وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کولتوور و ستایل

لە هەولێر بازاڕی هونەرمەندانی عەرەب گەرمە

لەلایەن دەرباز یونس 7/2/2019
گۆرانیبێژێكی كورد: هونەرمەندانی عەرەب بازاڕی هونەرمەندانی كوردیان نەهێشت
گۆرانیبێژێكی كورد: هونەرمەندانی عەرەب بازاڕی هونەرمەندانی كوردیان نەهێشت

رووداو-هەولێر

بەر لە قەیرانی دارایی و شەڕی دژی داعش، هەولێر وێستگەیەكی سەرەكی بەشێكی زۆر لە هونەرمەندانی عەرەب بوو بۆ سازكردنی ئاهەنگ و كۆنسێرتی گۆرانی، بەجۆرێك كە مانگانە هونەرمەندێك دەهاتە هەولێر یان سلێمانی و كۆنسێرتی دەكرد، بەڵام لە دوای 2014 بازاڕی هونەرمەندانی عەرەب بەهۆی زنجیرەیەك قەیرانی سیاسی و ئابووری كز بوو، ئێستا كەم كەم بازاڕی هونەرمەندانی عەرەب دەبووژێتەوە.


هونەرمەندێكی لوبنانی دەڵێت، ئەوان لەبەر خۆشەویستییان بۆ خەڵكی كوردستان دێنە هەولێر، ئەگەرنا لە لوبنان و وڵاتە عەرەبییەكان بازاڕیان گەرمە، خاوەن كۆمپانیایەكیش دەڵێت: ئەوان ئێستا ناتوانن هونەرمەندانی پلە یەكی وەكو ئەلیسا و نەجوا كەرەم و نانسی عەجرەم بهێننە كوردستان، چونكە تێچوویەكی زۆری دەوێت و گەرەنتی نییە قازانج بكەن، هەر بۆیە هونەرمەندانی پلە دوو و سێ‌ لە رووی ناوبانگەوە دەهێنن.

میلیسا كە خانمە گۆرانیبێژێكی لوبنانییە و لە مانگی رابردوو لە شاری هەولێر ئاهەنگێكی ساز كرد، دەڵێت: "ئێمەی هونەرمەندانی لوبنانی لەبەر خۆشەویستیمان بۆ خەڵكی كوردستان دێینە هەولێر، ئەگەرنا بە بەردەوامی لە بەیروت و وڵاتانی دیكەی عەرەبیش كۆنسێرتمان هەیە".

ئەو خانمە لوبنانییە نرخی ئاهەنگەكانی لە هەولێر ئاشكرا ناكات، بەڵام دەڵێت: "زۆر جار ئێمە پارەیەكی كەمتر لەوەی لوبنان و شوێنەكانی دیكە بۆ ئاهەنگێك یان كۆنسێرتێكی گۆرانی لە هەولێر وەردەگرین".

ئەو هونەرمەندانەی كە دێنە هەولێر و دواتر دەگەڕێنەوە، هەمیشە لە چاوپێكەوتنەكاندا دەڵێن پایتەختی هەرێمی كوردستان زۆر لەوە خۆشتر و سەرنجڕاكێشتر بووە كە ئەوان چاوەڕوانیان كردووە. بۆیە بەڵێن دەدەن جارێكی دیكە سەردانی بكەنەوە.

مریام كلینك لەو بارەیەوە دەڵێ: "بەر لەوەی بچمە هەولێر بەشێك لە هاوڕێكانم بە گومانەوە باسیان لە سەردانەكەم دەكرد، بەڵام خۆم زۆر ناوبانگی هەولێرم بە باشی زانیبوو". كلینك دەشڵێت: "هەموو كات ئامادەم بێمەوە هەولێر و كۆنسێرت و ئاهەنگ بكەم، چونكە پێشبینییەكانم زۆر لەوە زیاتر بوو، هەوادارانم زۆر دڵیان خۆشكردم".

هونەرمەندانی عەرەب لەلایەن كەرتی تایبەتەوە دەهێنرێنە كوردستان و لە هوتێلە پێنج ئەستێرەكان ئاهەنگی تایبەتیان بۆ رێكدەخرێ‌ كە هەندێجار تەنانەت رێكلامیش بۆ ئاهەنگەكانیان ناكرێ‌.

زانا كەریم، بەڕێوەبەری ماركێتینگی یەكێك  لەو كۆمپانیایانەی كە كۆنسێرتی گۆرانی بۆ هونەرمەندانی بیانی ساز دەكەن و لە رابردوودا چەندین هونەرمەندیان هێناوەتە هەولێر، دەڵێت: "ئێستا ناتوانین هونەرمەندانی پلە یەكی عەرەب بهێنین، چونكە پارەیەكی زۆر داوا دەكەن، خەرجیی زۆر دەكەوێتە سەر كۆمپانیا و هیچ گەرەنتییەكیش نییە كە بلیت بفرۆشرێت و زیانی گەورەمان بەرنەكەوێت، بۆیە ئێستا ئەو هونەرمەندانە دەهێنین كە بە نرخێكی كەم دێن".

