وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کولتوور و ستایل

دالیدا خەلیل: كەسێكی زۆر درۆزنم

لەلایەن دەرباز یونس 12/1/2018
ئەزموونی دەركەوتنم لەگەڵ رامی عەیاش هەرگیز لەبیر ناكەم
ئەزموونی دەركەوتنم لەگەڵ رامی عەیاش هەرگیز لەبیر ناكەم

رووداو - بەیروت

بە زنجیرە درامای "حلوە كژابە" لە لوبنان بەناوبانگ بوو، بە دەركەوتن لەگەڵ رامی عەیاش لە زنجیرە درامایەكدا ناوبانگی لە وڵاتانی عەرەبی پەیدا كرد، یەكێكە لە دیارترین ئەكتەرە گەنجەكانی لوبنان و زیاتر لە 20 زنجیرە درامای هەیە. دالیدا خەلیل، ئەكتەر و ئەستێرەی لوبنانی لە هەڤپەیڤینێكدا وەڵامی پرسیارەكانی (رووداو)ی دایەوە.


رووداو: تۆ لە ساڵی 2003 دا بە بەشداریكردنت لە پێشبڕكێی شاجوانی دەستتپێكرد، توانیت تاجی شاجوانی لەسەر بنێی. با لەو باسەوە دەستپێبكەین، ئەو ئەزموونە چۆن بوو؟

دالیدا خەلیل: بەڵێ، ئەمە جوانترین ئەزموونی ژیانم بوو. 13 ساڵ شاجوانی باكووری لوبنان بووم. لە لوبنان شاجوانی باكوور و باشوور هەیە. ئەو كاتە تەمەنم لە 18 ساڵ كەمتر بوو، باوكم خودا لێی خۆشبێت لە فەرمانگەی دادنووسی كاخەزێكی بۆ نووسیم تا بتوانم بەشداری بكەم و خۆشبەختانە ناسناوەكەم بەدەستهێنا، تاوەكو ساڵی 2016 من شاجوانی باكووری لوبنان بووم، چونكە رێوڕەسمەكە نەدەكرا، ساڵی 2016 رێوڕەسمەكە بەڕێوەچوو، كچێكی دیكە بووە شاجوان. رووداو: تۆ ئەكتەریت، لە هەمانكاتدا گۆرانیبێژیشیت، بەڵام بۆچی حەز دەكەی وەك ئەكتەر بناسرێی؟

دالیدا خەلیل: من ئەكتەرم و دەرچووی بەشی نواندن و دەرهێنانم لە زانكۆی لوبنان. سەمادەكەم و گۆرانیش دەڵێم. لە خودا بەزیاد بێ بەهرەم زۆرە، بەڵام پێموایە هونەرمەند دەبێت فۆكەس لەسەر لایەنێك بكات، من فۆكەس لەسەر كاری نواندن دەكەم.



رووداو: لە زیاتر لە 20 زنجیرە درامای تەلەڤزیۆنیدا رۆڵت بینیوە، بە درامای پەنجا بە پەنجا دەستتپێكرد، ئەمە چۆن بوو؟

دالیدا خەلیل: فیفتی فیفتی درامایەكی كۆمیدی بوو، درامای كۆمیدی لە ژیانی من نزیكە و باشتر دەتوانم رۆڵی تێدا بگێڕم. كۆمیدیا لەم ژیانە پڕ سترێسە ژیانت خۆش دەكات و وات لێدەكات پێبكەنی، بەڵام ئەمەش مانای ئەوە نییە كە ناتوانم رۆڵی تراژیدی ببینم، بە پێچەوانەوە رۆڵی تراژیدیشم بینیوە.

رووداو: زۆر خەڵاتت بەدەستهێناوە، بەڵام بۆچی زۆرتر شانازی بە خەڵاتی مۆرێكس دۆر دەكەی؟

دالیدا خەلیل: مۆرێكس دۆر یەكێكە لە گرنگترین خەڵاتەكان لە هەموو وڵاتانی عەرەبی و لوبنانیش. من توانیم ئەم خەڵاتە بەدەستبهێنم، وەك شانازییەكی گەورەی ژیانم سەیری دەكەم، ئەمە خەڵاتێكی رێزلێنانە لە لایەن لێژنەیەكی رەخنەگری پسپۆڕەوە ساڵانە دەیبەخشنە كەسێك لە بواری هونەردا.

رووداو: "حلوە و كژابە" یەكێكە لە گرنگترین ئەو زنجیرە درامایانەی تۆ رۆڵت تێیدا بینیوە، دەتوانم بڵێم بەو درامایە ناوبانگێكی گەورەت پەیدا كرد، بەتایبەتی وەك كەسێكی درۆزن؟



دالیدا خەلیل: با راستییەكت پێ بڵێم، من زۆر درۆ دەكەم، هەر سروشتی من بەمشێوەیەیە كە درۆی زۆر دەكەم، دەرهێنەری ئەو درامایە دەیزانی كە من رۆژانە درۆی زۆر دەكەم، هەر بۆیە ئەم بیرۆكەیەی بۆ هات كە زنجیرە درامایەك دروستبكات بەناوی "جوان و درۆزن".

رووداو: رۆژانە چەند درۆ دەكەی؟

دالیدا خەلیل: بەپێی رۆژ دەگۆڕێت، بەڵام هەر دەبێت رۆژانە درۆ بكەم.

