وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کولتوور و ستایل

نەرمین شەوقی: خەریكی تۆماركردنی گۆرانییەكی كوردیم

لەلایەن دەرباز یونس 4/1/2019
نەرمین شەوقی، خانمە هونەرمەندی كورد بۆ رووداو: لە زنجیرە درامایەكی تەلەڤزیۆنی دەردەكەوم
نەرمین شەوقی، خانمە هونەرمەندی كورد بۆ رووداو: لە زنجیرە درامایەكی تەلەڤزیۆنی دەردەكەوم
رووداو – هەولێر

خەڵكی رۆژئاوای كوردستانە، بەڵام لە دیمەشق ژیاوە، دوای تێكچوونی بارودۆخی ئەو وڵاتە چووەتە لوبنان و لەوساوە لە بەیروتی پایتەخت دەژی، لە خانەی ئۆپێرای سووریا گۆرانی گوتووە. ئێستاش لە لوبنان خەریكی كاری هونەرییە. جگە لە گۆرانیگوتن پلانی هەیە وەك ئەكتەر لە زنجیرە درامایەكی هاوبەشی سووری - لوبنانیدا دەربكەوێت. نەرمین شەوقی لە ماوەی رابردوودا بۆ چەند كارێكی هونەری لە شاری هەولێر بوو، لە رێوڕەسمی هەڵبژاردنی شاجوانی كوردستانیش گۆرانی گوت. دواتریش شەوە ئاهەنگێكی هەبوو. نەرمین لە هەڤپەیڤینێكدا لەگەڵ (رووداو) باسی كارە هونەرییەكانی دەكات و دەڵێت بەنیازە گۆرانییەك بە زمانی كوردی تۆمار بكات.

رووداو: ئێستا لە كوێ دەژی، لوبنان یان سووریا؟

نەرمین شەوقی: من ئێستا لە بەیروتی پایتەختی لوبنان دەژیم، بەڵام زۆر سەردانی سووریا دەكەم، جاری وا هەیە هەفتەی جارێك دەڕۆم و چەند رۆژێك دەمێنمەوە، بەڵام ژیانی تەواوەتیم لە لوبنانە.

رووداو: ئێستا بارودۆخی هونەر و هونەرمەندان لە سووریا چۆنە؟

نەرمین شەوقی: ئێستا بارودۆخەكە لە جاران باشترە، بەجۆرێك كە لەو ناوچانەی من بۆیان دەچم ژیان هەیە، ئاهەنگ هەیە، خەڵكی سووریا حەزیان لە ژیانێكی خۆشە. شایەنی ئەوەن بەخۆشی بژین، هیوادارم هەموو كێشەكانی سووریا چارەسەر ببن.

رووداو: سەردانی هەولێرت كرد و چەند رۆژێك مایتەوە، بۆچی هاتبوویت؟ ئەمە یەكەم جارت بوو؟

نەرمین شەوقی: نا یەكەم جارم نەبوو، پێشتریش هاتبووم، بەڵام ئەمە یەكەم سەردان بوو بۆ كاری هونەری. سەرەتا سەردانەكە بەمەبەستی سازكردنی ئاهەنگێك بوو لەو شارە. هەر بۆ ئەوەش هاتم، ئاهەنگێكی زۆر تایبەت و سەرنجڕاكێشم كرد، زۆر دڵم خۆش بوو كە بۆ خەڵكی هەولێر و ئەوانەی لەو شارە دادەنیشن گۆرانیم گوت.

رووداو: لە ئاهەنگی هەڵبژاردنی شاجوانی كوردستانیش گۆرانیت گوت، ئەو بۆنەیەت پێ‌ چۆن بوو؟

نەرمین شەوقی: بەڕاستی ئەزموونێكی زۆر جوان و خۆش بوو كە لەسەر ئەو شانۆ گەورەیە گۆرانیم گوت.

رووداو: چ شتێك لە هەولێر زۆر سەرنجی راكێشایت؟

نەرمین شەوقی: پێشتر ناو و ناوبانگی هەولێر و كوردستانم لە هاوڕێكانم بیستبوو، لوبنانییەكان و سوورییەكانیش هەمیشە باسی جوانی و خۆشیی ئەو شارەیان بۆ دەكردم، بەڵام كە هاتم شتەكەم بە چاوی خۆم بینی، بەڕاستی زۆر سەرنجی راكێشام، لە هەولێر كەبابم خوارد، بەڕاستی كەبابی هەولێر دەرەجە یەكە، هەرگیز تامە خۆشەكەی لەبیر ناكەم.

