوەی فڕۆکەخانەکانی کوردستان دیارینەکراوە"

فڕۆکەخانەی سلێمانی روونکردنەوە دەدات زۆرتر
ئەمریكا لە عێراق: كەرەستە سەربازییەكانمان كەوتوونەتە دەست بەكارهێنەری رێگەپێنەدراو 9 کاژێر لەمەو بەر |

ئەمریكا لە عێراق: كەرەستە سەربازییەكانمان كەوتوونەتە دەست بەكارهێنەری رێگەپێنەدراو

دەڵێت حەشدی شەعبی نۆ تانكی ئەبرامزی دەستكەوتووە زۆرتر
0.516 seconds