رووداو: "امیر لیل" دوایین زنجیرە درامای تۆیە كە لەگەڵ رامی عەیاش بەیەكەوە دەردەكەون، لەو كارە رازی بووی؟

دالیدا خەلیل: رامی عەیاش ئەمیری دراماكە بوو، منیش ئەكتەری سەرەكی كچ بووم لەگەڵیدا، بەڕاستی دەمەوێت بڵێم هەموو ئەو ستافەی كە كاریان لەو درامایە كرد ئەمیرێكن، كارێكی زۆر جوان و تایبەت بوو.

رووداو: با باسی ئەزموونی بەشداریكردنت لە بەرنامەی سەماكردن لەگەڵ ئەستێرەكان بكەین، دانسینگ وز زە ستارس، ئەزموونێكی چۆن بوو لە ژیانتدا؟



دالیدا خەلیل: من لەگەڵ عەبدۆ دەلول سەمام دەكرد، سەماكەرێكی زۆر بەناوبانگی سووریە، تا بەرنامەی فیناڵ چووم، بەڵام نەمتوانی ناسناوەكە بەدەستبێنم و پلەی دووەمم هێنا. ئەو بەرنامەیە ئەزموونێكی زۆر جوانی ژیانم بوو.

رووداو: وابزانم ئەزموونی سینەماشت هەیە؟

دالیدا خەلیل: فیلمێكی سینەماییم هەیە كە سەركەوتنێكی زۆر گەورەمان تێیدا بەدەستهێنا، ئەویش تەواوكەری درامای "جوانی درۆزن" بوو كە كردمان بە فیلمێكی سینەمایی بەناوی "الحلوە و كپیر كژابە" واتە جوانێكی زۆر درۆزن، لەگەڵ ئەكتەر و گۆرانیبێژی بەناوبانگی لوبنانی زیاد بورشی، ئەزموونێكی زۆر سەركەوتوو بوو، دەمەوێ ئەوەش بڵێم كە بوون بە ئەستێرەی سینەمایی خەونێكی دیكەی منە.

رووداو: ئێستا لە لوبنان ژمارەیەكی زۆر كۆچبەری سووری و عێراقی دەژین، تۆ وەك هونەرمەندێك پڕۆژەیەكی دیاریكراوت بۆ كۆچبەران هەیە؟

دالیدا خەلیل: بارودۆخی بەرهەمهێنانی دراما لە لوبنان بەو شێوەیە باش نییە كە ئێمەی ئەكتەر بتوانین پڕۆژەی خێرخوازیمان هەبێت بۆ كۆچبەران، واتە ئەكتەر لە لوبنان پارەیەكی زۆر كەم بۆ دراماكانی وەردەگرێ و خۆی پێویستی بە هاوكاری هەیە بۆ ژیانی، چۆن دەتوانین هاوكاری خەڵكی دیكە بكەین؟


نیشانەکردن : دالیدا خەلیل
4255 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 19/01/2019 10:49:00 ص
هه تا کوردستان به شیک بیت له عیراق ئه مریکا و ئه وانیتریش ناتوانن کورد وه ک حه لیفیکی ستراتیژیک بو خویان دا بنین ! به واتایه کی دیکه کورد هه تا نه...
سرهد | 22/01/2019 08:30:35 ص
لێکدانەوەیەکى واقیعبینانەیە، دەست خۆش برا.
لە چاوەڕوانیی گۆڕانكارییە هەرێمییەكاندا
| 19/1/2019 | (2)
Azad Azad | 21/01/2019 08:38:25 م
ده‌ست خۆش بۆ بۆچونه‌كانت كاك مه‌جید گلی، به‌قه‌ناعه‌تی من ئه‌مه‌ریكا ده‌یه‌وێت توركیا راگرێت به‌ ئارامی وه‌ك هاو په‌یمان به‌ڵام له‌ راستیدا بۆ...
سیناریۆ و نهێنییەكانی پشت ناوچە ئارامەكەی سووریا
| 21/1/2019 | (1)
Azad Azad | 21/01/2019 07:25:55 م
تاوانی هه‌ر گه‌وره‌ و درندانه‌ منداڵ كوشتنه‌ ...!!! حه‌قی وایه‌ له‌هه‌ر كۆی دونیابێت بی هێنرێته‌وه‌ دادگای بكرێت و سزای هه‌ڵواسینی بۆ ده‌ركرێت.
وردەکاریی کوژرانی باوک و کوڕە سێ ساڵانەکەی لە حاجیاوا
| 21/1/2019 | (1)
Rebwar | 21/01/2019 12:09:08 م
Dastxosh
Rizgar Khoshnaw | 21/01/2019 05:08:48 م
خوێندنه وه ی شته کانی ڕێبوار تامێکی زۆر تایبه تی هه‌ یه ، هه‌ رچه نده له وانه یه ڕێک وه کو ئه و بیر نه که یته وه ، به ڵا م ئه وه نده ورده کاری به...
دوای ئۆكتۆبەرچییەكان نۆرەی بەرهەم ساڵحە
| 21/1/2019 | (2)

لە بەشەکانی دیکەی رووداوەوە

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری 6 کاژێر لەمەو بەر |

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری

نەشتەگەری لووت، فیلەر و بۆتۆکس زۆرتر
بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن 19 کاژێر لەمەو بەر |

بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن

دەیانەوێ لە زۆربەکارهێنانی دەرمان رزگاریان ببێت زۆرتر
لە ئوسترالیا ئەپلیکەیشنێك پشکنینی توانای بیستنی قوتابییان دەکات 20 کاژێر لەمەو بەر |

لە ئوسترالیا ئەپلیکەیشنێك پشکنینی توانای بیستنی قوتابییان دەکات

د. گێما کوخ: زوودەستنیشانکردنی کەمبیستن زۆرتر
0.406 seconds