زانا دەشڵیت: "هونەرمەندی عەرەب هەیە زیاتر لە 100 هەزار دۆلار بۆ ئاهەنگێك داوا دەكات، جگە لە خەرجی هاتن و چوون و مانەوەی خۆی و تیمەكەی".

لەیال عەبوود، هونەرمەندێكی بەناوبانگی لوبنانییە، ئێستا ناوبانگی لە چەند وڵاتێكی عەرەبیش بڵاوبووەتەوە، عەبوود بە هەفتەنامەی (رووداو)ی گوت: "لە ماوەی رابردوودا دەیان ئۆفەر و گرێبەستم لە هەولێرەوە بۆ سازدانی كۆنسێرت و ئاهەنگ پێگەیشتوون، بەڵام تا ئێستا نەگەشتوومەتە ریككەوتنێكی باش". باس لەوەش دەكات كە ئامادەیە بۆ كۆنسێرت و ئاهەنگ سەردانی هەولێر بكات.

بەشێك لە گۆرانیبێژانی كورد لە هاتنی هونەرمەندانی عەرەب و بیانی بۆ باشووری كوردستان نیگەرانن، ئەوان دەڵێن ئەمە كاریگەری نەرێنی لەسەر ژیان و گوزەرانیان دروستكردووە، چونكە هونەرمەندانی كورد هیچ داهاتێكیان نییە، پارەی كۆنسێرت و ئاهەنگ نەبێت.
گۆرانیبێژێكی كورد كە شەوانە لە چەند رێستورانتێكی شاری سلێمانی گۆرانی دەڵێت و نایەوێت ناوەكەی ئاشكرا بكرێت، گوتی: "هاتنی هونەرمەندانی عەرەب بۆ هەولێر بازاڕی هونەرمەندانی كورد دەشكێنێ".

ئەو هونەرمەندە باس لەوەش دەكات كە لە دوای دروستبوونی قەیرانی دارایی، بەهۆی ئەوەی كۆمپانیاكان نەیانتوانیوە هونەرمەندانی عەرەب بۆ كوردستان بانگهێشت بكەن، بازاڕی هونەرمەندانی كورد جووڵا، بەجۆرێك كە بەشێكی هونەرمەندانی كورد ئێستا لە رێگەی ئاهەنگی بۆنەكان و ئاهەنگی دیكە لە هۆتێل و رێستورانتەكان، داهاتێكی گونجاویان دەستدەكەوێت.


کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
18364 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)
Srur barzani | 11/02/2019 03:00:29 م
زۆر سوپاسی ئەم مامۆستایە و برایە دەکەم بە راسی ئەوە کارێکە کە بۆ کەسێک و دوو کەس نیە بۆ میلەتێکە ئەو کارە ئینشاللە بە هیوای سەرکەوتن و کاری باشتر و...
کەریم | 14/02/2019 09:43:37 ص
زۆر سپاس بۆ کاک بۆکانی بەڕێز بۆ ئەم کارە گەورەیە دەست خۆش و سەرکەوتوبیت.
گەنجێک هەوڵدەدات شێوەزاری سۆرانی بۆ گوگڵ زیادبکات
| 11/2/2019 | (2)
hershhaji | 11/02/2019 02:53:55 م
باشە لێرەدا پرسیار ئەوە یە ئەی چۆن بڕوانامەی پۆلی ۱۱ و۱۲یان داوەتێ ؟؟؟؟
omer salem | 13/02/2019 08:33:21 م
slaw
قوتابییەك لە زانكۆوە دەگەڕێندرێتەوە ئامادەیی
| 11/2/2019 | (2)
Rebwar | 11/02/2019 01:53:12 م
Dastxosh
پارتی دەبێ خۆی لەو داوە رزگار بكات
| 11/2/2019 | (1)

لە بەشەکانی دیکەی رووداوەوە

جێنیفێر لۆپێز وازهێنانی لە شەکر رادەگەیێنێت 11 کاژێر لەمەو بەر |

جێنیفێر لۆپێز وازهێنانی لە شەکر رادەگەیێنێت

جەستەی ئالوودەبووە بە شەکر زۆرتر
نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن 15 کاژێر لەمەو بەر |

نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن

هیچ یاسایەکی نێودەوڵەتی نییە بۆ پاراستنی ئەو زۆرتر
لامەركەزی بە دروومانێكی خۆماڵی 20 کاژێر لەمەو بەر |

لامەركەزی بە دروومانێكی خۆماڵی

داڕشتنەوەی پەیكەری حكومەتی خۆجێیی و كاراكردنی زۆرتر
0.266 seconds