رووداو: پێشوازی خەڵكی هەولێر لە ئاهەنگەكەت چۆن بوو؟

نەرمین شەوقی: پێشوازییەكی زۆر باش بوو، خەڵكی هەولێر و ئەوانەشی لەو شارە دەژین خەڵكێكی بەڕێزن، حەزیان لە هونەرە.

رووداو: بیرت لەوە نەكردووەتەوە گۆرانی كوردیت هەبێت؟

نەرمین شەوقی: زۆر حەز دەكەم، بیریشم لێكردووەتەوە و كاریشم بۆ كردووە، پێشتر پەیوەندییەكی باشم لەگەڵ ئاوازدانەران و شاعیرانی كورد نەبوو، بەڵام ئێستا پەیوەندییەكەم باشە، كاریشم بۆ كردووە، لە ئایندەیەكی نزیكدا یەكەم بەرهەمی خۆم بە زمانی كوردی تۆمار دەكەم، تێكستەكەشم ئامادەیە، ئێستا پرۆڤەی لەسەر دەكەم بۆ ئەوەی بتوانم بە فۆنەتیكێكی باش بیڵێم و كێشەم نەبێت لەگەڵیدا. گۆرانییەكەش گۆرانییەكی ئاشقانە دەبێت.

رووداو: جگە لە ئاهەنگی تایبەتی گۆرانی، چ پرۆژەیەكی دیكەی هونەریت هەیە؟

نەرمین شەوقی: من گۆرانیگوتنی ئۆپێرام بە ئەكادیمی وەرگرتووە، لە سووریاش هەر زیاتر لە ئۆپێرا گۆرانیم دەگوت. ئێستاش ئاهەنگ دەكەم، دەمەوێت بەرهەمی زیاتری هونەری خۆمم هەبێت، كاریشی لەسەر دەكەم.

رووداو: پێموابێت حەزیش دەكەی وەك ئەكتەر دەربكەویت؟

نەرمین شەوقی: بەڵێ، پڕۆژەش هەیە، لە ئایندەیەكی نزیكدا وەك ئەكتەر لە زنجیرە درامایەكی هاوبەشی سووری - لوبنانی دەردەكەوم، هەموو شتێك تەواو بووە، تەنیا ماوە دەست بە وێنەگرتن بكەین.

نیشانەکردن : نەرمین شەوقی
4693 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/03/2019 03:46:26 م
والله‌ وه‌بیلاهی گه‌ر پارتی نیوه‌ی پۆسته‌كانی خۆشیان بداته‌ یه‌كیه‌تی به‌ته‌ئكید یه‌كیه‌تی له‌ به‌ینی خۆیان ڕێك ناكه‌ون باشتر وایه‌ پارتی هه‌وڵ و...
یەکێتی: بەشداریمان لە کابینەی نوێی حکومەت پەیوەستە بەوەی هاوبەشێکی راستەقینە بین
| 16/3/2019 | (1)
ئیسماعیل عەبدوڵا | 16/03/2019 08:51:18 ص
چۆن بتوانم دەنگ بدەم؟
Azad Azad | 16/03/2019 08:57:23 ص
هونەری فیلمی دۆکیومێنتاری لەبارەی ئازارەکانی گه‌لی كورد به‌گشتیی به‌درێژای ١٠٠ ساڵی ڕابرد و کیمیا باران کردنی هەڵەبجە و ئەنفال و کۆمەڵکوژی کردنی...
لە بەریتانیا فیلمێکی دۆکیومێنتاری لەبارەی کیمیابارانی هەڵەبجە نمایشکرا
| 16/3/2019 | (2)
mohammad kurdish kurdstan | 15/03/2019 03:25:34 م
أن شاءالله‌ بۆخاتری عه‌رشی په‌روه‌ردگاری پیرۆز به‌م رۆژی هه‌ینیه‌ هه‌رچی بكوژان و تاوانانی ئه‌م ڕووداوه‌ بوون سه‌رشۆر و ریسوا ودونیا و قیامه‌تبن أن...
حكومه‌تى هه‌رێمى كوردستان بەتووندی سه‌ركۆنه‌ى هێرشه‌كه‌ى نیوزلەندا ده‌كات
| 15/3/2019 | (1)
REALMADRIDCF | 15/03/2019 02:34:00 م
ئەگەرلەسەردەستی پێرێزڕیاڵ مەدریدهەڵنەستایەوەئەواهاندەران دەیان هەوێت دەست لەکار بکێشێتەوە
پلانێکی شاهانە لە یانەی شاهانە
| 26/2/2019 | (1)

لە بەشەکانی دیکەی رووداوەوە

0.422 seconds